੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੨੭੩. ਅਰੂਪਾਵਚਰਂ ਧਮ੍ਮਂ ਪਚ੍ਚਯਾ ਅਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਾ).

ਨਅਰੂਪਾਵਚਰਂ ਧਮ੍ਮਂ ਪਚ੍ਚਯਾ ਨਅਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਅਰੂਪਾਵਚਰਂ ਏਕਂ ਖਨ੍ਧਂ…ਪੇ… (ਯਾਵ ਅਜ੍ਝਤ੍ਤਿਕਾ ਮਹਾਭੂਤਾ) ਵਤ੍ਥੁਂ ਪਚ੍ਚਯਾ ਨਅਰੂਪਾਵਚਰਾ ਖਨ੍ਧਾ. ਨਅਰੂਪਾਵਚਰਂ ਧਮ੍ਮਂ ਪਚ੍ਚਯਾ ਅਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਅਰੂਪਾਵਚਰਾ ਖਨ੍ਧਾ. ਨਅਰੂਪਾਵਚਰਂ ਧਮ੍ਮਂ ਪਚ੍ਚਯਾ ਅਰੂਪਾਵਚਰੋ ਚ ਨਅਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਅਰੂਪਾਵਚਰਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੩)

੨੭੪. ਅਰੂਪਾਵਚਰਞ੍ਚ ਨਅਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਅਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ…. ਅਰੂਪਾਵਚਰਞ੍ਚ ਨਅਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਨਅਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. ਅਰੂਪਾਵਚਰਞ੍ਚ ਨਅਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਅਰੂਪਾਵਚਰੋ ਚ ਨਅਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਅਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੩)