੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੨੪੦. ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਨਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨਰੂਪਾਵਚਰਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਸਞ੍ਞਸਤ੍ਤਾ) ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ, ਵਤ੍ਥੁਂ ਪਚ੍ਚਯਾ ਅਹੇਤੁਕਾ ਨਰੂਪਾਵਚਰਾ ਖਨ੍ਧਾ, ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧) (ਸਂਖਿਤ੍ਤਂ.)

ਨਅਧਿਪਤਿਪਚ੍ਚਯੋ

੨੪੧. ਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਤੀਣਿ (ਪਟਿਚ੍ਚਵਾਰਸਦਿਸਂ).

ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਨਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ (ਪਟਿਚ੍ਚਵਾਰਸਦਿਸਂ). ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਰੂਪਾਵਚਰਾਧਿਪਤਿ, ਵਤ੍ਥੁਂ ਪਚ੍ਚਯਾ ਵਿਪਾਕਾ ਰੂਪਾਵਚਰਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ…. ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਚ ਨਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਅਧਿਪਤਿਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਵਿਪਾਕਾ ਰੂਪਾਵਚਰਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੩)

੨੪੨. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ – ਰੂਪਾਵਚਰੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਰੂਪਾਵਚਰਾਧਿਪਤਿ, ਵਿਪਾਕਂ ਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ…. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਨਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ – ਵਿਪਾਕੇ ਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਚ ਨਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਅਧਿਪਤਿਪਚ੍ਚਯਾ – ਵਿਪਾਕਂ ਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਵਿਪਾਕੇ ਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੩) (ਸਂਖਿਤ੍ਤਂ.)