੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੨੩੭. ਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਂ).

ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਨਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਰੂਪਾਵਚਰਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… (ਯਾਵ ਅਜ੍ਝਤ੍ਤਿਕਂ ਮਹਾਭੂਤਂ) ਵਤ੍ਥੁਂ ਪਚ੍ਚਯਾ ਨਰੂਪਾਵਚਰਾ ਖਨ੍ਧਾ. ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਰੂਪਾਵਚਰਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ…. ਨਰੂਪਾਵਚਰਂ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਚ ਨਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਰੂਪਾਵਚਰਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੩)

੨੩੮. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਨਰੂਪਾਵਚਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. ਰੂਪਾਵਚਰਞ੍ਚ ਨਰੂਪਾਵਚਰਞ੍ਚ ਧਮ੍ਮਂ ਪਚ੍ਚਯਾ ਰੂਪਾਵਚਰੋ ਚ ਨਰੂਪਾਵਚਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਰੂਪਾਵਚਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਰੂਪਾਵਚਰੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੩) (ਸਂਖਿਤ੍ਤਂ.)