੧. ਵਿਭਙ੍ਗਵਾਰੋ

ਹੇਤੁਪਚ੍ਚਯਾਦਿ

੧੮੬. ਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਉਪੇਕ੍ਖਾਸਹਗਤਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (ਏਵਂ ਚਤ੍ਤਾਰਿ ਪਞ੍ਹਾ ਯਥਾ ਸਵਿਤਕ੍ਕਦੁਕਸ੍ਸ.)

ਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਅਧਿਪਤਿਪਚ੍ਚਯੇਨ ਪਚ੍ਚਯੋ. (ਯਥਾ ਸਪ੍ਪੀਤਿਕਦੁਕਂ ਏਵਂ ਆਰਮ੍ਮਣਮ੍ਪਿ ਅਧਿਪਤਿਪਿ ਵਿਤ੍ਥਾਰੇਤਬ੍ਬਾ, ‘‘ਉਪੇਕ੍ਖਾ’’ਤਿ ਨਾਨਂ.)

ਅਨਨ੍ਤਰਪਚ੍ਚਯਾਦਿ

੧੮੭. ਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਉਪੇਕ੍ਖਾਸਹਗਤੋ ਧਮ੍ਮੋ ਨਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਪਚ੍ਛਿਮਾਯ ਪਚ੍ਛਿਮਾਯ ਉਪੇਕ੍ਖਾਯ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਉਪੇਕ੍ਖਾਸਹਗਤਂ ਚੁਤਿਚਿਤ੍ਤਂ ਨਉਪੇਕ੍ਖਾਸਹਗਤਸ੍ਸ ਉਪਪਤ੍ਤਿਚਿਤ੍ਤਸ੍ਸ… ਆਵਜ੍ਜਨਾ ਨਉਪੇਕ੍ਖਾਸਹਗਤਾਨਂ ਖਨ੍ਧਾਨਂ… ਵਿਪਾਕਮਨੋਧਾਤੁ ਨਉਪੇਕ੍ਖਾਸਹਗਤਾਯ ਵਿਪਾਕਮਨੋਵਿਞ੍ਞਾਣਧਾਤੁਯਾ… ਉਪੇਕ੍ਖਾਸਹਗਤਂ ਭਵਙ੍ਗਂ ਨਉਪੇਕ੍ਖਾਸਹਗਤਸ੍ਸ ਭਵਙ੍ਗਸ੍ਸ… ਉਪੇਕ੍ਖਾਸਹਗਤਂ ਕੁਸਲਾਕੁਸਲਂ ਨਉਪੇਕ੍ਖਾਸਹਗਤਸ੍ਸ ਵੁਟ੍ਠਾਨਸ੍ਸ… ਕਿਰਿਯਂ ਵੁਟ੍ਠਾਨਸ੍ਸ… ਫਲਂ ਵੁਟ੍ਠਾਨਸ੍ਸ… ਨਿਰੋਧਾ ਵੁਟ੍ਠਹਨ੍ਤਸ੍ਸ ਨੇਵਸਞ੍ਞਾਨਾਸਞ੍ਞਾਯਤਨਂ ਨਉਪੇਕ੍ਖਾਸਹਗਤਾਯ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਚ ਨਉਪੇਕ੍ਖਾਸਹਗਤਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਉਪੇਕ੍ਖਾਯ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੧੮੮. ਨਉਪੇਕ੍ਖਾਸਹਗਤੋ ਧਮ੍ਮੋ ਨਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾ ਪਚ੍ਛਿਮਾਯ ਪਚ੍ਛਿਮਾਯ ਉਪੇਕ੍ਖਾਯ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਪੁਰਿਮਾ ਪੁਰਿਮਾ ਨਉਪੇਕ੍ਖਾਸਹਗਤਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਨਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਅਨੁਲੋਮਂ ਗੋਤ੍ਰਭੁਸ੍ਸ…ਪੇ… ਅਨੁਲੋਮਂ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਉਪੇਕ੍ਖਾ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਨਉਪੇਕ੍ਖਾਸਹਗਤਂ ਚੁਤਿਚਿਤ੍ਤਂ ਉਪੇਕ੍ਖਾਸਹਗਤਸ੍ਸ ਉਪਪਤ੍ਤਿਚਿਤ੍ਤਸ੍ਸ… ਨਉਪੇਕ੍ਖਾਸਹਗਤਂ ਭਵਙ੍ਗਂ ਆਵਜ੍ਜਨਾਯ… ਕਾਯਵਿਞ੍ਞਾਣਧਾਤੁ ਵਿਪਾਕਮਨੋਧਾਤੁਯਾ… ਨਉਪੇਕ੍ਖਾਸਹਗਤਾ ਵਿਪਾਕਮਨੋਵਿਞ੍ਞਾਣਧਾਤੁ ਕਿਰਿਯਮਨੋਵਿਞ੍ਞਾਣਧਾਤੁਯਾ… ਨਉਪੇਕ੍ਖਾਸਹਗਤਂ ਭਵਙ੍ਗਂ ਉਪੇਕ੍ਖਾਸਹਗਤਸ੍ਸ ਭਵਙ੍ਗਸ੍ਸ… ਨਉਪੇਕ੍ਖਾਸਹਗਤਂ ਕੁਸਲਾਕੁਸਲਂ ਉਪੇਕ੍ਖਾਸਹਗਤਸ੍ਸ ਵੁਟ੍ਠਾਨਸ੍ਸ… ਕਿਰਿਯਂ ਵੁਟ੍ਠਾਨਸ੍ਸ… ਫਲਂ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਨਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਚ ਨਉਪੇਕ੍ਖਾਸਹਗਤਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਉਪੇਕ੍ਖਾਯ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੧੮੯. ਉਪੇਕ੍ਖਾਸਹਗਤੋ ਚ ਨਉਪੇਕ੍ਖਾਸਹਗਤੋ ਚ ਧਮ੍ਮਾ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਚ ਉਪੇਕ੍ਖਾ ਚ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਚ ਉਪੇਕ੍ਖਾ ਚ ਪਚ੍ਛਿਮਾਯ ਪਚ੍ਛਿਮਾਯ ਉਪੇਕ੍ਖਾਯ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਉਪੇਕ੍ਖਾਸਹਗਤਂ ਚੁਤਿਚਿਤ੍ਤਞ੍ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਸ੍ਸ ਉਪਪਤ੍ਤਿਚਿਤ੍ਤਸ੍ਸ… ਆਵਜ੍ਜਨਾ ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਾਨਂ ਖਨ੍ਧਾਨਂ… ਵਿਪਾਕਮਨੋਧਾਤੁ ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਾਯ ਵਿਪਾਕਮਨੋਵਿਞ੍ਞਾਣਧਾਤੁਯਾ… ਉਪੇਕ੍ਖਾਸਹਗਤਂ ਭਵਙ੍ਗਞ੍ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਸ੍ਸ ਭਵਙ੍ਗਸ੍ਸ… ਉਪੇਕ੍ਖਾਸਹਗਤਂ ਕੁਸਲਾਕੁਸਲਞ੍ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਸ੍ਸ ਵੁਟ੍ਠਾਨਸ੍ਸ… ਕਿਰਿਯਞ੍ਚ ਉਪੇਕ੍ਖਾ ਚ ਵੁਟ੍ਠਾਨਸ੍ਸ… ਫਲਞ੍ਚ ਉਪੇਕ੍ਖਾ ਚ ਵੁਟ੍ਠਾਨਸ੍ਸ… ਨਿਰੋਧਾ ਵੁਟ੍ਠਹਨ੍ਤਸ੍ਸ ਨੇਵਸਞ੍ਞਾਨਾਸਞ੍ਞਾਯਤਨਞ੍ਚ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਾਯ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਉਪੇਕ੍ਖਾਸਹਗਤਾ ਖਨ੍ਧਾ ਚ ਉਪੇਕ੍ਖਾ ਚ ਪਚ੍ਛਿਮਾਨਂ ਪਚ੍ਛਿਮਾਨਂ ਉਪੇਕ੍ਖਾਸਹਗਤਾਨਂ ਖਨ੍ਧਾਨਂ ਉਪੇਕ੍ਖਾਯ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਵ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ.

ਉਪਨਿਸ੍ਸਯਪਚ੍ਚਯੋ

੧੯੦. ਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

ਨਉਪੇਕ੍ਖਾਸਹਗਤੋ ਧਮ੍ਮੋ ਨਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਨਉਪੇਕ੍ਖਾਸਹਗਤਂ ਸਦ੍ਧਂ ਉਪਨਿਸ੍ਸਾਯ ਨਉਪੇਕ੍ਖਾਸਹਗਤੇਨ ਚਿਤ੍ਤੇਨ ਦਾਨਂ ਦੇਤਿ, ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਨਉਪੇਕ੍ਖਾਸਹਗਤਂ ਝਾਨਂ…ਪੇ… ਵਿਪਸ੍ਸਨਂ…ਪੇ… ਮਗ੍ਗਂ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਨਉਪੇਕ੍ਖਾਸਹਗਤਂ ਸੀਲਂ…ਪੇ… ਪਞ੍ਞਂ… ਰਾਗਂ… ਦੋਸਂ… ਮੋਹਂ… ਮਾਨਂ… ਦਿਟ੍ਠਿਂ… ਪਤ੍ਥਨਂ… ਕਾਯਿਕਂ ਸੁਖਂ… ਕਾਯਿਕਂ ਦੁਕ੍ਖਂ… ਉਤੁਂ… ਭੋਜਨਂ… ਸੇਨਾਸਨਂ ਉਪੇਕ੍ਖਂ ਉਪਨਿਸ੍ਸਾਯ ਨਉਪੇਕ੍ਖਾਸਹਗਤੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ; ਨਉਪੇਕ੍ਖਾਸਹਗਤਾ ਸਦ੍ਧਾ…ਪੇ… ਸੇਨਾਸਨਂ ਉਪੇਕ੍ਖਾ ਚ ਨਉਪੇਕ੍ਖਾਸਹਗਤਾਯ ਸਦ੍ਧਾਯ…ਪੇ… ਪਞ੍ਞਾਯ… ਰਾਗਸ੍ਸ…ਪੇ… ਪਤ੍ਥਨਾਯ… ਕਾਯਿਕਸ੍ਸ ਸੁਖਸ੍ਸ… ਕਾਯਿਕਸ੍ਸ ਦੁਕ੍ਖਸ੍ਸ … ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪੇਕ੍ਖਾਯ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਤੀਣਿਪਿ ਉਪਨਿਸ੍ਸਯਾ). ਨਉਪੇਕ੍ਖਾਸਹਗਤਂ ਸਦ੍ਧਂ ਉਪਨਿਸ੍ਸਾਯ ਉਪੇਕ੍ਖਾਸਹਗਤੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਨਉਪੇਕ੍ਖਾਸਹਗਤਂ ਸੀਲਂ…ਪੇ… ਸੇਨਾਸਨਂ ਉਪੇਕ੍ਖਂ ਉਪਨਿਸ੍ਸਾਯ ਉਪੇਕ੍ਖਾਸਹਗਤੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਉਪੇਕ੍ਖਾਸਹਗਤੇਨ ਚਿਤ੍ਤੇਨ ਅਦਿਨ੍ਨਂ ਆਦਿਯਤਿ, ਮੁਸਾ ਭਣਤਿ, ਪਿਸੁਣਂ…ਪੇ… ਸਮ੍ਫਂ…ਪੇ… ਸਨ੍ਧਿਂ…ਪੇ… ਨਿਲ੍ਲੋਪਂ…ਪੇ… ਏਕਾਗਾਰਿਕਂ…ਪੇ… ਪਰਿਪਨ੍ਥੇ…ਪੇ… ਪਰਦਾਰਂ…ਪੇ… ਗਾਮਘਾਤਂ…ਪੇ… ਨਿਗਮਘਾਤਂ ਕਰੋਤਿ; ਨਉਪੇਕ੍ਖਾਸਹਗਤਾ ਸਦ੍ਧਾ…ਪੇ… ਸੇਨਾਸਨਂ ਉਪੇਕ੍ਖਾ ਚ ਉਪੇਕ੍ਖਾਸਹਗਤਾਯ ਸਦ੍ਧਾਯ…ਪੇ… ਪਤ੍ਥਨਾਯ… ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ.

ਨਉਪੇਕ੍ਖਾਸਹਗਤੋ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਚ ਨਉਪੇਕ੍ਖਾਸਹਗਤਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਤੀਣਿ ਉਪਨਿਸ੍ਸਯਾ ਦੁਤਿਯਗਮਨਸਦਿਸਾ). (੩)

ਉਪੇਕ੍ਖਾਸਹਗਤੋ ਚ ਨਉਪੇਕ੍ਖਾਸਹਗਤੋ ਚ ਧਮ੍ਮਾ ਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

ਪੁਰੇਜਾਤਪਚ੍ਚਯੋ

੧੯੧. ਨਉਪੇਕ੍ਖਾਸਹਗਤੋ ਧਮ੍ਮੋ ਨਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ (ਸਪ੍ਪੀਤਿਕਦੁਕਸਦਿਸਾ).

ਪਚ੍ਛਾਜਾਤਪਚ੍ਚਯਾਦਿ

੧੯੨. ਉਪੇਕ੍ਖਾਸਹਗਤੋ ਧਮ੍ਮੋ ਨਉਪੇਕ੍ਖਾਸਹਗਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ… ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ… ਕਮ੍ਮਪਚ੍ਚਯੇਨ ਪਚ੍ਚਯੋ… ਛ. (ਚਤ੍ਤਾਰਿ ਸਹਜਾਤਾ ਨਾਨਾਕ੍ਖਣਿਕਾ ਕਾਤਬ੍ਬਾ, ਦ੍ਵੇ ਨਾਨਾਕ੍ਖਣਿਕਾ ਚ.)… ਵਿਪਾਕਪਚ੍ਚਯੇਨ ਪਚ੍ਚਯੋ… ਨਵ… ਆਹਾਰਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਨਵ… ਝਾਨਪਚ੍ਚਯੇਨ ਪਚ੍ਚਯੋ… ਨਵ… ਮਗ੍ਗਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਛ… ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਪਞ੍ਚ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਨਵ… ਨਤ੍ਥਿਪਚ੍ਚਯੇਨ ਪਚ੍ਚਯੋ… ਵਿਗਤਪਚ੍ਚਯੇਨ ਪਚ੍ਚਯੋ… ਅਵਿਗਤਪਚ੍ਚਯੇਨ ਪਚ੍ਚਯੋ. (ਇਮਾਨਿ ਪਚ੍ਚਯਾਨਿ ਸਪ੍ਪੀਤਿਕਕਰਣੇਨ ਵਿਭਜਿਤਬ੍ਬਾਨਿ.)