੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੧੪੪. ਸਪ੍ਪੀਤਿਕਂ ਧਮ੍ਮਂ ਪਟਿਚ੍ਚ ਸਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਸਪ੍ਪੀਤਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. ਸਪ੍ਪੀਤਿਕਂ ਧਮ੍ਮਂ ਪਟਿਚ੍ਚ ਅਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਸਪ੍ਪੀਤਿਕੇ ਖਨ੍ਧੇ ਪਟਿਚ੍ਚ ਪੀਤਿ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਸਪ੍ਪੀਤਿਕਂ ਧਮ੍ਮਂ ਪਟਿਚ੍ਚ ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਸਪ੍ਪੀਤਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਪੀਤਿ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

ਅਪ੍ਪੀਤਿਕਂ ਧਮ੍ਮਂ ਪਟਿਚ੍ਚ ਅਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਪ੍ਪੀਤਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪੀਤਿਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਅਪ੍ਪੀਤਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ, ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ… (ਯਾਵ ਅਸਞ੍ਞਸਤ੍ਤਾਪਿ) ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. ਅਪ੍ਪੀਤਿਕਂ ਧਮ੍ਮਂ ਪਟਿਚ੍ਚ ਸਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਪੀਤਿਂ ਪਟਿਚ੍ਚ ਸਪ੍ਪੀਤਿਕਾ ਖਨ੍ਧਾ. (ਮੂਲਂ ਕਾਤਬ੍ਬਂ.) ਪੀਤਿਂ ਪਟਿਚ੍ਚ ਸਪ੍ਪੀਤਿਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

੧੪੫. ਸਪ੍ਪੀਤਿਕਞ੍ਚ ਅਪ੍ਪੀਤਿਕਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਸਪ੍ਪੀਤਿਕਂ ਏਕਂ ਖਨ੍ਧਞ੍ਚ ਪੀਤਿਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ…. ਸਪ੍ਪੀਤਿਕਞ੍ਚ ਅਪ੍ਪੀਤਿਕਞ੍ਚ ਧਮ੍ਮਂ ਪਟਿਚ੍ਚ ਅਪ੍ਪੀਤਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਅਹੇਤੁਕੇ ਸਪ੍ਪੀਤਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. ਸਪ੍ਪੀਤਿਕਞ੍ਚ ਅਪ੍ਪੀਤਿਕਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਸਪ੍ਪੀਤਿਕਂ ਏਕਂ ਖਨ੍ਧਞ੍ਚ ਪੀਤਿਞ੍ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ… ਅਹੇਤੁਕਂ ਸਪ੍ਪੀਤਿਕਂ ਏਕਂ ਖਨ੍ਧਞ੍ਚ ਪੀਤਿਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਅਹੇਤੁਕੇ ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੩)