੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੧੦. ਸਵਿਤਕ੍ਕਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਵਾਰਸਦਿਸਾ).

ਅਵਿਤਕ੍ਕਂ ਧਮ੍ਮਂ ਪਚ੍ਚਯਾ ਅਵਿਤਕ੍ਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਵਿਤਕ੍ਕਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਵਿਤਕ੍ਕਂ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ ਅਵਿਤਕ੍ਕਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਵਿਤਕ੍ਕਂ ਪਚ੍ਚਯਾ ਕਟਤ੍ਤਾਰੂਪਂ, ਖਨ੍ਧੇ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਖਨ੍ਧਾ, ਵਿਤਕ੍ਕਂ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਵਿਤਕ੍ਕੋ, ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ…ਪੇ… ਵਤ੍ਥੁਂ ਪਚ੍ਚਯਾ ਅਵਿਤਕ੍ਕਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਵਿਤਕ੍ਕੋ.

ਅਵਿਤਕ੍ਕਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਤਕ੍ਕਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਾ ਖਨ੍ਧਾ (ਪਟਿਸਨ੍ਧਿਯਾਪਿ ਦ੍ਵੇ).

ਅਵਿਤਕ੍ਕਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕੋ ਚ ਅਵਿਤਕ੍ਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਿਤਕ੍ਕਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਵਿਤਕ੍ਕਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਵਿਤਕ੍ਕੋ ਸਮ੍ਪਯੁਤ੍ਤਕਾ ਚ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ… (ਪਟਿਸਨ੍ਧਿਯਾਪਿ ਪਵਤ੍ਤਿਸਦਿਸਾਯੇਵ). (੩)

੧੧੧. ਸਵਿਤਕ੍ਕਞ੍ਚ ਅਵਿਤਕ੍ਕਞ੍ਚ ਧਮ੍ਮਂ ਪਚ੍ਚਯਾ ਸਵਿਤਕ੍ਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਵਿਤਕ੍ਕਂ ਏਕਂ ਖਨ੍ਧਞ੍ਚ ਵਿਤਕ੍ਕਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਸਵਿਤਕ੍ਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… (ਪਟਿਸਨ੍ਧਿਕ੍ਖਣੇ ਦ੍ਵੇ ਕਾਤਬ੍ਬਾ). (੧)

ਸਵਿਤਕ੍ਕਞ੍ਚ ਅਵਿਤਕ੍ਕਞ੍ਚ ਧਮ੍ਮਂ ਪਚ੍ਚਯਾ ਅਵਿਤਕ੍ਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਵਿਤਕ੍ਕੇ ਖਨ੍ਧੇ ਚ ਵਿਤਕ੍ਕਞ੍ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਸਵਿਤਕ੍ਕੇ ਖਨ੍ਧੇ ਚ ਵਿਤਕ੍ਕਞ੍ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਸਵਿਤਕ੍ਕੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਤਕ੍ਕੋ; ਪਟਿਸਨ੍ਧਿਕ੍ਖਣੇ…ਪੇ… (ਤੀਣਿ, ਪਟਿਸਨ੍ਧਿਯਾਪਿ). (੨)

ਸਵਿਤਕ੍ਕਞ੍ਚ ਅਵਿਤਕ੍ਕਞ੍ਚ ਧਮ੍ਮਂ ਪਚ੍ਚਯਾ ਸਵਿਤਕ੍ਕੋ ਚ ਅਵਿਤਕ੍ਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਵਿਤਕ੍ਕਂ ਏਕਂ ਖਨ੍ਧਞ੍ਚ ਵਿਤਕ੍ਕਞ੍ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਸਵਿਤਕ੍ਕਂ ਏਕਂ ਖਨ੍ਧਞ੍ਚ ਵਿਤਕ੍ਕਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਸਵਿਤਕ੍ਕੇ ਖਨ੍ਧੇ ਚ ਵਿਤਕ੍ਕਞ੍ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਸਵਿਤਕ੍ਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ ਵਿਤਕ੍ਕੋ ਚ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)