੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੯੪. ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਛ…ਪੇ… (ਦਸ੍ਸਨੇਨ ਪਹਾਤਬ੍ਬਹੇਤੁਕਦੁਕਸਦਿਸਾ).

ਆਰਮ੍ਮਣਪਚ੍ਚਯੋ

੯੫. ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਬ੍ਭ ਦਸ੍ਸਨੇਨ ਪਹਾਤਬ੍ਬਹੇਤੁਕਦੁਕਸਦਿਸਾ).

੯੬. ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਨਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ…ਪੇ… ਵਿਚਿਕਿਚ੍ਛਾ…ਪੇ… ਨਭਾਵਨਾਯ ਪਹਾਤਬ੍ਬਹੇਤੁਕਂ ਦੋਮਨਸ੍ਸਂ ਉਪ੍ਪਜ੍ਜਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ…ਪੇ… ਫਲਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਨਭਾਵਨਾਯ ਪਹਾਤਬ੍ਬਹੇਤੁਕੇ ਪਹੀਨੇ ਕਿਲੇਸੇ…ਪੇ… ਪੁਬ੍ਬੇ ਸਮੁਦਾਚਿਣ੍ਣੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨਭਾਵਨਾਯ ਪਹਾਤਬ੍ਬਹੇਤੁਕੇ ਖਨ੍ਧੇ ਚ ਮੋਹਞ੍ਚ ਅਨਿਚ੍ਚਤੋ…ਪੇ… ਵਿਪਸ੍ਸਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਨਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ…ਪੇ… ਵਿਚਿਕਿਚ੍ਛਾ…ਪੇ… ਨਭਾਵਨਾਯ ਪਹਾਤਬ੍ਬਹੇਤੁਕਂ ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ… ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ, ਮੋਹਸ੍ਸ ਚ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਝਾਨਂ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨਭਾਵਨਾਯ ਪਹਾਤਬ੍ਬਹੇਤੁਕੇ ਖਨ੍ਧੇ ਚ ਮੋਹਞ੍ਚ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਉਦ੍ਧਚ੍ਚਂ…ਪੇ… ਭਾਵਨਾਯ ਪਹਾਤਬ੍ਬਹੇਤੁਕਂ ਦੋਮਨਸ੍ਸਂ ਉਪ੍ਪਜ੍ਜਤਿ. (੨)

ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਚਕ੍ਖੁਂ…ਪੇ… ਵਤ੍ਥੁਂ ਨਭਾਵਨਾਯ ਪਹਾਤਬ੍ਬਹੇਤੁਕੇ ਖਨ੍ਧੇ ਚ ਮੋਹਞ੍ਚ ਆਰਬ੍ਭ ਉਦ੍ਧਚ੍ਚਸਹਗਤਾ ਖਨ੍ਧਾ ਚ ਮੋਹੋ ਚ ਉਪ੍ਪਜ੍ਜਨ੍ਤਿ (ਘਟਨਾਰਮ੍ਮਣਾ ਤੀਣਿਪਿ ਕਾਤਬ੍ਬਾ). (੩)

ਅਧਿਪਤਿਪਚ੍ਚਯਾਦਿ

੯੭. ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਭਾਵਨਾਯ ਪਹਾਤਬ੍ਬਹੇਤੁਕਂ ਰਾਗਂ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਭਾਵਨਾਯ ਪਹਾਤਬ੍ਬਹੇਤੁਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਭਾਵਨਾਯ ਪਹਾਤਬ੍ਬਹੇਤੁਕਂ ਰਾਗਂ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਨਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਭਾਵਨਾਯ ਪਹਾਤਬ੍ਬਹੇਤੁਕਾਧਿਪਤਿ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਸਹਜਾਤਾਧਿਪਤਿ – ਭਾਵਨਾਯ ਪਹਾਤਬ੍ਬਹੇਤੁਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੯੮. ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਨਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਪੁਬ੍ਬੇ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ…ਪੇ… ਫਲਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਨਭਾਵਨਾਯ ਪਹਾਤਬ੍ਬਹੇਤੁਕੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਨਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਨਭਾਵਨਾਯ ਪਹਾਤਬ੍ਬਹੇਤੁਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ – ਦਾਨਂ…ਪੇ… ਝਾਨਂ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨਭਾਵਨਾਯ ਪਹਾਤਬ੍ਬਹੇਤੁਕੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਭਾਵਨਾਯ ਪਹਾਤਬ੍ਬਹੇਤੁਕੋ ਰਾਗੋ ਉਪ੍ਪਜ੍ਜਤਿ. (੨)

(ਅਨਨ੍ਤਰਪਚ੍ਚਯੇ ਨਭਾਵਨਾਯ ਪਹਾਤਬ੍ਬਹੇਤੁਕਕਾਰਣਾ ਵਿਚਿਕਿਚ੍ਛਾਸਹਗਤੋ ਮੋਹੋ ਨ ਕਾਤਬ੍ਬੋ, ਉਦ੍ਧਚ੍ਚਸਹਗਤੋ ਮੋਹੋ ਕਾਤਬ੍ਬੋ.) ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਛ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ.

ਉਪਨਿਸ੍ਸਯਪਚ੍ਚਯੋ

੯੯. ਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਭਾਵਨਾਯ ਪਹਾਤਬ੍ਬਹੇਤੁਕਾ ਖਨ੍ਧਾ ਭਾਵਨਾਯ ਪਹਾਤਬ੍ਬਹੇਤੁਕਾਨਂ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਭਾਵਨਾਯ ਪਹਾਤਬ੍ਬਹੇਤੁਕਾ ਖਨ੍ਧਾ ਨਭਾਵਨਾਯ ਪਹਾਤਬ੍ਬਹੇਤੁਕਾਨਂ ਖਨ੍ਧਾਨਂ ਮੋਹਸ੍ਸ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ; ਸਕਭਣ੍ਡੇ ਛਨ੍ਦਰਾਗੋ ਪਰਭਣ੍ਡੇ ਛਨ੍ਦਰਾਗਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ; ਸਕਪਰਿਗ੍ਗਹੇ ਛਨ੍ਦਰਾਗੋ ਪਰਪਰਿਗ੍ਗਹੇ ਛਨ੍ਦਰਾਗਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਭਾਵਨਾਯ ਪਹਾਤਬ੍ਬਹੇਤੁਕਾ ਖਨ੍ਧਾ ਉਦ੍ਧਚ੍ਚਸਹਗਤਾਨਂ ਖਨ੍ਧਾਨਂ ਮੋਹਸ੍ਸ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੧੦੦. ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਦਿਟ੍ਠਿਂ ਗਣ੍ਹਾਤਿ; ਸੀਲਂ…ਪੇ… ਪਞ੍ਞਂ… ਨਭਾਵਨਾਯ ਪਹਾਤਬ੍ਬਹੇਤੁਕਂ ਰਾਗਂ… ਦੋਸਂ… ਮੋਹਂ… ਦਿਟ੍ਠਿਂ… ਪਤ੍ਥਨਂ… ਕਾਯਿਕਂ ਸੁਖਂ… ਕਾਯਿਕਂ ਦੁਕ੍ਖਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਸਦ੍ਧਾਯ…ਪੇ… ਪਞ੍ਞਾਯ… ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਰਾਗਸ੍ਸ … ਦੋਸਸ੍ਸ… ਮੋਹਸ੍ਸ… ਦਿਟ੍ਠਿਯਾ… ਪਤ੍ਥਨਾਯ… ਕਾਯਿਕਸ੍ਸ ਸੁਖਸ੍ਸ…ਪੇ… ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਮਾਨਂ ਜਪ੍ਪੇਤਿ…ਪੇ… ਸਦ੍ਧਾ …ਪੇ… ਸੇਨਾਸਨਂ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਰਾਗਸ੍ਸ… ਦੋਸਸ੍ਸ… ਮੋਹਸ੍ਸ… ਮਾਨਸ੍ਸ… ਪਤ੍ਥਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਾ…ਪੇ… ਪਞ੍ਞਾ… ਕਾਯਿਕਂ ਸੁਖਂ…ਪੇ… ਸੇਨਾਸਨਂ ਉਦ੍ਧਚ੍ਚਸਹਗਤਾਨਂ ਖਨ੍ਧਾਨਂ ਮੋਹਸ੍ਸ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਘਟਨੂਪਨਿਸ੍ਸਯਾਪਿ ਤੀਣਿਪਿ ਕਾਤਬ੍ਬਾ). (੩)

ਪੁਰੇਜਾਤਪਚ੍ਚਯਾਦਿ

੧੦੧. ਨਭਾਵਨਾਯ ਪਹਾਤਬ੍ਬਹੇਤੁਕੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਹੇਤੁਕਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ… ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ… ਕਮ੍ਮਪਚ੍ਚਯੇਨ ਪਚ੍ਚਯੋ (ਨਭਾਵਨਾਯ ਪਹਾਤਬ੍ਬਭਾਜਨਕਾਰਣੇ ਨਾਨਾਕ੍ਖਣਿਕਾ ਲਬ੍ਭਤਿ ) …ਪੇ… ਨੋਵਿਗਤਪਚ੍ਚਯੇਨ ਪਚ੍ਚਯੋ. (ਸਂਖਿਤ੍ਤਂ. ਯਥਾ ਦਸ੍ਸਨੇਨ ਪਹਾਤਬ੍ਬਹੇਤੁਕਦੁਕਂ ਏਵਂ ਭਾਵਨਾਯ ਪਹਾਤਬ੍ਬਹੇਤੁਕਪਚ੍ਚਯਾਪਿ ਪਚ੍ਚਨੀਯਾਪਿ ਵਿਭਾਗੋਪਿ ਗਣਨਾਪਿ ਨਿਨ੍ਨਾਨਾਕਰਣਾ.)

ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਨਦਸ੍ਸਨੇਨ ਪਹਾਤਬ੍ਬਸ੍ਸ ਧਮ੍ਮਸ੍ਸ…ਪੇ…. (ਪਰਨ੍ਤੇਨ ਸਕਭਣ੍ਡਛਨ੍ਦਰਾਗੋਪਿ ਕਾਤਬ੍ਬੋ.)

ਭਾਵਨਾਯ ਪਹਾਤਬ੍ਬੋ ਧਮ੍ਮੋ ਨਭਾਵਨਾਯ ਪਹਾਤਬ੍ਬਸ੍ਸ ਧਮ੍ਮਸ੍ਸ…ਪੇ…. (ਪਰਨ੍ਤੇਨ ‘‘ਸਕਭਣ੍ਡਛਨ੍ਦਰਾਗੋ’’ਤਿ ਕਾਤਬ੍ਬਂ.)

ਭਾਵਨਾਯਪਹਾਤਬ੍ਬਹੇਤੁਕਦੁਕਂ ਨਿਟ੍ਠਿਤਂ.