੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੫. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਾ).

੬. ਨਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਚ੍ਚਯਾ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨਦਸ੍ਸਨੇਨ ਪਹਾਤਬ੍ਬਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਜ੍ਝਤ੍ਤਿਕਾ ਮਹਾਭੂਤਾ) ਵਤ੍ਥੁਂ ਪਚ੍ਚਯਾ ਨਦਸ੍ਸਨੇਨ ਪਹਾਤਬ੍ਬਾ ਖਨ੍ਧਾ. (੧)

ਨਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬਾ ਖਨ੍ਧਾ. (੨)

ਨਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬੋ ਚ ਨਦਸ੍ਸਨੇਨ ਪਹਾਤਬ੍ਬੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ. (੩)

੭. ਦਸ੍ਸਨੇਨ ਪਹਾਤਬ੍ਬਞ੍ਚ ਨਦਸ੍ਸਨੇਨ ਪਹਾਤਬ੍ਬਞ੍ਚ ਧਮ੍ਮਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ…. (੧)

ਦਸ੍ਸਨੇਨ ਪਹਾਤਬ੍ਬਞ੍ਚ ਨਦਸ੍ਸਨੇਨ ਪਹਾਤਬ੍ਬਞ੍ਚ ਧਮ੍ਮਂ ਪਚ੍ਚਯਾ ਨਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਦਸ੍ਸਨੇਨ ਪਹਾਤਬ੍ਬਞ੍ਚ ਨਦਸ੍ਸਨੇਨ ਪਹਾਤਬ੍ਬਞ੍ਚ ਧਮ੍ਮਂ ਪਚ੍ਚਯਾ ਦਸ੍ਸਨੇਨ ਪਹਾਤਬ੍ਬੋ ਚ ਨਦਸ੍ਸਨੇਨ ਪਹਾਤਬ੍ਬੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਚ…ਪੇ… ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੩)