੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੬. ਕੁਸਲਂ ਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਕੁਸਲੋ ਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਕੁਸਲੋ ਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਸਂਕਿਲੇਸਿਕਞ੍ਚ ਅਬ੍ਯਾਕਤਂ ਸਂਕਿਲੇਸਿਕਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਸਂਕਿਲੇਸਿਕਞ੍ਚ ਅਬ੍ਯਾਕਤਂ ਸਂਕਿਲੇਸਿਕਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

੭. ਹੇਤੁਯਾ ਨਵ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਵਿਤ੍ਥਾਰੇਤਬ੍ਬਂ).

੮. ਕੁਸਲੋ ਸਂਕਿਲੇਸਿਕੋ ਧਮ੍ਮੋ ਅਕੁਸਲਸ੍ਸ ਸਂਕਿਲੇਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਸਂਕਿਲੇਸਿਕੋ ਧਮ੍ਮੋ ਅਕੁਸਲਸ੍ਸ ਸਂਕਿਲੇਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਸਂਕਿਲੇਸਿਕੋ ਧਮ੍ਮੋ ਅਬ੍ਯਾਕਤਸ੍ਸ ਸਂਕਿਲੇਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੯. ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ).

੧੦. ਕੁਸਲਂ ਅਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਕੁਸਲੋ ਅਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਅਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੧. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੧੨. ਕੁਸਲੋ ਅਸਂਕਿਲੇਸਿਕੋ ਧਮ੍ਮੋ ਕੁਸਲਸ੍ਸ ਅਸਂਕਿਲੇਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਅਸਂਕਿਲੇਸਿਕੋ ਧਮ੍ਮੋ ਅਬ੍ਯਾਕਤਸ੍ਸ ਅਸਂਕਿਲੇਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਅਸਂਕਿਲੇਸਿਕੋ ਧਮ੍ਮੋ ਅਬ੍ਯਾਕਤਸ੍ਸ ਅਸਂਕਿਲੇਸਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਬ੍ਯਾਕਤੋ ਅਸਂਕਿਲੇਸਿਕੋ ਧਮ੍ਮੋ ਕੁਸਲਸ੍ਸ ਅਸਂਕਿਲੇਸਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨) (ਸਂਖਿਤ੍ਤਂ.)

੧੩. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਦ੍ਵੇ…ਪੇ… ਉਪਨਿਸ੍ਸਯੇ ਚਤ੍ਤਾਰਿ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ).