੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੨੪. ਅਕੁਸਲਂ ਆਸਵਞ੍ਚੇਵ ਆਸਵਸਮ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਸਮ੍ਪਯੁਤ੍ਤਵਾਰੇਪਿ ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ).

੨੫. ਅਕੁਸਲਂ ਆਸਵਸਮ੍ਪਯੁਤ੍ਤਞ੍ਚੇਵ ਨੋ ਚ ਆਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵਸਮ੍ਪਯੁਤ੍ਤੋ ਚੇਵ ਨੋ ਚ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਸਮ੍ਪਯੁਤ੍ਤਵਾਰੇਪਿ ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੨੬. ਕੁਸਲਂ ਆਸਵਵਿਪ੍ਪਯੁਤ੍ਤਂ ਸਾਸਵਂ ਧਮ੍ਮਂ ਪਟਿਚ੍ਚ ਕੁਸਲੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਆਸਵਵਿਪ੍ਪਯੁਤ੍ਤਂ ਸਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਂ ਸਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਆਸਵਵਿਪ੍ਪਯੁਤ੍ਤਂ ਸਾਸਵਞ੍ਚ ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਂ ਸਾਸਵਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਆਸਵਵਿਪ੍ਪਯੁਤ੍ਤਂ ਸਾਸਵਞ੍ਚ ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਂ ਸਾਸਵਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੨੭. ਹੇਤੁਯਾ ਸਤ੍ਤ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਸਤ੍ਤ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੨੮. ਕੁਸਲੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਸਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੨੯. ਹੇਤੁਯਾ ਪਞ੍ਚ, ਆਰਮ੍ਮਣੇ ਨਵ, ਅਧਿਪਤਿਯਾ ਚਤ੍ਤਾਰਿ…ਪੇ… ਅਵਿਗਤੇ ਦਸ (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ).