੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧੪. ਅਕੁਸਲਂ ਆਸਵਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਕੁਸਲੋ ਆਸਵਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਮਮ੍ਮਣੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਸਮ੍ਪਯੁਤ੍ਤਵਾਰੇਪਿ ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੧੫. ਕੁਸਲਂ ਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਆਸਵਵਿਪ੍ਪਯੁਤ੍ਤੋ ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਅਕੁਸਲਂ ਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਆਸਵਵਿਪ੍ਪਯੁਤ੍ਤਞ੍ਚ ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਆਸਵਵਿਪ੍ਪਯੁਤ੍ਤਞ੍ਚ ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੧੬. ਹੇਤੁਯਾ ਸਤ੍ਤ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਸਤ੍ਤ…ਪੇ… ਅਵਿਗਤੇ ਸਤ੍ਤ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੧੭. ਕੁਸਲੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੧੮. ਹੇਤੁਯਾ ਪਞ੍ਚ, ਆਰਮ੍ਮਣੇ ਨਵ, ਅਧਿਪਤਿਯਾ ਪਞ੍ਚ…ਪੇ… ਅਵਿਗਤੇ ਦਸ (ਸਂਖਿਤ੍ਤਂ.)

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)