੧-੭. ਪਟਿਚ੍ਚਵਾਰਾਦਿ
ਪਚ੍ਚਯਚਤੁਕ੍ਕਂ
ਹੇਤੁਪਚ੍ਚਯੋ
੭. ਕੁਸਲਂ ਸਾਸਵਂ ਧਮ੍ਮਂ ਪਟਿਚ੍ਚ ਕੁਸਲੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.
ਅਕੁਸਲਂ ਸਾਸਵਂ ਧਮ੍ਮਂ ਪਟਿਚ੍ਚ ਅਕੁਸਲੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.
ਅਬ੍ਯਾਕਤਂ ਸਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)
ਕੁਸਲਂ ਸਾਸਵਞ੍ਚ ਅਬ੍ਯਾਕਤਂ ਸਾਸਵਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)
ਅਕੁਸਲਂ ਸਾਸਵਞ੍ਚ ਅਬ੍ਯਾਕਤਂ ਸਾਸਵਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)
੮. ਹੇਤੁਯਾ ਨਵ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).
ਨਹੇਤੁਯਾ ਦ੍ਵੇ, ਨਆਰਮ੍ਮਣੇ ਪਞ੍ਚ, ਨਅਧਿਪਤਿਯਾ ਨਵ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).
੯. ਕੁਸਲੋ ਸਾਸਵੋ ਧਮ੍ਮੋ ਕੁਸਲਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.
ਅਕੁਸਲੋ ਸਾਸਵੋ ਧਮ੍ਮੋ ਅਕੁਸਲਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.
ਅਬ੍ਯਾਕਤੋ ਸਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਸਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)
ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ).
(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)