੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੭੯. ਕੁਸਲਂ ਨਹੇਤੁਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਕੁਸਲੋ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਨਹੇਤੁਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਕੁਸਲੋ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਨਹੇਤੁਂ ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੨੮੦. ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

ਨਅਧਿਪਤਿਯਾ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

ਆਰਮ੍ਮਣਪਚ੍ਚਯੋ

੨੮੧. ਕੁਸਲੋ ਨਹੇਤੁ ਸਹੇਤੁਕੋ ਧਮ੍ਮੋ ਕੁਸਲਸ੍ਸ ਨਹੇਤੁਸ੍ਸ ਸਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਨਹੇਤੁ ਸਹੇਤੁਕੋ ਧਮ੍ਮੋ ਅਕੁਸਲਸ੍ਸ ਨਹੇਤੁਸ੍ਸ ਸਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਨਹੇਤੁ ਸਹੇਤੁਕੋ ਧਮ੍ਮੋ ਅਬ੍ਯਾਕਤਸ੍ਸ ਨਹੇਤੁਸ੍ਸ ਸਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੨੮੨. ਆਰਮ੍ਮਣੇ ਨਵ, ਅਧਿਪਤਿਯਾ ਸਤ੍ਤ, ਅਨਨ੍ਤਰੇ ਪਞ੍ਚ…ਪੇ… ਸਹਜਾਤੇ ਅਞ੍ਞਮਞ੍ਞੇ ਨਿਸ੍ਸਯੇ ਤੀਣਿ, ਉਪਨਿਸ੍ਸਯੇ ਨਵ, ਆਸੇਵਨੇ ਤੀਣਿ, ਕਮ੍ਮੇ ਪਞ੍ਚ, ਵਿਪਾਕੇ ਏਕਂ, ਆਹਾਰੇ…ਪੇ… ਸਮ੍ਪਯੁਤ੍ਤੇ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਆਰਮ੍ਮਣਪਚ੍ਚਯਾ ਨਹੇਤੁਯਾ ਨਵ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

ਨਹੇਤੁਅਹੇਤੁਕਪਦਂ

ਹੇਤੁਪਚ੍ਚਯੋ

੨੮੩. ਅਬ੍ਯਾਕਤਂ ਨਹੇਤੁਂ ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨਹੇਤੁ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

ਨਹੇਤੁਯਾ ਏਕਂ…ਪੇ… ਨੋਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੨੮੪. ਅਬ੍ਯਾਕਤੋ ਨਹੇਤੁ ਅਹੇਤੁਕੋ ਧਮ੍ਮੋ ਅਬ੍ਯਾਕਤਸ੍ਸ ਨਹੇਤੁਸ੍ਸ ਅਹੇਤੁਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

ਆਰਮ੍ਮਣੇ ਏਕਂ, ਅਧਿਪਤਿਯਾ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

ਹੇਤੁਗੋਚ੍ਛਕਂ ਨਿਟ੍ਠਿਤਂ.