੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੭੫. ਕੁਸਲਂ ਹੇਤੁਸਮ੍ਪਯੁਤ੍ਤਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਕੁਸਲੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਹੇਤੁਸਮ੍ਪਯੁਤ੍ਤਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਅਕੁਸਲੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਹੇਤੁਸਮ੍ਪਯੁਤ੍ਤਞ੍ਚੇਵ ਨ ਚ ਹੇਤੁਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੨੭੬. ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਤੀਣਿ.

ਨਅਧਿਪਤਿਯਾ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

ਆਰਮ੍ਮਣਪਚ੍ਚਯੋ

੨੭੭. ਕੁਸਲੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਕੁਸਲਸ੍ਸ ਹੇਤੁਸਮ੍ਪਯੁਤ੍ਤਸ੍ਸ ਚੇਵ ਨ ਚ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਅਕੁਸਲਸ੍ਸ ਹੇਤੁਸਮ੍ਪਯੁਤ੍ਤਸ੍ਸ ਚੇਵ ਨ ਚ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਹੇਤੁਸਮ੍ਪਯੁਤ੍ਤੋ ਚੇਵ ਨ ਚ ਹੇਤੁ ਧਮ੍ਮੋ ਅਬ੍ਯਾਕਤਸ੍ਸ ਹੇਤੁਸਮ੍ਪਯੁਤ੍ਤਸ੍ਸ ਚੇਵ ਨ ਚ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੨੭੮. ਆਰਮ੍ਮਣੇ ਨਵ, ਅਧਿਪਤਿਯਾ ਸਤ੍ਤ, ਅਨਨ੍ਤਰੇ ਪਞ੍ਚ…ਪੇ… ਸਹਜਾਤੇ ਤੀਣਿ…ਪੇ… ਉਪਨਿਸ੍ਸਯੇ ਨਵ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਆਰਮ੍ਮਣਪਚ੍ਚਯਾ ਨਹੇਤੁਯਾ ਨਵ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)