੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

੧੬੫. ਪਰਿਤ੍ਤੋ ਨਹੇਤੁ ਧਮ੍ਮੋ ਪਰਿਤ੍ਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਪਰਿਤ੍ਤੋ ਨਹੇਤੁ ਧਮ੍ਮੋ ਮਹਗ੍ਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨)

ਮਹਗ੍ਗਤੋ ਨਹੇਤੁ ਧਮ੍ਮੋ ਮਹਗ੍ਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਮਹਗ੍ਗਤੋ ਨਹੇਤੁ ਧਮ੍ਮੋ ਪਰਿਤ੍ਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨)

ਅਪ੍ਪਮਾਣੋ ਨਹੇਤੁ ਧਮ੍ਮੋ ਅਪ੍ਪਮਾਣਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਪ੍ਪਮਾਣੋ ਨਹੇਤੁ ਧਮ੍ਮੋ ਪਰਿਤ੍ਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਪ੍ਪਮਾਣੋ ਨਹੇਤੁ ਧਮ੍ਮੋ ਮਹਗ੍ਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੩)

ਪਰਿਤ੍ਤੋ ਨਹੇਤੁ ਧਮ੍ਮੋ ਪਰਿਤ੍ਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੧੬੬. ਆਰਮ੍ਮਣੇ ਸਤ੍ਤ, ਅਧਿਪਤਿਯਾ ਸਤ੍ਤ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਏਕਾਦਸ, ਅਞ੍ਞਮਞ੍ਞੇ ਸਤ੍ਤ, ਨਿਸ੍ਸਯੇ ਤੇਰਸ, ਉਪਨਿਸ੍ਸਯੇ ਨਵ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ).

ਨਹੇਤੁਯਾ ਪਨ੍ਨਰਸ, ਨਆਰਮ੍ਮਣੇ ਪਨ੍ਨਰਸ (ਸਂਖਿਤ੍ਤਂ).

ਆਰਮ੍ਮਣਪਚ੍ਚਯਾ ਨਹੇਤੁਯਾ ਸਤ੍ਤ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਸਤ੍ਤ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)