੭. ਪਞ੍ਹਾਵਾਰੋ
ਪਚ੍ਚਯਚਤੁਕ੍ਕਂ
ਆਰਮ੍ਮਣਪਚ੍ਚਯਾਦਿ
੧੧੦. ਪੀਤਿਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਪੀਤਿਸਹਗਤੋ ਨਹੇਤੁ ਧਮ੍ਮੋ ਸੁਖਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਪੀਤਿਸਹਗਤੋ ਨਹੇਤੁ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਪੀਤਿਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਚ ਸੁਖਸਹਗਤਸ੍ਸ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੪)
ਸੁਖਸਹਗਤੋ ਨਹੇਤੁ ਧਮ੍ਮੋ ਸੁਖਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਸੁਖਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਸੁਖਸਹਗਤੋ ਨਹੇਤੁ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਸੁਖਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਚ ਸੁਖਸਹਗਤਸ੍ਸ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੪)
ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਸੁਖਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਚ ਸੁਖਸਹਗਤਸ੍ਸ ਨਹੇਤੁਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੪)
ਪੀਤਿਸਹਗਤੋ ਨਹੇਤੁ ਚ ਸੁਖਸਹਗਤੋ ਨਹੇਤੁ ਚ ਧਮ੍ਮਾ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
੧੧੧. ਪੀਤਿਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਸੁਖਸਹਗਤੋ ਨਹੇਤੁ ਧਮ੍ਮੋ ਸੁਖਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਪੀਤਿਸਹਗਤੋ ਨਹੇਤੁ ਚ ਸੁਖਸਹਗਤੋ ਨਹੇਤੁ ਚ ਧਮ੍ਮਾ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
੧੧੨. ਪੀਤਿਸਹਗਤੋ ਨਹੇਤੁ ਧਮ੍ਮੋ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ…ਪੇ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਸੁਖਸਹਗਤੋ ਨਹੇਤੁ ਧਮ੍ਮੋ ਸੁਖਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਉਪੇਕ੍ਖਾਸਹਗਤੋ ਨਹੇਤੁ ਧਮ੍ਮੋ ਉਪੇਕ੍ਖਾਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ.
ਪੀਤਿਸਹਗਤੋ ਨਹੇਤੁ ਚ ਸੁਖਸਹਗਤੋ ਨਹੇਤੁ ਚ ਧਮ੍ਮਾ ਪੀਤਿਸਹਗਤਸ੍ਸ ਨਹੇਤੁਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ (ਸਂਖਿਤ੍ਤਂ).
੧੧੩. ਆਰਮ੍ਮਣੇ ਸੋਲ਼ਸ, ਅਧਿਪਤਿਯਾ ਸੋਲ਼ਸ, ਸਹਜਾਤੇ ਦਸ, ਅਞ੍ਞਮਞ੍ਞੇ ਦਸ, ਨਿਸ੍ਸਯੇ ਦਸ, ਉਪਨਿਸ੍ਸਯੇ ਸੋਲ਼ਸ, ਆਹਾਰੇ ਦਸ…ਪੇ… ਅਵਿਗਤੇ ਦਸ (ਸਂਖਿਤ੍ਤਂ).
ਨਹੇਤੁਯਾ ਸੋਲ਼ਸ, ਨਆਰਮ੍ਮਣੇ ਸੋਲ਼ਸ, ਨਅਧਿਪਤਿਯਾ ਸੋਲ਼ਸ (ਸਂਖਿਤ੍ਤਂ).
ਆਰਮ੍ਮਣਪਚ੍ਚਯਾ ਨਹੇਤੁਯਾ ਸੋਲ਼ਸ (ਸਂਖਿਤ੍ਤਂ).
ਨਹੇਤੁਪਚ੍ਚਯਾ ਆਰਮ੍ਮਣੇ ਸੋਲ਼ਸ (ਸਂਖਿਤ੍ਤਂ).
(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)