੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

੩੯. ਵਿਪਾਕੋ ਹੇਤੁ ਧਮ੍ਮੋ ਵਿਪਾਕਸ੍ਸ ਹੇਤੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

੪੦. ਵਿਪਾਕੋ ਹੇਤੁ ਧਮ੍ਮੋ ਵਿਪਾਕਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਵਿਪਾਕੋ ਹੇਤੁ ਧਮ੍ਮੋ ਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਵਿਪਾਕੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੩)

ਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਵਿਪਾਕਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੩)

ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

੪੧. ਵਿਪਾਕੋ ਹੇਤੁ ਧਮ੍ਮੋ ਵਿਪਾਕਸ੍ਸ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਵਿਪਾਕੋ ਹੇਤੁ ਧਮ੍ਮੋ ਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਵਿਪਾਕੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ … ਤੀਣਿ.

ਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਦ੍ਵੇ.

ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਹੇਤੁ ਧਮ੍ਮੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਸ੍ਸ ਹੇਤੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੪੨. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਛ, ਅਨਨ੍ਤਰੇ ਪਞ੍ਚ, ਸਮਨਨ੍ਤਰੇ ਪਞ੍ਚ, ਸਹਜਾਤੇ ਤੀਣਿ, ਅਞ੍ਞਮਞ੍ਞੇ ਤੀਣਿ, ਨਿਸ੍ਸਯੇ ਤੀਣਿ, ਉਪਨਿਸ੍ਸਯੇ ਨਵ, ਆਸੇਵਨੇ ਦ੍ਵੇ, ਵਿਪਾਕੇ ਏਕਂ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

ਨਹੇਤੁਪਦਪਚ੍ਚਯਚਤੁਕ੍ਕਂ

੪੩. ਵਿਪਾਕਂ ਨਹੇਤੁਂ ਧਮ੍ਮਂ ਪਟਿਚ੍ਚ ਵਿਪਾਕੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਵਿਪਾਕਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਵਿਪਾਕਂ ਨਹੇਤੁਂ ਧਮ੍ਮਂ ਪਟਿਚ੍ਚ ਵਿਪਾਕੋ ਨਹੇਤੁ ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਵਿਪਾਕਧਮ੍ਮਧਮ੍ਮਂ ਨਹੇਤੁਂ ਧਮ੍ਮਂ ਪਟਿਚ੍ਚ ਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਵਿਪਾਕਧਮ੍ਮਧਮ੍ਮਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਵਿਪਾਕਧਮ੍ਮਧਮ੍ਮਂ ਨਹੇਤੁਂ ਧਮ੍ਮਂ ਪਟਿਚ੍ਚ ਵਿਪਾਕਧਮ੍ਮਧਮ੍ਮੋ ਨਹੇਤੁ ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਵਿਪਾਕਂ ਨਹੇਤੁਞ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਵਿਪਾਕਧਮ੍ਮਧਮ੍ਮਂ ਨਹੇਤੁਞ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ ਨਹੇਤੁਞ੍ਚ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੪੪. ਹੇਤੁਯਾ ਤੇਰਸ, ਆਰਮ੍ਮਣੇ ਪਞ੍ਚ, ਅਧਿਪਤਿਯਾ ਨਵ, ਅਨਨ੍ਤਰੇ ਪਞ੍ਚ, ਸਮਨਨ੍ਤਰੇ ਪਞ੍ਚ, ਸਹਜਾਤੇ ਤੇਰਸ, ਅਞ੍ਞਮਞ੍ਞੇ ਸਤ੍ਤ, ਨਿਸ੍ਸਯੇ ਤੇਰਸ, ਉਪਨਿਸ੍ਸਯੇ ਪਞ੍ਚ, ਪੁਰੇਜਾਤੇ ਤੀਣਿ, ਆਸੇਵਨੇ ਦ੍ਵੇ, ਕਮ੍ਮੇ ਤੇਰਸ, ਵਿਪਾਕੇ ਨਵ, ਆਹਾਰੇ ਤੇਰਸ…ਪੇ… ਸਮ੍ਪਯੁਤ੍ਤੇ ਪਞ੍ਚ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ).

ਨਹੇਤੁ-ਨਆਰਮ੍ਮਣਪਚ੍ਚਯਾ

੪੫. ਵਿਪਾਕਂ ਨਹੇਤੁਂ ਧਮ੍ਮਂ ਪਟਿਚ੍ਚ ਵਿਪਾਕੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ… ਨਵ.

ਵਿਪਾਕਂ ਨਹੇਤੁਂ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਨਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ (ਸਂਖਿਤ੍ਤਂ).

੪੬. ਨਹੇਤੁਯਾ ਨਵ, ਨਆਰਮ੍ਮਣੇ ਪਞ੍ਚ, ਨਅਧਿਪਤਿਯਾ ਤੇਰਸ, ਨਅਨਨ੍ਤਰੇ ਪਞ੍ਚ, ਨਸਮਨਨ੍ਤਰੇ ਪਞ੍ਚ, ਨਅਞ੍ਞਮਞ੍ਞੇ ਪਞ੍ਚ, ਨਉਪਨਿਸ੍ਸਯੇ ਪਞ੍ਚ, ਨਪੁਰੇਜਾਤੇ ਦ੍ਵਾਦਸ, ਨਪਚ੍ਛਾਜਾਤੇ ਤੇਰਸ, ਨਆਸੇਵਨੇ ਤੇਰਸ, ਨਕਮ੍ਮੇ ਦ੍ਵੇ, ਨਵਿਪਾਕੇ ਪਞ੍ਚ, ਨਵਿਪ੍ਪਯੁਤ੍ਤੇ ਤੀਣਿ…ਪੇ… ਨੋਵਿਗਤੇ ਪਞ੍ਚ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ ਵਿਤ੍ਥਾਰੇਤਬ੍ਬਂ.)