੧-੭. ਪਟਿਚ੍ਚਵਾਰਾਦਿ

੪੫. ਸਰਣਂ ਪਰਿਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਸਰਣੋ ਪਰਿਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਰਣਂ ਪਰਿਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਰਣੋ ਪਰਿਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ. (ਸਂਖਿਤ੍ਤਂ.) (ਸਹਜਾਤਵਾਰੋਪਿ …ਪੇ… ਪਞ੍ਹਾਵਾਰੋਪਿ ਸਬ੍ਬਤ੍ਥ ਵਿਤ੍ਥਾਰੇਤਬ੍ਬਾ.)

੪੬. ਸਰਣਂ ਮਹਗ੍ਗਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਸਰਣੋ ਮਹਗ੍ਗਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਰਣਂ ਮਹਗ੍ਗਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਰਣੋ ਮਹਗ੍ਗਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ. (ਸਂਖਿਤ੍ਤਂ.) (ਸਹਜਾਤਵਾਰੋਪਿ…ਪੇ… ਪਞ੍ਹਾਵਾਰੋਪਿ ਵਿਤ੍ਥਾਰੇਤਬ੍ਬਾ.)

੪੭. ਅਰਣਂ ਅਪ੍ਪਮਾਣਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਰਣੋ ਅਪ੍ਪਮਾਣਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ. (ਸਂਖਿਤ੍ਤਂ.) (ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)