੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੭੭. ਅਰੂਪਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਅਰੂਪਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਨਅਰੂਪਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਨਅਰੂਪਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੭੮. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

ਨਅਧਿਪਤਿਯਾ ਦ੍ਵੇ…ਪੇ… ਨਆਸੇਵਨੇ ਏਕਂ…ਪੇ… ਨਵਿਪ੍ਪਯੁਤ੍ਤੇ ਦ੍ਵੇ (ਸਂਖਿਤ੍ਤਂ. ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ).

੭੯. ਅਰੂਪਾਵਚਰੋ ਕੁਸਲੋ ਧਮ੍ਮੋ ਅਰੂਪਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨਅਰੂਪਾਵਚਰੋ ਕੁਸਲੋ ਧਮ੍ਮੋ ਨਅਰੂਪਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੮੦. ਹੇਤੁਯਾ ਦ੍ਵੇ, ਆਰਮ੍ਮਣੇ ਤੀਣਿ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਤੀਣਿ…ਪੇ… ਸਹਜਾਤੇ ਦ੍ਵੇ…ਪੇ… ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਤੀਣਿ, ਕਮ੍ਮੇ ਦ੍ਵੇ…ਪੇ… ਅਤ੍ਥਿਯਾ ਦ੍ਵੇ, ਨਤ੍ਥਿਯਾ ਤੀਣਿ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

੮੧. ਨਅਰੂਪਾਵਚਰਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਅਰੂਪਾਵਚਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਏਕਂ (ਸਬ੍ਬਤ੍ਥ ਏਕਂ, ਸਂਖਿਤ੍ਤਂ).

ਅਰੂਪਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਅਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਅਰੂਪਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਅਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਰੂਪਾਵਚਰਂ ਅਬ੍ਯਾਕਤਞ੍ਚ ਨਅਰੂਪਾਵਚਰਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਨਅਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੮੨. ਹੇਤੁਯਾ ਪਞ੍ਚ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਦ੍ਵੇ…ਪੇ… ਨਪੁਰੇਜਾਤੇ ਚਤ੍ਤਾਰਿ, ਨਪਚ੍ਛਾਜਾਤੇ ਨਆਸੇਵਨੇ ਪਞ੍ਚ, ਨਕਮ੍ਮੇ ਦ੍ਵੇ, ਨਵਿਪਾਕੇ ਪਞ੍ਚ, ਨਆਹਾਰੇ ਏਕਂ…ਪੇ… ਨਵਿਪ੍ਪਯੁਤ੍ਤੇ ਦ੍ਵੇ…ਪੇ… ਨੋਵਿਗਤੇ ਤੀਣਿ (ਸਂਖਿਤ੍ਤਂ. ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ).

੮੩. ਅਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਅਰੂਪਾਵਚਰਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਨਅਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਨਅਰੂਪਾਵਚਰਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੮੪. ਹੇਤੁਯਾ ਚਤ੍ਤਾਰਿ, ਆਰਮ੍ਮਣੇ ਤੀਣਿ (ਅਰੂਪਾਵਚਰਮੂਲੇ ਦ੍ਵੇ, ਨਅਰੂਪਾਵਚਰੇ ਏਕਂ), ਅਧਿਪਤਿਯਾ ਚਤ੍ਤਾਰਿ (ਅਰੂਪਾਵਚਰਮੂਲੇ ਤੀਣਿ, ਨਅਰੂਪੇ ਏਕਂ), ਅਨਨ੍ਤਰੇ ਚਤ੍ਤਾਰਿ…ਪੇ… ਸਹਜਾਤੇ ਪਞ੍ਚ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਸਤ੍ਤ, ਉਪਨਿਸ੍ਸਯੇ ਚਤ੍ਤਾਰਿ, ਪੁਰੇਜਾਤੇ ਦ੍ਵੇ, ਪਚ੍ਛਾਜਾਤੇ ਦ੍ਵੇ, ਆਸੇਵਨੇ ਤੀਣਿ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਦ੍ਵੇ…ਪੇ… ਸਮ੍ਪਯੁਤ੍ਤੇ ਦ੍ਵੇ, ਵਿਪ੍ਪਯੁਤ੍ਤੇ ਤੀਣਿ, ਅਤ੍ਥਿਯਾ ਸਤ੍ਤ, ਨਤ੍ਥਿਯਾ ਚਤ੍ਤਾਰਿ…ਪੇ… ਅਵਿਗਤੇ ਸਤ੍ਤ (ਸਂਖਿਤ੍ਤਂ).