੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੭੧. ਰੂਪਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਰੂਪਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਨਰੂਪਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਨਰੂਪਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੭੨. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ (ਸਬ੍ਬਤ੍ਥ ਦ੍ਵੇ, ਸਂਖਿਤ੍ਤਂ).

ਨਅਧਿਪਤਿਯਾ ਦ੍ਵੇ…ਪੇ… ਨਪੁਰੇਜਾਤੇ ਏਕਂ, ਨਆਸੇਵਨੇ ਏਕਂ…ਪੇ… ਨਵਿਪ੍ਪਯੁਤ੍ਤੇ ਏਕਂ (ਸਂਖਿਤ੍ਤਂ. ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ).

੭੩. ਰੂਪਾਵਚਰੋ ਕੁਸਲੋ ਧਮ੍ਮੋ ਰੂਪਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨਰੂਪਾਵਚਰੋ ਕੁਸਲੋ ਧਮ੍ਮੋ ਨਰੂਪਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੭੪. ਹੇਤੁਯਾ ਦ੍ਵੇ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਤੀਣਿ (ਰੂਪਾਵਚਰੇ ਏਕਂ, ਸਹਜਾਤਾਧਿਪਤਿਯੇਵ, ਨਰੂਪਾਵਚਰੇ ਦ੍ਵੇ), ਅਨਨ੍ਤਰੇ ਤੀਣਿ (ਰੂਪਾਵਚਰੇ ਏਕਂ, ਨਰੂਪਾਵਚਰੇ ਦ੍ਵੇ), ਸਮਨਨ੍ਤਰੇ ਤੀਣਿ, ਸਹਜਾਤੇ ਦ੍ਵੇ…ਪੇ… ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਤੀਣਿ, ਕਮ੍ਮੇ ਦ੍ਵੇ…ਪੇ… ਅਤ੍ਥਿਯਾ ਦ੍ਵੇ, ਨਤ੍ਥਿਯਾ ਤੀਣਿ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

੭੫. ਨਰੂਪਾਵਚਰਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਰੂਪਾਵਚਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਬ੍ਬਤ੍ਥ ਏਕਂ).

ਰੂਪਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਰੂਪਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਰੂਪਾਵਚਰਂ ਅਬ੍ਯਾਕਤਞ੍ਚ ਨਰੂਪਾਵਚਰਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਰੂਪਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਸਂਖਿਤ੍ਤਂ).

੭੬. ਹੇਤੁਯਾ ਨਵ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਪਞ੍ਚ…ਪੇ… ਪੁਰੇਜਾਤੇ ਆਸੇਵਨੇ ਦ੍ਵੇ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ. ਯਥਾ ਕਾਮਾਵਚਰਦੁਕਅਬ੍ਯਾਕਤਸਦਿਸਂ, ਏਤ੍ਤਕਾਯੇਵ ਪਞ੍ਹਾ ਹੇਟ੍ਠੁਪਰਿਕਂ ਪਰਿਵਤ੍ਤਨ੍ਤਿ. ਸਹਜਾਤਵਾਰਮ੍ਪਿ…ਪੇ… ਪਞ੍ਹਾਵਾਰਮ੍ਪਿ ਸਬ੍ਬਤ੍ਥ ਵਿਤ੍ਥਾਰੇਤਬ੍ਬਂ).