੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੬੨. ਕਾਮਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਕਾਮਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਨਕਾਮਾਵਚਰਂ ਕੁਸਲਂ ਧਮ੍ਮਂ ਪਟਿਚ੍ਚ ਨਕਾਮਾਵਚਰੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੬੩. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ (ਸਬ੍ਬਤ੍ਥ ਦ੍ਵੇ), ਅਵਿਗਤੇ ਦ੍ਵੇ (ਸਂਖਿਤ੍ਤਂ).

ਨਅਧਿਪਤਿਯਾ ਦ੍ਵੇ…ਪੇ… ਨਵਿਪ੍ਪਯੁਤ੍ਤੇ ਦ੍ਵੇ. (ਸਂਖਿਤ੍ਤਂ.)

(ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ.)

੬੪. ਕਾਮਾਵਚਰੋ ਕੁਸਲੋ ਧਮ੍ਮੋ ਕਾਮਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨਕਾਮਾਵਚਰੋ ਕੁਸਲੋ ਧਮ੍ਮੋ ਨਕਾਮਾਵਚਰਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੬੫. ਹੇਤੁਯਾ ਦ੍ਵੇ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਤੀਣਿ (ਕਾਮਾਵਚਰੇ ਏਕਂ, ਨਕਾਮਾਵਚਰੇ ਦ੍ਵੇ), ਅਨਨ੍ਤਰੇ ਤੀਣਿ (ਕਾਮਾਵਚਰੇ ਦ੍ਵੇ, ਨਕਾਮਾਵਚਰੇ ਏਕਂ)…ਪੇ… ਸਹਜਾਤੇ ਦ੍ਵੇ …ਪੇ… ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਤੀਣਿ, ਕਮ੍ਮੇ ਦ੍ਵੇ, ਆਹਾਰੇ ਦ੍ਵੇ…ਪੇ… ਨਤ੍ਥਿਯਾ ਤੀਣਿ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

੬੬. ਕਾਮਾਵਚਰਂ ਅਕੁਸਲਂ ਧਮ੍ਮਂ ਪਟਿਚ੍ਚ ਕਾਮਾਵਚਰੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੬੭. ਕਾਮਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਕਾਮਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਕਾਮਾਵਚਰਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਕਾਮਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਕਾਮਾਵਚਰਂ ਅਬ੍ਯਾਕਤਞ੍ਚ ਨਕਾਮਾਵਚਰਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਕਾਮਾਵਚਰੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਸਂਖਿਤ੍ਤਂ).

੬੮. ਹੇਤੁਯਾ ਨਵ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਪਞ੍ਚ…ਪੇ… ਅਞ੍ਞਮਞ੍ਞੇ ਛ…ਪੇ… ਪੁਰੇਜਾਤੇ ਦ੍ਵੇ, ਆਸੇਵਨੇ ਦ੍ਵੇ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ…ਪੇ… ਨਕਮ੍ਮੇ ਦ੍ਵੇ, ਨਵਿਪਾਕੇ ਪਞ੍ਚ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਦ੍ਵੇ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ (ਸਂਖਿਤ੍ਤਂ. ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ).

੬੯. ਕਾਮਾਵਚਰੋ ਅਬ੍ਯਾਕਤੋ ਧਮ੍ਮੋ ਕਾਮਾਵਚਰਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨਕਾਮਾਵਚਰੋ ਅਬ੍ਯਾਕਤੋ ਧਮ੍ਮੋ ਨਕਾਮਾਵਚਰਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੭੦. ਹੇਤੁਯਾ ਚਤ੍ਤਾਰਿ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਚਤ੍ਤਾਰਿ (ਕਾਮਾਵਚਰੇ ਏਕਂ, ਨਕਾਮਾਵਚਰੇ ਤੀਣਿ, ਕਾਮਾਵਚਰੇ ਸਹਜਾਤਾਧਿਪਤਿਯੇਵ), ਅਨਨ੍ਤਰੇ ਚਤ੍ਤਾਰਿ, ਸਮਨਨ੍ਤਰੇ ਚਤ੍ਤਾਰਿ, ਸਹਜਾਤੇ ਸਤ੍ਤ, ਅਞ੍ਞਮਞ੍ਞੇ ਛ, ਨਿਸ੍ਸਯੇ ਸਤ੍ਤ, ਉਪਨਿਸ੍ਸਯੇ ਚਤ੍ਤਾਰਿ, ਪੁਰੇਜਾਤੇ ਦ੍ਵੇ, ਪਚ੍ਛਾਜਾਤੇ ਦ੍ਵੇ, ਆਸੇਵਨੇ ਤੀਣਿ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਚਤ੍ਤਾਰਿ, ਆਹਾਰੇ ਚਤ੍ਤਾਰਿ…ਪੇ… ਸਮ੍ਪਯੁਤ੍ਤੇ ਦ੍ਵੇ, ਵਿਪ੍ਪਯੁਤ੍ਤੇ ਤੀਣਿ, ਅਤ੍ਥਿਯਾ ਸਤ੍ਤ, ਨਤ੍ਥਿਯਾ ਚਤ੍ਤਾਰਿ…ਪੇ… ਅਵਿਗਤੇ ਸਤ੍ਤ (ਸਂਖਿਤ੍ਤਂ).