੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੬. ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ ਅਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਚੇਵ ਉਪਾਦਾਨਸਮ੍ਪਯੁਤ੍ਤੋ ਚ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਉਪਾਦਾਨਸਮ੍ਪਯੁਤ੍ਤਞ੍ਚੇਵ ਨੋ ਚ ਉਪਾਦਾਨਂ ਅਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਸਮ੍ਪਯੁਤ੍ਤੋ ਚੇਵ ਨੋ ਚ ਉਪਾਦਾਨੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਂ ਅਕੁਸਲਞ੍ਚ ਉਪਾਦਾਨਸਮ੍ਪਯੁਤ੍ਤਞ੍ਚੇਵ ਨੋ ਚ ਉਪਾਦਾਨਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਉਪਾਦਾਨੋ ਚੇਵ ਉਪਾਦਾਨਸਮ੍ਪਯੁਤ੍ਤੋ ਚ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਸਂਖਿਤ੍ਤਂ).

੨੭. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ). (ਇਮਂ ਗਮਨਂ ਉਪਾਦਾਨਦੁਕਅਕੁਸਲਸਦਿਸਂ. ਇਧ ਪਨ ਹੇਤੁਪਚ੍ਚਯਾ ਇਦਂ ਨਾਨਂ. ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਨਵ.)