੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧੫. ਉਪਾਦਾਨਵਿਪ੍ਪਯੁਤ੍ਤਂ ਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਵਿਪ੍ਪਯੁਤ੍ਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੧੬. ਉਪਾਦਾਨਸਮ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਉਪਾਦਾਨਵਿਪ੍ਪਯੁਤ੍ਤਂ ਅਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਦ੍ਵੇ.

ਉਪਾਦਾਨਸਮ੍ਪਯੁਤ੍ਤਂ ਅਕੁਸਲਞ੍ਚ ਉਪਾਦਾਨਵਿਪ੍ਪਯੁਤ੍ਤਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਉਪਾਦਾਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੧੭. ਹੇਤੁਯਾ ਛ, ਆਰਮ੍ਮਣੇ ਛ (ਸਬ੍ਬਤ੍ਥ ਛ), ਅਵਿਗਤੇ ਛ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਅਧਿਪਤਿਯਾ ਛ…ਪੇ… ਨਕਮ੍ਮੇ ਚਤ੍ਤਾਰਿ, ਨਵਿਪਾਕੇ ਛ, ਨਵਿਪ੍ਪਯੁਤ੍ਤੇ ਛ (ਸਂਖਿਤ੍ਤਂ. ਸਹਜਾਤਵਾਰਾਦਿ ਵਿਤ੍ਥਾਰੇਤਬ੍ਬੋ).

੧੮. ਉਪਾਦਾਨਸਮ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪਾਦਾਨਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਉਪਾਦਾਨਵਿਪ੍ਪਯੁਤ੍ਤੋ ਅਕੁਸਲੋ ਧਮ੍ਮੋ ਉਪਾਦਾਨਵਿਪ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਦ੍ਵੇ.

ਉਪਾਦਾਨਸਮ੍ਪਯੁਤ੍ਤੋ ਅਕੁਸਲੋ ਚ ਉਪਾਦਾਨਵਿਪ੍ਪਯੁਤ੍ਤੋ ਅਕੁਸਲੋ ਚ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੧੯. ਹੇਤੁਯਾ ਛ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ (ਉਪਾਦਾਨਸਮ੍ਪਯੁਤ੍ਤਮੂਲਕੇ ਤੀਣਿ, ਸਹਜਾਤਾਧਿਪਤਿ, ਉਪਾਦਾਨਵਿਪ੍ਪਯੁਤ੍ਤੇ ਏਕਂ), ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਛ, ਅਞ੍ਞਮਞ੍ਞੇ ਛ, ਨਿਸ੍ਸਯੇ ਛ, ਉਪਨਿਸ੍ਸਯੇ ਨਵ, ਆਸੇਵਨੇ ਨਵ, ਕਮ੍ਮੇ ਚਤ੍ਤਾਰਿ, ਆਹਾਰੇ ਚਤ੍ਤਾਰਿ, ਇਨ੍ਦ੍ਰਿਯੇ ਚਤ੍ਤਾਰਿ, ਝਾਨੇ ਚਤ੍ਤਾਰਿ, ਮਗ੍ਗੇ ਚਤ੍ਤਾਰਿ, ਸਮ੍ਪਯੁਤ੍ਤੇ ਛ, ਅਤ੍ਥਿਯਾ ਛ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਛ (ਸਂਖਿਤ੍ਤਂ).

੨੦. ਉਪਾਦਾਨਵਿਪ੍ਪਯੁਤ੍ਤਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾਨਵਿਪ੍ਪਯੁਤ੍ਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ).