੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧੦. ਉਪਾਦਾਨਿਯਂ ਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਨੁਪਾਦਾਨਿਯਂ ਕੁਸਲਂ ਧਮ੍ਮਂ ਪਟਿਚ੍ਚ ਅਨੁਪਾਦਾਨਿਯੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੧. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ. ਲੋਕਿਯਲੋਕੁਤ੍ਤਰਦੁਕਕੁਸਲਸਦਿਸਂ. ਸਹਜਾਤਵਾਰਮ੍ਪਿ…ਪੇ… ਪਞ੍ਹਾਵਾਰਮ੍ਪਿ ਵਿਤ੍ਥਾਰੇਤਬ੍ਬਂ.)

੧੨. ਉਪਾਦਾਨਿਯਂ ਅਕੁਸਲਂ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੧੩. ਉਪਾਦਾਨਿਯਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਨੁਪਾਦਾਨਿਯਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਅਨੁਪਾਦਾਨਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਨੁਪਾਦਾਨਿਯਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਨੁਪਾਦਾਨਿਯਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਅਬ੍ਯਾਕਤੋ ਚ ਅਨੁਪਾਦਾਨਿਯੋ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਉਪਾਦਾਨਿਯਂ ਅਬ੍ਯਾਕਤਞ੍ਚ ਅਨੁਪਾਦਾਨਿਯਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਉਪਾਦਾਨਿਯੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੪. ਹੇਤੁਯਾ ਪਞ੍ਚ, ਆਰਮ੍ਮਣੇ ਦ੍ਵੇ…ਪੇ… ਆਸੇਵਨੇ ਏਕਂ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ. ਲੋਕਿਯਦੁਕਅਬ੍ਯਾਕਤਸਦਿਸਂ. ਸਹਜਾਤਵਾਰਮ੍ਪਿ…ਪੇ… ਪਞ੍ਹਾਵਾਰਮ੍ਪਿ ਵਿਤ੍ਥਾਰੇਤਬ੍ਬਂ).