੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੯੨. ਨੋਉਪਾਦਾ ਕੁਸਲਂ ਧਮ੍ਮਂ ਪਟਿਚ੍ਚ ਨੋਉਪਾਦਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੯੩. ਨੋਉਪਾਦਾ ਅਕੁਸਲਂ ਧਮ੍ਮਂ ਪਟਿਚ੍ਚ ਨੋਉਪਾਦਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ …ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੯੪. ਉਪਾਦਾ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਨੋਉਪਾਦਾ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨੋਉਪਾਦਾ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨੋਉਪਾਦਾ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਉਪਾਦਾ ਅਬ੍ਯਾਕਤੋ ਚ ਨੋਉਪਾਦਾ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਉਪਾਦਾ ਅਬ੍ਯਾਕਤਞ੍ਚ ਨੋਉਪਾਦਾ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੯੫. ਹੇਤੁਯਾ ਪਞ੍ਚ, ਆਰਮ੍ਮਣੇ ਤੀਣਿ…ਪੇ… ਅਞ੍ਞਮਞ੍ਞੇ ਪਞ੍ਚ…ਪੇ… ਪੁਰੇਜਾਤੇ ਏਕਂ, ਆਸੇਵਨੇ ਏਕਂ, ਕਮ੍ਮੇ ਪਞ੍ਚ, ਵਿਪਾਕੇ ਪਞ੍ਚ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ).

ਨਹੇਤੁਯਾ ਪਞ੍ਚ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਪਞ੍ਚ…ਪੇ… ਨਪੁਰੇਜਾਤੇ ਪਞ੍ਚ…ਪੇ… ਨਕਮ੍ਮੇ ਤੀਣਿ, ਨਵਿਪਾਕੇ ਤੀਣਿ, ਨਆਹਾਰੇ ਤੀਣਿ, ਨਇਨ੍ਦ੍ਰਿਯੇ ਤੀਣਿ, ਨਝਾਨੇ ਤੀਣਿ, ਨਮਗ੍ਗੇ ਪਞ੍ਚ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਤੀਣਿ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਵਿਤ੍ਥਾਰੇਤਬ੍ਬਂ.)

ਹੇਤੁਆਰਮ੍ਮਣਪਚ੍ਚਯਾਦਿ

੯੬. ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਤੀਣਿ (ਪਠਮੇ ਦ੍ਵੇਪਿ ਅਧਿਪਤੀ, ਦ੍ਵੀਸੁ ਸਹਜਾਤਾਧਿਪਤਿ).

ਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨੋਉਪਾਦਾ ਅਬ੍ਯਾਕਤੋ ਧਮ੍ਮੋ ਨੋਉਪਾਦਾ ਅਬ੍ਯਾਕਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੯੭. ਉਪਨਿਸ੍ਸਯੇ ਦ੍ਵੇ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਏਕਂ, ਕਮ੍ਮੇ ਤੀਣਿ, ਵਿਪਾਕੇ ਤੀਣਿ, ਆਹਾਰੇ ਛ, ਇਨ੍ਦ੍ਰਿਯੇ ਸਤ੍ਤ, ਝਾਨੇ ਤੀਣਿ, ਮਗ੍ਗੇ ਤੀਣਿ, ਸਮ੍ਪਯੁਤ੍ਤੇ ਏਕਂ, ਵਿਪ੍ਪਯੁਤ੍ਤੇ ਚਤ੍ਤਾਰਿ, ਅਤ੍ਥਿਯਾ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).