੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੧੬. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਮੋਹੋ. (੧)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ; ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਟਿਚ੍ਚ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

ਨਆਰਮ੍ਮਣਪਚ੍ਚਯੋ

੧੭. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਕਟਤ੍ਤਾਰੂਪਂ, ਖਨ੍ਧੇ ਪਟਿਚ੍ਚ ਵਤ੍ਥੁ; ਏਕਂ ਮਹਾਭੂਤਂ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. (੧)

੧੮. ਦਸ੍ਸਨੇਨ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਭਾਵਨਾਯ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਭਾਵਨਾਯ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਨਅਧਿਪਤਿਪਚ੍ਚਯਾਦਿ

੧੯. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… (ਪਰਿਪੁਣ੍ਣਂ ਹੇਤੁਪਚ੍ਚਯਸਦਿਸਂ) ਨਅਨਨ੍ਤਰਪਚ੍ਚਯਾ… ਨਸਮਨਨ੍ਤਰਪਚ੍ਚਯਾ… ਨਅਞ੍ਞਮਞ੍ਞਪਚ੍ਚਯਾ… ਨਉਪਨਿਸ੍ਸਯਪਚ੍ਚਯਾ.

ਨਪੁਰੇਜਾਤਪਚ੍ਚਯੋ

੨੦. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਦਸ੍ਸਨੇਨ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ…. (੧)

ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਭਾਵਨਾਯ ਪਹਾਤਬ੍ਬੋ…ਪੇ… ਅਰੂਪੇ ਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੧)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ…ਪੇ… ਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

੨੧. ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ, ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ, ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. (੧)

ਦਸ੍ਸਨੇਨ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ…ਪੇ… ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਭਾਵਨਾਯ ਪਹਾਤਬ੍ਬਞ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਞ੍ਚ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਭਾਵਨਾਯ ਪਹਾਤਬ੍ਬੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਨਪਚ੍ਛਾਜਾਤਪਚ੍ਚਯਾਦਿ

੨੨. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਪਚ੍ਛਾਜਾਤਪਚ੍ਚਯਾ… ਨਆਸੇਵਨਪਚ੍ਚਯਾ.

ਨਕਮ੍ਮਪਚ੍ਚਯੋ

੨੩. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਦਸ੍ਸਨੇਨ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬਾ ਚੇਤਨਾ. (੧)

ਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਭਾਵਨਾਯ ਪਹਾਤਬ੍ਬਾ ਚੇਤਨਾ. (੧)

ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੇ ਖਨ੍ਧੇ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਾ ਚੇਤਨਾ; ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. (੧)

ਨਵਿਪਾਕਪਚ੍ਚਯੋ

੨੪. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਦਸ੍ਸਨੇਨ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ (ਨਅਧਿਪਤਿਪਚ੍ਚਯਸਦਿਸਂ, ਪਟਿਸਨ੍ਧਿ ਨਤ੍ਥਿ).

ਨਆਹਾਰਪਚ੍ਚਯੋ

੨੫. ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਆਹਾਰਪਚ੍ਚਯਾ – ਬਾਹਿਰਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ….

ਨਇਨ੍ਦ੍ਰਿਯਪਚ੍ਚਯੋ

੨੬. ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ…ਪੇ… ਨਇਨ੍ਦ੍ਰਿਯਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨ… ਏਕਂ ਮਹਾਭੂਤਂ…ਪੇ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਰੂਪਜੀਵਿਤਿਨ੍ਦ੍ਰਿਯਂ.

ਨਝਾਨਪਚ੍ਚਯੋ

੨੭. ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਧਮ੍ਮਂ…ਪੇ… ਨਝਾਨਪਚ੍ਚਯਾ – ਪਞ੍ਚਵਿਞ੍ਞਾਣਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. ਉਤੁਸਮੁਟ੍ਠਾਨਂ, ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ….

ਨਮਗ੍ਗਪਚ੍ਚਯੋ

੨੮. ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ…ਪੇ… ਨਮਗ੍ਗਪਚ੍ਚਯਾ – ਅਹੇਤੁਕਂ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਏਕਂ ਮਹਾਭੂਤਂ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ….

ਨਸਮ੍ਪਯੁਤ੍ਤਪਚ੍ਚਯੋ

੨੯. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬੋ ਧਮ੍ਮੋ ਉਪ੍ਪਜ੍ਜਤਿ ਨਸਮ੍ਪਯੁਤ੍ਤਪਚ੍ਚਯਾ (ਨਆਰਮ੍ਮਣਸਦਿਸਂ).

ਨਵਿਪ੍ਪਯੁਤ੍ਤਪਚ੍ਚਯੋ

੩੦. ਦਸ੍ਸਨੇਨ ਪਹਾਤਬ੍ਬਂ…ਪੇ… ਨਵਿਪ੍ਪਯੁਤ੍ਤਪਚ੍ਚਯਾ – ਅਰੂਪੇ ਦਸ੍ਸਨੇਨ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ…ਪੇ…. (੧)

ਭਾਵਨਾਯ ਪਹਾਤਬ੍ਬਂ…ਪੇ… ਨਵਿਪ੍ਪਯੁਤ੍ਤਪਚ੍ਚਯਾ – ਅਰੂਪੇ ਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ…ਪੇ…. (੧)

ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ…ਪੇ… ਨਵਿਪ੍ਪਯੁਤ੍ਤਪਚ੍ਚਯਾ – ਅਰੂਪੇ ਨੇਵਦਸ੍ਸਨੇਨ ਨਭਾਵਨਾਯ ਪਹਾਤਬ੍ਬਂ ਏਕਂ ਖਨ੍ਧਂ ਪਟਿਚ੍ਚ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ…. (੧)

ਨੋਨਤ੍ਥਿ-ਨੋਵਿਗਤਪਚ੍ਚਯਾ

੩੧. ਦਸ੍ਸਨੇਨ ਪਹਾਤਬ੍ਬਂ ਧਮ੍ਮਂ ਪਟਿਚ੍ਚ ਨੇਵਦਸ੍ਸਨੇਨ ਨਭਾਵਨਾਯ…ਪੇ… ਨੋਨਤ੍ਥਿਪਚ੍ਚਯਾ… ਨੋਵਿਗਤਪਚ੍ਚਯਾ (ਨਆਰਮ੍ਮਣਸਦਿਸਂ).