੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਪੀਤਿਸਹਗਤਂ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੧)

ਪੀਤਿਸਹਗਤਂ ਧਮ੍ਮਂ ਪਟਿਚ੍ਚ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਸੁਖਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਸੁਖਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੨)

ਪੀਤਿਸਹਗਤਂ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਚ ਸੁਖਸਹਗਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਤਯੋ ਖਨ੍ਧਾ …ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੩)

੨. ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. ਪਟਿਸਨ੍ਧਿਕ੍ਖਣੇ ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. (੧)

ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਪਟਿਸਨ੍ਧਿਕ੍ਖਣੇ ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੨)

ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਚ ਸੁਖਸਹਗਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. ਪਟਿਸਨ੍ਧਿਕ੍ਖਣੇ ਸੁਖਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. (੩)

੩. ਉਪੇਕ੍ਖਾਸਹਗਤਂ ਧਮ੍ਮਂ ਪਟਿਚ੍ਚ ਉਪੇਕ੍ਖਾਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਉਪੇਕ੍ਖਾਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. ਪਟਿਸਨ੍ਧਿਕ੍ਖਣੇ…ਪੇ…. (੧)

ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੧)

ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਧਮ੍ਮਂ ਪਟਿਚ੍ਚ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਸੁਖਸਹਗਤਾ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਸੁਖਸਹਗਤਾ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. (੨)

ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਚ ਸੁਖਸਹਗਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. ਪਟਿਸਨ੍ਧਿਕ੍ਖਣੇ ਪੀਤਿਸਹਗਤਞ੍ਚ ਸੁਖਸਹਗਤਞ੍ਚ ਏਕਂ ਖਨ੍ਧਂ ਪਟਿਚ੍ਚ ਪੀਤਿਸਹਗਤਾ ਚ ਸੁਖਸਹਗਤਾ ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ. (੩)

ਆਰਮ੍ਮਣਪਚ੍ਚਯਾਦਿ

੪. ਪੀਤਿਸਹਗਤਂ ਧਮ੍ਮਂ ਪਟਿਚ੍ਚ ਪੀਤਿਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ… ਅਧਿਪਤਿਪਚ੍ਚਯਾ… (ਪਟਿਸਨ੍ਧਿਕ੍ਖਣੇ ਨਤ੍ਥਿ) ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ… ਅਞ੍ਞਮਞ੍ਞਪਚ੍ਚਯਾ… ਨਿਸ੍ਸਯਪਚ੍ਚਯਾ… ਉਪਨਿਸ੍ਸਯਪਚ੍ਚਯਾ… ਪੁਰੇਜਾਤਪਚ੍ਚਯਾ… (ਪੁਰੇਜਾਤੇ ਪਟਿਸਨ੍ਧਿਕ੍ਖਣੇ ਨਤ੍ਥਿ) ਆਸੇਵਨਪਚ੍ਚਯਾ… (ਆਸੇਵਨੇ ਵਿਪਾਕਂ ਨਤ੍ਥਿ) ਕਮ੍ਮਪਚ੍ਚਯਾ… ਵਿਪਾਕਪਚ੍ਚਯਾ… ਆਹਾਰ…ਪੇ… ਇਨ੍ਦ੍ਰਿਯ… ਝਾਨ… ਮਗ੍ਗ… ਸਮ੍ਪਯੁਤ੍ਤ… ਵਿਪ੍ਪਯੁਤ੍ਤ… ਅਤ੍ਥਿ… ਨਤ੍ਥਿ… ਵਿਗਤ… ਅਵਿਗਤਪਚ੍ਚਯਾ.