੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੧੩੮. ਹੇਤੁਯਾ ਏਕਾਦਸ, ਆਰਮ੍ਮਣੇ ਏਕਵੀਸ, ਅਧਿਪਤਿਯਾ ਤੇਵੀਸ, ਅਨਨ੍ਤਰੇ ਪਞ੍ਚਵੀਸ, ਸਮਨਨ੍ਤਰੇ ਪਞ੍ਚਵੀਸ, ਸਹਜਾਤੇ ਤਿਂਸ, ਅਞ੍ਞਮਞ੍ਞੇ ਅਟ੍ਠਵੀਸ, ਨਿਸ੍ਸਯੇ ਤਿਂਸ, ਉਪਨਿਸ੍ਸਯੇ ਪਞ੍ਚਵੀਸ, ਪੁਰੇਜਾਤੇ ਪਞ੍ਚ, ਪਚ੍ਛਾਜਾਤੇ ਪਞ੍ਚ, ਆਸੇਵਨੇ ਏਕਵੀਸ, ਕਮ੍ਮੇ ਏਕਾਦਸ, ਵਿਪਾਕੇ ਏਕਵੀਸ, ਆਹਾਰੇ ਏਕਾਦਸ, ਇਨ੍ਦ੍ਰਿਯੇ ਏਕਾਦਸ, ਝਾਨੇ ਏਕਵੀਸ, ਮਗ੍ਗੇ ਸੋਲ਼ਸ, ਸਮ੍ਪਯੁਤ੍ਤੇ ਏਕਾਦਸ, ਵਿਪ੍ਪਯੁਤ੍ਤੇ ਨਵ, ਅਤ੍ਥਿਯਾ ਤਿਂਸ, ਨਤ੍ਥਿਯਾ ਪਞ੍ਚਵੀਸ, ਵਿਗਤੇ ਪਞ੍ਚਵੀਸ, ਅਵਿਗਤੇ ਤਿਂਸ.

(ਘਟਨਾ ਕੁਸਲਤ੍ਤਿਕਸਦਿਸਾਯੇਵ. ਪਞ੍ਹਾਵਾਰਗਣਨਂ ਏਵਂ ਅਸਮ੍ਮੋਹਨ੍ਤੇਨ ਗਣੇਤਬ੍ਬਂ.)

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੧੩੯. ਸਵਿਤਕ੍ਕਸਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੪)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੫)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੬)

ਸਵਿਤਕ੍ਕਸਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੭)

੧੪੦. ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ. (੪)

ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੫)

ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੬)

੧੪੧. ਅਵਿਤਕ੍ਕਅਵਿਚਾਰੋ ਧਮ੍ਮੋ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਅਵਿਤਕ੍ਕਅਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਅਵਿਤਕ੍ਕਅਵਿਚਾਰੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

ਅਵਿਤਕ੍ਕਅਵਿਚਾਰੋ ਧਮ੍ਮੋ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੪)

ਅਵਿਤਕ੍ਕਅਵਿਚਾਰੋ ਧਮ੍ਮੋ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੫)

੧੪੨. ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਸਹਜਾਤਂ… ਪੁਰੇਜਾਤਂ. (੧)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਸਹਜਾਤਂ… ਪੁਰੇਜਾਤਂ. (੨)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਸਹਜਾਤਂ… ਪਚ੍ਛਾਜਾਤਂ… ਆਹਾਰਂ… ਇਨ੍ਦ੍ਰਿਯਂ. (੩)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਸਹਜਾਤਂ… ਪੁਰੇਜਾਤਂ. (੪)

੧੪੩. ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੩)

ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੪)

ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੫)

੧੪੪. ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੩)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ. (੪)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਅਵਿਤਕ੍ਕਅਵਿਚਾਰਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੫)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਚ ਅਵਿਤਕ੍ਕਵਿਚਾਰਮਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੬)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਸਵਿਤਕ੍ਕਸਵਿਚਾਰਸ੍ਸ ਧਮ੍ਮਸ੍ਸ ਸਹਜਾਤਂ… ਪੁਰੇਜਾਤਂ. (੧)

ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਅਵਿਤਕ੍ਕਅਵਿਚਾਰਸ੍ਸ ਧਮ੍ਮਸ੍ਸ ਸਹਜਾਤਂ… ਪਚ੍ਛਾਜਾਤਂ… ਆਹਾਰਂ… ਇਨ੍ਦ੍ਰਿਯਂ. (੨)

ਪਚ੍ਚਨੀਯੁਦ੍ਧਾਰੋ.