੧. ਪਚ੍ਚਯਾਨੁਲੋਮਂ

ਹੇਤੁਪਚ੍ਚਯੋ

੪੭. ਸਵਿਤਕ੍ਕਸਵਿਚਾਰਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਵਿਤਕ੍ਕਸਵਿਚਾਰਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧਾ… ਸਤ੍ਤ.

ਅਵਿਤਕ੍ਕਵਿਚਾਰਮਤ੍ਤਂ ਧਮ੍ਮਂ ਪਚ੍ਚਯਾ… ਪਞ੍ਚ (ਪਟਿਚ੍ਚਵਾਰਸਦਿਸਾ).

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਅਵਿਤਕ੍ਕਅਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਵਿਤਕ੍ਕਅਵਿਚਾਰਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਚ੍ਚਯਾ…ਪੇ… ਵਿਚਾਰਂ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ…ਪੇ… ਵਤ੍ਥੁਂ ਪਚ੍ਚਯਾ ਅਵਿਤਕ੍ਕਅਵਿਚਾਰਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਵਿਚਾਰੋ. (੧)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ…ਪੇ… ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ. ਪਟਿਸਨ੍ਧਿਕ੍ਖਣੇ…ਪੇ…. (੨)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ…ਪੇ… ਵਿਚਾਰਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਵਿਤਕ੍ਕੋ. ਪਟਿਸਨ੍ਧਿਕ੍ਖਣੇ…ਪੇ…. (੩)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ…ਪੇ… ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ…ਪੇ…. (੪)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ…ਪੇ… ਵਿਚਾਰਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਵਤ੍ਥੁਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਵਿਤਕ੍ਕੋ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤਾ ਖਨ੍ਧਾ ਚ ਵਿਚਾਰੋ ਚ. ਪਟਿਸਨ੍ਧਿਕ੍ਖਣੇ…ਪੇ…. (੫)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਧਮ੍ਮਾ…ਪੇ… ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ ਚ ਵਿਤਕ੍ਕੋ ਚ. ਪਟਿਸਨ੍ਧਿਕ੍ਖਣੇ…ਪੇ…. (੬)

ਅਵਿਤਕ੍ਕਅਵਿਚਾਰਂ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ…ਪੇ… ਵਤ੍ਥੁਂ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ ਚ ਵਿਤਕ੍ਕੋ ਚ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ…ਪੇ…. (੭)

੪੮. ਸਵਿਤਕ੍ਕਸਵਿਚਾਰਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਧਮ੍ਮੋ…ਪੇ… ਸਵਿਤਕ੍ਕਸਵਿਚਾਰਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ …ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਸਵਿਤਕ੍ਕਸਵਿਚਾਰਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ…ਪੇ… (ਪਠਮਉਦਾਹਰਣੇ ਪਵਤ੍ਤੇ ਪਟਿਸਨ੍ਧਿਕ੍ਖਣੇ ਸਤ੍ਤ ਪਞ੍ਹਾ ਕਾਤਬ੍ਬਾ).

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਧਮ੍ਮੋ …ਪੇ… ਵਿਤਕ੍ਕਞ੍ਚ ਵਤ੍ਥੁਞ੍ਚ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ. ਪਟਿਸਨ੍ਧਿਕ੍ਖਣੇ…ਪੇ…. (੧)

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤੋ ਧਮ੍ਮੋ…ਪੇ… ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਿਚਾਰਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਪਟਿਸਨ੍ਧਿਕ੍ਖਣੇ ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਿਚਾਰਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਪਟਿਸਨ੍ਧਿਕ੍ਖਣੇ ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ…. (੨)

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਅਵਿਤਕ੍ਕਅਵਿਚਾਰੋ ਧਮ੍ਮੋ ਉਪ੍ਪਜ੍ਜਤਿ…ਪੇ… ਅਵਿਤਕ੍ਕਵਿਚਾਰਮਤ੍ਤੇ ਖਨ੍ਧੇ ਚ ਵਿਚਾਰਞ੍ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਅਵਿਤਕ੍ਕਵਿਚਾਰਮਤ੍ਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਿਤਕ੍ਕਞ੍ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਅਵਿਤਕ੍ਕਵਿਚਾਰਮਤ੍ਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਾਰੋ (ਏਵਂ ਪਟਿਸਨ੍ਧਿਕ੍ਖਣੇ ਚਤ੍ਤਾਰੋ). (੩)

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਸਵਿਤਕ੍ਕਸਵਿਚਾਰੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ…ਪੇ… ਵਿਤਕ੍ਕਞ੍ਚ ਵਤ੍ਥੁਞ੍ਚ ਪਚ੍ਚਯਾ ਸਵਿਤਕ੍ਕਸਵਿਚਾਰਾ ਖਨ੍ਧਾ, ਵਿਤਕ੍ਕਞ੍ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ…ਪੇ…. (੪)

ਅਵਿਤਕ੍ਕਵਿਚਾਰਮਤ੍ਤਞ੍ਚ ਅਵਿਤਕ੍ਕਅਵਿਚਾਰਞ੍ਚ ਧਮ੍ਮਂ ਪਚ੍ਚਯਾ ਅਵਿਤਕ੍ਕਵਿਚਾਰਮਤ੍ਤੋ ਚ ਅਵਿਤਕ੍ਕਅਵਿਚਾਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ…ਪੇ… ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਿਚਾਰਞ੍ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਅਵਿਤਕ੍ਕਵਿਚਾਰਮਤ੍ਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਅਵਿਤਕ੍ਕਵਿਚਾਰਮਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ ਵਿਚਾਰੋ ਚ…ਪੇ… ਪਟਿਸਨ੍ਧਿਕ੍ਖਣੇ ਤਯੋ ਖਨ੍ਧਾ…ਪੇ…. (੫)

(ਅਵਸੇਸੇਸੁ ਦ੍ਵੀਸੁ ਘਟਨੇਸੁ ਪਵਤ੍ਤਿ ਪਟਿਸਨ੍ਧਿ ਵਿਤ੍ਥਾਰੇਤਬ੍ਬਾ.)

ਹੇਤੁਪਚ੍ਚਯੋ.

(ਹੇਤੁਪਚ੍ਚਯਂ ਅਨੁਮਜ੍ਜਨ੍ਤੇਨ ਪਚ੍ਚਯਵਾਰੋ ਵਿਤ੍ਥਾਰੇਤਬ੍ਬੋ. ਯਥਾ ਪਟਿਚ੍ਚਗਣਨਾ ਏਵਂ ਗਣੇਤਬ੍ਬਾ. ਅਧਿਪਤਿਯਾ ਸਤ੍ਤਤਿਂਸ, ਪੁਰੇਜਾਤੇ ਚ ਆਸੇਵਨੇ ਚ ਏਕਵੀਸ, ਅਯਂ ਏਤ੍ਥ ਵਿਸੇਸੋ.)