੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੧੭. ਅਨਿਦਸ੍ਸਨਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ. ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ. ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ, ਮਹਾਭੂਤੇ ਪਟਿਚ੍ਚ…ਪੇ….

(ਅਨਿਦਸ੍ਸਨਸਪ੍ਪਟਿਘਮੂਲਕੇ ਇਮਿਨਾ ਕਾਰਣੇਨ ਸਤ੍ਤਪਿ ਪਞ੍ਹਾ ਵਿਭਜਿਤਬ੍ਬਾ.)

੧੮. ਅਨਿਦਸ੍ਸਨਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਨਿਦਸ੍ਸਨਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਅਨਿਦਸ੍ਸਨਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਅਨਿਦਸ੍ਸਨਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਅਨਿਦਸ੍ਸਨਅਪ੍ਪਟਿਘਞ੍ਚ ਕਟਤ੍ਤਾਰੂਪਂ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ. ਆਪੋਧਾਤੁਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਆਪੋਧਾਤੁਂ ਪਟਿਚ੍ਚ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਆਪੋਧਾਤੁਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ.

(ਅਨਿਦਸ੍ਸਨਅਪ੍ਪਟਿਘਮੂਲਕਾ ਇਮਿਨਾ ਕਾਰਣੇਨ ਸਤ੍ਤ ਪਞ੍ਹਾ ਵਿਭਜਿਤਬ੍ਬਾ.)

੧੯. ਅਨਿਦਸ੍ਸਨਸਪ੍ਪਟਿਘਞ੍ਚ ਅਨਿਦਸ੍ਸਨਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਅਹੇਤੁਕਪਟਿਸਨ੍ਧਿਕ੍ਖਣੇ ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ. ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਰੂਪਾਯਤਨਂ. ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਇਮਿਨਾ ਕਾਰਣੇਨ ਸਤ੍ਤ ਪਞ੍ਹਾ ਵਿਤ੍ਥਾਰੇਤਬ੍ਬਾ ਅਸਮ੍ਮੋਹਨ੍ਤੇਨ.)

ਨਆਰਮ੍ਮਣਪਚ੍ਚਯੋ

੨੦. ਅਨਿਦਸ੍ਸਨਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ. ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ. ਬਾਹਿਰਂ… ਆਹਾਰਸਮੁਟ੍ਠਾਨਂ…, ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ…ਪੇ….

(ਅਨਿਦਸ੍ਸਨਸਪ੍ਪਟਿਘਮੂਲਕਾ ਇਮਿਨਾ ਕਾਰਣੇਨ ਸਤ੍ਤਪਿ ਪਞ੍ਹਾ ਵਿਤ੍ਥਾਰੇਤਬ੍ਬਾ.)

੨੧. ਅਨਿਦਸ੍ਸਨਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਕਟਤ੍ਤਾਰੂਪਂ. ਖਨ੍ਧੇ ਪਟਿਚ੍ਚ ਵਤ੍ਥੁ…ਪੇ… ਆਪੋਧਾਤੁਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਆਪੋਧਾਤੁਂ ਪਟਿਚ੍ਚ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਆਪੋਧਾਤੁਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਅਨਿਦਸ੍ਸਨਅਪ੍ਪਟਿਘਮੂਲਕੇ ਇਮਿਨਾ ਕਾਰਣੇਨ ਸਤ੍ਤਪਿ ਪਞ੍ਹਾ ਵਿਤ੍ਥਾਰੇਤਬ੍ਬਾ.)

੨੨. ਅਨਿਦਸ੍ਸਨਸਪ੍ਪਟਿਘਞ੍ਚ ਅਨਿਦਸ੍ਸਨਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਪਟਿਸਨ੍ਧਿਕ੍ਖਣੇ ਅਨਿਦਸ੍ਸਨਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ. ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਰੂਪਾਯਤਨਂ. ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਘਟਨੇ ਇਮਿਨਾ ਕਾਰਣੇਨ ਸਤ੍ਤਪਿ ਪਞ੍ਹਾ ਵਿਭਜਿਤਬ੍ਬਾ.)

ਨਅਧਿਪਤਿਪਚ੍ਚਯਾਦਿ

੨੩. ਅਨਿਦਸ੍ਸਨਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ (ਸਹਜਾਤਸਦਿਸਂ)… ਨਅਨਨ੍ਤਰਪਚ੍ਚਯਾ… ਨਸਮਨਨ੍ਤਰਪਚ੍ਚਯਾ… ਨਅਞ੍ਞਮਞ੍ਞਪਚ੍ਚਯਾ – ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਇਮਿਨਾ ਕਾਰਣੇਨ ਏਕਵੀਸ ਪਞ੍ਹਾ ਵਿਭਜਿਤਬ੍ਬਾ.)

ਨਉਪਨਿਸ੍ਸਯਪਚ੍ਚਯਾ… ਨਪੁਰੇਜਾਤਪਚ੍ਚਯਾ… ਨਪਚ੍ਛਾਜਾਤਪਚ੍ਚਯਾ… ਨਆਸੇਵਨਪਚ੍ਚਯਾ… ਨਕਮ੍ਮਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ. ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘਂ ਉਪਾਦਾਰੂਪਂ (ਕਮ੍ਮਂ ਵਿਭਜਿਤ੍ਵਾ ਨਕਮ੍ਮੇਨੇਵ ਏਕਵੀਸ ਪਞ੍ਹਾ ਕਾਤਬ੍ਬਾ), ਨਵਿਪਾਕਪਚ੍ਚਯਾ (ਪਟਿਸਨ੍ਧਿਪਿ ਕਟਤ੍ਤਾਪਿ ਨਤ੍ਥਿ, ਪਞ੍ਚਵੋਕਾਰੇਯੇਵ ਕਾਤਬ੍ਬਾ), ਨਆਹਾਰਪਚ੍ਚਯਾ – ਬਾਹਿਰਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ… (ਇਮਿਨਾ ਕਾਰਣੇਨ ਵਿਭਜਿਤਬ੍ਬਾ ਏਕਵੀਸਾਪਿ).

ਨਇਨ੍ਦ੍ਰਿਯਪਚ੍ਚਯਾਦਿ

੨੪. ਅਨਿਦਸ੍ਸਨਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਇਨ੍ਦ੍ਰਿਯਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਨਿਦਸ੍ਸਨਸਪ੍ਪਟਿਘਂ ਏਕਂ ਮਹਾਭੂਤਂ…ਪੇ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਰੂਪਜੀਵਿਤਿਨ੍ਦ੍ਰਿਯਂ (ਸਂਖਿਤ੍ਤਂ, ਸਬ੍ਬੇ ਪਞ੍ਹਾ ਵਿਭਜਿਤਬ੍ਬਾ)… ਨਝਾਨਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ (ਸਂਖਿਤ੍ਤਂ, ਸਤ੍ਤਪਿ ਪਞ੍ਹਾ ਵਿਭਜਿਤਬ੍ਬਾ).

ਅਨਿਦਸ੍ਸਨਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਝਾਨਪਚ੍ਚਯਾ – ਪਞ੍ਚਵਿਞ੍ਞਾਣਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਆਪੋਧਾਤੁਂ ਪਟਿਚ੍ਚ ਅਨਿਦਸ੍ਸਨਅਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਏਵਂ ਸਤ੍ਤਪਿ ਪਞ੍ਹਾ ਵਿਭਜਿਤਬ੍ਬਾ.)

੨੫. ਅਨਿਦਸ੍ਸਨਸਪ੍ਪਟਿਘਞ੍ਚ ਅਨਿਦਸ੍ਸਨਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਝਾਨਪਚ੍ਚਯਾ – ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ…, ਅਸਞ੍ਞਸਤ੍ਤਾਨਂ…ਪੇ… ਅਨਿਦਸ੍ਸਨਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਨਿਦਸ੍ਸਨਸਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ.

(ਏਵਂ ਸਤ੍ਤਪਿ ਪਞ੍ਹਾ ਵਿਭਜਿਤਬ੍ਬਾ), ਨਮਗ੍ਗਪਚ੍ਚਯਾ… (ਨਹੇਤੁਸਦਿਸਂ ਕਾਤਬ੍ਬਂ. ਪਰਿਪੁਣ੍ਣਂ. ਮੋਹੋ ਨਤ੍ਥਿ). ਨਸਮ੍ਪਯੁਤ੍ਤਪਚ੍ਚਯਾ… ਨਵਿਪ੍ਪਯੁਤ੍ਤਪਚ੍ਚਯਾ (ਪਰਿਪੁਣ੍ਣਂ)… ਨੋਨਤ੍ਥਿਪਚ੍ਚਯਾ… ਨੋਵਿਗਤਪਚ੍ਚਯਾ.