੨੧. ਅਜ੍ਝਤ੍ਤਾਰਮ੍ਮਣਤ੍ਤਿਕਂ
੧. ਪਟਿਚ੍ਚਵਾਰੋ
੧. ਪਚ੍ਚਯਾਨੁਲੋਮਂ
੧. ਵਿਭਙ੍ਗਵਾਰੋ
ਹੇਤੁਪਚ੍ਚਯੋ
੧. ਅਜ੍ਝਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)
ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)
ਆਰਮ੍ਮਣਪਚ੍ਚਯਾਦਿ
੨. ਅਜ੍ਝਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ…ਪੇ… ਅਵਿਗਤਪਚ੍ਚਯਾ (ਸਂਖਿਤ੍ਤਂ).
੧. ਪਚ੍ਚਯਾਨੁਲੋਮਂ
੨. ਸਙ੍ਖ੍ਯਾਵਾਰੋ
੩. ਹੇਤੁਪਚ੍ਚਯਾ ਆਰਮ੍ਮਣੇ ਦ੍ਵੇ (ਸਂਖਿਤ੍ਤਂ, ਸਬ੍ਬਤ੍ਥ ਦ੍ਵੇ), ਅਵਿਗਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਅਨੁਲੋਮਂ.
੨. ਪਚ੍ਚਯਪਚ੍ਚਨੀਯਂ
੧. ਵਿਭਙ੍ਗਵਾਰੋ
ਨਹੇਤੁਪਚ੍ਚਯੋ
੪. ਅਜ੍ਝਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)
ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)
ਨਅਧਿਪਤਿਪਚ੍ਚਯਾਦਿ
੫. ਅਜ੍ਝਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ … (ਅਨੁਲੋਮਸਹਜਾਤਸਦਿਸਂ, ਨਿਨ੍ਨਾਨਾਕਰਣਂ) ਨਪੁਰੇਜਾਤਪਚ੍ਚਯਾ – ਅਰੂਪੇ ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)
੬. ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ – ਅਰੂਪੇ ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ…. ਪਟਿਸਨ੍ਧਿਕ੍ਖਣੇ…ਪੇ… ਨਪਚ੍ਛਾਜਾਤਪਚ੍ਚਯਾ… ਨਆਸੇਵਨਪਚ੍ਚਯਾ… (ਸਹਜਾਤਸਦਿਸਂ) ਨਕਮ੍ਮਪਚ੍ਚਯਾ – ਅਜ੍ਝਤ੍ਤਾਰਮ੍ਮਣੇ ਖਨ੍ਧੇ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣਾ ਚੇਤਨਾ.
ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਬਹਿਦ੍ਧਾਰਮ੍ਮਣੇ ਖਨ੍ਧੇ ਪਟਿਚ੍ਚ ਬਹਿਦ੍ਧਾਰਮ੍ਮਣਾ ਚੇਤਨਾ.
ਨਵਿਪਾਕਪਚ੍ਚਯਾਦਿ
੭. ਅਜ੍ਝਤ੍ਤਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ (ਪਟਿਸਨ੍ਧਿ ਨਤ੍ਥਿ)… ਨਝਾਨਪਚ੍ਚਯਾ…ਪੇ… ਪਞ੍ਚਵਿਞ੍ਞਾਣਸਹਗਤਂ ਅਜ੍ਝਤ੍ਤਾਰਮ੍ਮਣਂ ਏਕਂ…ਪੇ…. (੧)
ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਝਾਨਪਚ੍ਚਯਾ – ਪਞ੍ਚਵਿਞ੍ਞਾਣਸਹਗਤਂ ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਨਮਗ੍ਗਪਚ੍ਚਯਾ (ਨਹੇਤੁਸਦਿਸੋ. ਮੋਹੋ ਨਤ੍ਥਿ)… ਨਵਿਪ੍ਪਯੁਤ੍ਤਪਚ੍ਚਯਾ – ਅਰੂਪੇ ਅਜ੍ਝਤ੍ਤਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ…. (੧)
ਬਹਿਦ੍ਧਾਰਮ੍ਮਣਂ ਧਮ੍ਮਂ ਪਟਿਚ੍ਚ ਬਹਿਦ੍ਧਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪ੍ਪਯੁਤ੍ਤਪਚ੍ਚਯਾ – ਅਰੂਪੇ ਬਹਿਦ੍ਧਾਰਮ੍ਮਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ…. (੧)
੨. ਪਚ੍ਚਯਪਚ੍ਚਨੀਯਂ
੨. ਸਙ੍ਖ੍ਯਾਵਾਰੋ
੮. ਨਹੇਤੁਯਾ ਦ੍ਵੇ, ਨਅਧਿਪਤਿਯਾ ਦ੍ਵੇ, ਨਪੁਰੇਜਾਤੇ ਦ੍ਵੇ, ਨਪਚ੍ਛਾਜਾਤੇ ਦ੍ਵੇ, ਨਆਸੇਵਨੇ ਨਕਮ੍ਮੇ ਨਵਿਪਾਕੇ ਨਝਾਨੇ ਨਮਗ੍ਗੇ ਨਵਿਪ੍ਪਯੁਤ੍ਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਪਚ੍ਚਨੀਯਂ.
੩. ਪਚ੍ਚਯਾਨੁਲੋਮਪਚ੍ਚਨੀਯਂ
੯. ਹੇਤੁਪਚ੍ਚਯਾ ਨਅਧਿਪਤਿਯਾ ਦ੍ਵੇ…ਪੇ… ਨਵਿਪਾਕੇ ਦ੍ਵੇ, ਨਵਿਪ੍ਪਯੁਤ੍ਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਅਨੁਲੋਮਪਚ੍ਚਨੀਯਂ.
੪. ਪਚ੍ਚਯਪਚ੍ਚਨੀਯਾਨੁਲੋਮਂ
੧੦. ਨਹੇਤੁਪਚ੍ਚਯਾ ਆਰਮ੍ਮਣੇ ਦ੍ਵੇ, ਅਨਨ੍ਤਰੇ ਦ੍ਵੇ, ਸਮਨਨ੍ਤਰੇ ਦ੍ਵੇ…ਪੇ… ਮਗ੍ਗੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਪਚ੍ਚਨੀਯਾਨੁਲੋਮਂ.
ਪਟਿਚ੍ਚਵਾਰੋ.
੨-੬. ਸਹਜਾਤ-ਪਚ੍ਚਯ-ਨਿਸ੍ਸਯ-ਸਂਸਟ੍ਠ-ਸਮ੍ਪਯੁਤ੍ਤਵਾਰੋ
(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ.)
੭. ਪਞ੍ਹਾਵਾਰੋ
੧. ਪਚ੍ਚਯਾਨੁਲੋਮਂ
੧. ਵਿਭਙ੍ਗਵਾਰੋ
ਹੇਤੁਪਚ੍ਚਯੋ
੧੧. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਅਜ੍ਝਤ੍ਤਾਰਮ੍ਮਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਪਟਿਸਨ੍ਧਿਕ੍ਖਣੇ ਅਜ੍ਝਤ੍ਤਾਰਮ੍ਮਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਬਹਿਦ੍ਧਾਰਮ੍ਮਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)
ਆਰਮ੍ਮਣਪਚ੍ਚਯੋ
੧੨. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਅਜ੍ਝਤ੍ਤਂ ਵਿਞ੍ਞਾਣਞ੍ਚਾਯਤਨਂ ਪਚ੍ਚਵੇਕ੍ਖਤਿ, ਨੇਵਸਞ੍ਞਾਨਾਸਞ੍ਞਾਯਤਨਂ ਪਚ੍ਚਵੇਕ੍ਖਤਿ, ਅਜ੍ਝਤ੍ਤਾਰਮ੍ਮਣਂ ਅਜ੍ਝਤ੍ਤਂ ਦਿਬ੍ਬਂ ਚਕ੍ਖੁਂ ਪਚ੍ਚਵੇਕ੍ਖਤਿ, ਦਿਬ੍ਬਂ ਸੋਤਧਾਤੁਂ…ਪੇ… ਇਦ੍ਧਿਵਿਧਞਾਣਂ…ਪੇ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ…ਪੇ… ਯਥਾਕਮ੍ਮੂਪਗਞਾਣਂ…ਪੇ… ਅਨਾਗਤਂਸਞਾਣਂ ਪਚ੍ਚਵੇਕ੍ਖਤਿ. ਅਰਿਯਾ ਅਜ੍ਝਤ੍ਤਾਰਮ੍ਮਣੇ ਪਹੀਨੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ. ਅਜ੍ਝਤ੍ਤਾਰਮ੍ਮਣੇ ਅਜ੍ਝਤ੍ਤੇ ਖਨ੍ਧੇ ਅਨਿਚ੍ਚਤੋ…ਪੇ… ਵਿਪਸ੍ਸਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਅਜ੍ਝਤ੍ਤਾਰਮ੍ਮਣੋ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. ਅਜ੍ਝਤ੍ਤਾਰਮ੍ਮਣਾ ਅਜ੍ਝਤ੍ਤਾ ਖਨ੍ਧਾ ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਬਹਿਦ੍ਧਾ ਵਿਞ੍ਞਾਣਞ੍ਚਾਯਤਨਂ ਪਚ੍ਚਵੇਕ੍ਖਤਿ, ਨੇਵਸਞ੍ਞਾਨਾਸਞ੍ਞਾਯਤਨਂ ਪਚ੍ਚਵੇਕ੍ਖਤਿ. ਅਜ੍ਝਤ੍ਤਾਰਮ੍ਮਣਂ ਬਹਿਦ੍ਧਾ ਦਿਬ੍ਬਂ ਚਕ੍ਖੁਂ ਪਚ੍ਚਵੇਕ੍ਖਤਿ, ਦਿਬ੍ਬਂ ਸੋਤਧਾਤੁਂ…ਪੇ… ਇਦ੍ਧਿਵਿਧਞਾਣਂ…ਪੇ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ…ਪੇ… ਯਥਾਕਮ੍ਮੂਪਗਞਾਣਂ…ਪੇ… ਅਨਾਗਤਂਸਞਾਣਂ ਪਚ੍ਚਵੇਕ੍ਖਤਿ, ਅਜ੍ਝਤ੍ਤਾਰਮ੍ਮਣੇ ਬਹਿਦ੍ਧਾ ਖਨ੍ਧੇ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ ਵਿਪਸ੍ਸਤਿ…ਪੇ… ਚੇਤੋਪਰਿਯਞਾਣੇਨ ਅਜ੍ਝਤ੍ਤਾਰਮ੍ਮਣਬਹਿਦ੍ਧਾਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ, ਅਜ੍ਝਤ੍ਤਾਰਮ੍ਮਣਾ ਬਹਿਦ੍ਧਾ ਖਨ੍ਧਾ ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨)
੧੩. ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਬਹਿਦ੍ਧਾਰਮ੍ਮਣਂ ਬਹਿਦ੍ਧਾ ਦਿਬ੍ਬਂ ਚਕ੍ਖੁਂ ਪਚ੍ਚਵੇਕ੍ਖਤਿ, ਦਿਬ੍ਬਂ ਸੋਤਧਾਤੁਂ ਪਚ੍ਚਵੇਕ੍ਖਤਿ. ਇਦ੍ਧਿਵਿਧਞਾਣਂ…ਪੇ… ਚੇਤੋਪਰਿਯਞਾਣਂ…ਪੇ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ…ਪੇ… ਯਥਾਕਮ੍ਮੂਪਗਞਾਣਂ…ਪੇ… ਅਨਾਗਤਂਸਞਾਣਂ ਪਚ੍ਚਵੇਕ੍ਖਤਿ. ਬਹਿਦ੍ਧਾਰਮ੍ਮਣੇ ਬਹਿਦ੍ਧਾ ਖਨ੍ਧੇ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ ਵਿਪਸ੍ਸਤਿ…ਪੇ… ਚੇਤੋਪਰਿਯਞਾਣੇਨ ਬਹਿਦ੍ਧਾਰਮ੍ਮਣਬਹਿਦ੍ਧਾਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ. ਬਹਿਦ੍ਧਾਰਮ੍ਮਣਾ ਬਹਿਦ੍ਧਾ ਖਨ੍ਧਾ ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ ਪਚ੍ਚਵੇਕ੍ਖਤਿ, ਝਾਨਾ ਵੁਟ੍ਠਹਿਤ੍ਵਾ ਝਾਨਂ ਪਚ੍ਚਵੇਕ੍ਖਤਿ. ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਫਲਂ ਪਚ੍ਚਵੇਕ੍ਖਨ੍ਤਿ, ਬਹਿਦ੍ਧਾਰਮ੍ਮਣੇ ਪਹੀਨੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ. ਬਹਿਦ੍ਧਾਰਮ੍ਮਣਂ ਅਜ੍ਝਤ੍ਤਂ ਦਿਬ੍ਬਂ ਚਕ੍ਖੁਂ ਪਚ੍ਚਵੇਕ੍ਖਤਿ, ਦਿਬ੍ਬਂ ਸੋਤਧਾਤੁਂ… ਇਦ੍ਧਿਵਿਧਞਾਣਂ… ਚੇਤੋਪਰਿਯਞਾਣਂ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ… ਯਥਾਕਮ੍ਮੂਪਗਞਾਣਂ… ਅਨਾਗਤਂਸਞਾਣਂ… ਬਹਿਦ੍ਧਾਰਮ੍ਮਣੇ ਅਜ੍ਝਤ੍ਤੇ ਖਨ੍ਧੇ ਅਨਿਚ੍ਚਤੋ…ਪੇ… ਵਿਪਸ੍ਸਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਅਜ੍ਝਤ੍ਤਾਰਮ੍ਮਣੋ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. ਬਹਿਦ੍ਧਾਰਮ੍ਮਣਾ ਅਜ੍ਝਤ੍ਤਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨)
ਅਧਿਪਤਿਪਚ੍ਚਯੋ
੧੪. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਅਜ੍ਝਤ੍ਤਂ ਵਿਞ੍ਞਾਣਞ੍ਚਾਯਤਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਨੇਵਸਞ੍ਞਾਨਾਸਞ੍ਞਾਯਤਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ. ਅਜ੍ਝਤ੍ਤਾਰਮ੍ਮਣਂ ਅਜ੍ਝਤ੍ਤਂ ਦਿਬ੍ਬਂ ਚਕ੍ਖੁਂ ਗਰੁਂ ਕਤ੍ਵਾ…ਪੇ… ਦਿਬ੍ਬਂ ਸੋਤਧਾਤੁਂ…ਪੇ… ਇਦ੍ਧਿਵਿਧਞਾਣਂ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ… ਯਥਾਕਮ੍ਮੂਪਗਞਾਣਂ… ਅਨਾਗਤਂਸਞਾਣਂ ਗਰੁਂ ਕਤ੍ਵਾ…ਪੇ… ਅਜ੍ਝਤ੍ਤਾਰਮ੍ਮਣੇ ਅਜ੍ਝਤ੍ਤੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਅਜ੍ਝਤ੍ਤਾਰਮ੍ਮਣੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਅਜ੍ਝਤ੍ਤਾਰਮ੍ਮਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)
੧੫. ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਸਹਜਾਤਾਧਿਪਤਿ – ਬਹਿਦ੍ਧਾਰਮ੍ਮਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ ਵੁਟ੍ਠਹਿਤ੍ਵਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ… ਫਲਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ. ਬਹਿਦ੍ਧਾਰਮ੍ਮਣਂ ਅਜ੍ਝਤ੍ਤਂ ਦਿਬ੍ਬਂ ਚਕ੍ਖੁਂ ਗਰੁਂ ਕਤ੍ਵਾ…ਪੇ… ਦਿਬ੍ਬਂ ਸੋਤਧਾਤੁਂ… ਇਦ੍ਧਿਵਿਧਞਾਣਂ… ਚੇਤੋਪਰਿਯਞਾਣਂ… ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਂ… ਯਥਾਕਮ੍ਮੂਪਗਞਾਣਂ… ਅਨਾਗਤਂਸਞਾਣਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਬਹਿਦ੍ਧਾਰਮ੍ਮਣੇ ਅਜ੍ਝਤ੍ਤੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਅਜ੍ਝਤ੍ਤਾਰਮ੍ਮਣੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. (੨)
ਅਨਨ੍ਤਰਪਚ੍ਚਯੋ
੧੬. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਅਜ੍ਝਤ੍ਤਾਰਮ੍ਮਣਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਅਜ੍ਝਤ੍ਤਾਰਮ੍ਮਣਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਅਜ੍ਝਤ੍ਤਾਰਮ੍ਮਣਂ ਚੁਤਿਚਿਤ੍ਤਂ ਬਹਿਦ੍ਧਾਰਮ੍ਮਣਸ੍ਸ ਉਪਪਤ੍ਤਿਚਿਤ੍ਤਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਅਜ੍ਝਤ੍ਤਾਰਮ੍ਮਣਂ ਭਵਙ੍ਗਂ ਬਹਿਦ੍ਧਾਰਮ੍ਮਣਾਯ ਆਵਜ੍ਜਨਾਯ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਅਜ੍ਝਤ੍ਤਾਰਮ੍ਮਣਾ ਖਨ੍ਧਾ ਬਹਿਦ੍ਧਾਰਮ੍ਮਣਸ੍ਸ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਅਜ੍ਝਤ੍ਤਾਰਮ੍ਮਣਂ ਅਨੁਲੋਮਂ ਗੋਤ੍ਰਭੁਸ੍ਸ… ਅਨੁਲੋਮਂ ਵੋਦਾਨਸ੍ਸ… ਅਨੁਲੋਮਂ ਫਲਸਮਾਪਤ੍ਤਿਯਾ… ਨਿਰੋਧਾ ਵੁਟ੍ਠਹਨ੍ਤਸ੍ਸ… ਨੇਵਸਞ੍ਞਾਨਾਸਞ੍ਞਾਯਤਨਂ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)
੧੭. ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਬਹਿਦ੍ਧਾਰਮ੍ਮਣਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਬਹਿਦ੍ਧਾਰਮ੍ਮਣਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਬਹਿਦ੍ਧਾਰਮ੍ਮਣਂ ਅਨੁਲੋਮਂ ਗੋਤ੍ਰਭੁਸ੍ਸ… ਅਨੁਲੋਮਂ ਵੋਦਾਨਸ੍ਸ… ਗੋਤ੍ਰਭੁ ਮਗ੍ਗਸ੍ਸ… ਵੋਦਾਨਂ ਮਗ੍ਗਸ੍ਸ… ਮਗ੍ਗੋ ਫਲਸ੍ਸ… ਫਲਂ ਫਲਸ੍ਸ… ਅਨੁਲੋਮਂ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਬਹਿਦ੍ਧਾਰਮ੍ਮਣਂ ਚੁਤਿਚਿਤ੍ਤਂ ਅਜ੍ਝਤ੍ਤਾਰਮ੍ਮਣਸ੍ਸ ਉਪਪਤ੍ਤਿਚਿਤ੍ਤਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਬਹਿਦ੍ਧਾਰਮ੍ਮਣਂ ਭਵਙ੍ਗਂ ਅਜ੍ਝਤ੍ਤਾਰਮ੍ਮਣਾਯ ਆਵਜ੍ਜਨਾਯ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਬਹਿਦ੍ਧਾਰਮ੍ਮਣਾ ਖਨ੍ਧਾ ਅਜ੍ਝਤ੍ਤਾਰਮ੍ਮਣਸ੍ਸ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)
ਸਮਨਨ੍ਤਰਪਚ੍ਚਯਾਦਿ
੧੮. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ…ਪੇ… ਸਹਜਾਤਪਚ੍ਚਯੇਨ ਪਚ੍ਚਯੋ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ.
ਉਪਨਿਸ੍ਸਯਪਚ੍ਚਯੋ
੧੯. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਅਜ੍ਝਤ੍ਤਾਰਮ੍ਮਣਾ ਅਨਿਚ੍ਚਾਨੁਪਸ੍ਸਨਾ, ਦੁਕ੍ਖਾਨੁਪਸ੍ਸਨਾ, ਅਨਤ੍ਤਾਨੁਪਸ੍ਸਨਾ, ਅਜ੍ਝਤ੍ਤਾਰਮ੍ਮਣਾਯ ਅਨਿਚ੍ਚਾਨੁਪਸ੍ਸਨਾਯ, ਦੁਕ੍ਖਾਨੁਪਸ੍ਸਨਾਯ, ਅਨਤ੍ਤਾਨੁਪਸ੍ਸਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਅਜ੍ਝਤ੍ਤਾਰਮ੍ਮਣਾ ਅਨਿਚ੍ਚਾਨੁਪਸ੍ਸਨਾ, ਦੁਕ੍ਖਾਨੁਪਸ੍ਸਨਾ, ਅਨਤ੍ਤਾਨੁਪਸ੍ਸਨਾ ਬਹਿਦ੍ਧਾਰਮ੍ਮਣਾਯ ਅਨਿਚ੍ਚਾਨੁਪਸ੍ਸਨਾਯ, ਦੁਕ੍ਖਾਨੁਪਸ੍ਸਨਾਯ, ਅਨਤ੍ਤਾਨੁਪਸ੍ਸਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)
੨੦. ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਬਹਿਦ੍ਧਾਰਮ੍ਮਣਾ ਅਨਿਚ੍ਚਾਨੁਪਸ੍ਸਨਾ, ਦੁਕ੍ਖਾਨੁਪਸ੍ਸਨਾ, ਅਨਤ੍ਤਾਨੁਪਸ੍ਸਨਾ ਬਹਿਦ੍ਧਾਰਮ੍ਮਣਾਯ ਅਨਿਚ੍ਚਾਨੁਪਸ੍ਸਨਾਯ, ਦੁਕ੍ਖਾਨੁਪਸ੍ਸਨਾਯ, ਅਨਤ੍ਤਾਨੁਪਸ੍ਸਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਬਹਿਦ੍ਧਾਰਮ੍ਮਣਾ ਅਨਿਚ੍ਚਾਨੁਪਸ੍ਸਨਾ, ਦੁਕ੍ਖਾਨੁਪਸ੍ਸਨਾ, ਅਨਤ੍ਤਾਨੁਪਸ੍ਸਨਾ ਅਜ੍ਝਤ੍ਤਾਰਮ੍ਮਣਾਯ ਅਨਿਚ੍ਚਾਨੁਪਸ੍ਸਨਾਯ, ਦੁਕ੍ਖਾਨੁਪਸ੍ਸਨਾਯ, ਅਨਤ੍ਤਾਨੁਪਸ੍ਸਨਾਯ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)
ਆਸੇਵਨਪਚ੍ਚਯੋ
੨੧. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਅਜ੍ਝਤ੍ਤਾਰਮ੍ਮਣਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਅਜ੍ਝਤ੍ਤਾਰਮ੍ਮਣਾਨਂ ਖਨ੍ਧਾਨਂ ਆਸੇਵਨਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ – ਅਜ੍ਝਤ੍ਤਾਰਮ੍ਮਣਂ ਅਨੁਲੋਮਂ ਗੋਤ੍ਰਭੁਸ੍ਸ, ਅਨੁਲੋਮਂ ਵੋਦਾਨਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ. (੨)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਬਹਿਦ੍ਧਾਰਮ੍ਮਣਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਬਹਿਦ੍ਧਾਰਮ੍ਮਣਾਨਂ ਖਨ੍ਧਾਨਂ ਆਸੇਵਨਪਚ੍ਚਯੇਨ ਪਚ੍ਚਯੋ. ਬਹਿਦ੍ਧਾਰਮ੍ਮਣਂ ਅਨੁਲੋਮਂ ਗੋਤ੍ਰਭੁਸ੍ਸ… ਅਨੁਲੋਮਂ ਵੋਦਾਨਸ੍ਸ… ਗੋਤ੍ਰਭੁ ਮਗ੍ਗਸ੍ਸ… ਵੋਦਾਨਂ ਮਗ੍ਗਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ. (੧)
ਕਮ੍ਮਪਚ੍ਚਯੋ
੨੨. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਅਜ੍ਝਤ੍ਤਾਰਮ੍ਮਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਅਜ੍ਝਤ੍ਤਾਰਮ੍ਮਣਾ ਚੇਤਨਾ ਵਿਪਾਕਾਨਂ ਅਜ੍ਝਤ੍ਤਾਰਮ੍ਮਣਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਾਨਾਕ੍ਖਣਿਕਾ – ਅਜ੍ਝਤ੍ਤਾਰਮ੍ਮਣਾ ਚੇਤਨਾ ਵਿਪਾਕਾਨਂ ਬਹਿਦ੍ਧਾਰਮ੍ਮਣਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਬਹਿਦ੍ਧਾਰਮ੍ਮਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਬਹਿਦ੍ਧਾਰਮ੍ਮਣਾ ਚੇਤਨਾ ਵਿਪਾਕਾਨਂ ਬਹਿਦ੍ਧਾਰਮ੍ਮਣਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਾਨਾਕ੍ਖਣਿਕਾ – ਬਹਿਦ੍ਧਾਰਮ੍ਮਣਾ ਚੇਤਨਾ ਵਿਪਾਕਾਨਂ ਅਜ੍ਝਤ੍ਤਾਰਮ੍ਮਣਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)
ਵਿਪਾਕਪਚ੍ਚਯਾਦਿ
੨੩. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ…ਪੇ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਝਾਨਪਚ੍ਚਯੇਨ ਪਚ੍ਚਯੋ … ਮਗ੍ਗਪਚ੍ਚਯੇਨ ਪਚ੍ਚਯੋ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਨਤ੍ਥਿਪਚ੍ਚਯੇਨ ਪਚ੍ਚਯੋ…ਵਿਗਤਪਚ੍ਚਯੇਨ ਪਚ੍ਚਯੋ… ਅਵਿਗਤਪਚ੍ਚਯੇਨ ਪਚ੍ਚਯੋ.
੧. ਪਚ੍ਚਯਾਨੁਲੋਮਂ
੨. ਸਙ੍ਖ੍ਯਾਵਾਰੋ
ਸੁਦ੍ਧਂ
੨੪. ਹੇਤੁਯਾ ਦ੍ਵੇ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਚਤ੍ਤਾਰਿ, ਸਮਨਨ੍ਤਰੇ ਚਤ੍ਤਾਰਿ, ਸਹਜਾਤੇ ਦ੍ਵੇ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਦ੍ਵੇ, ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਤੀਣਿ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਦ੍ਵੇ …ਪੇ… (ਸਬ੍ਬਤ੍ਥ ਦ੍ਵੇ ), ਸਮ੍ਪਯੁਤ੍ਤੇ ਦ੍ਵੇ, ਅਤ੍ਥਿਯਾ ਦ੍ਵੇ, ਨਤ੍ਥਿਯਾ ਚਤ੍ਤਾਰਿ, ਵਿਗਤੇ ਚਤ੍ਤਾਰਿ, ਅਵਿਗਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਅਨੁਲੋਮਂ.
ਪਚ੍ਚਨੀਯੁਦ੍ਧਾਰੋ
੨੫. ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੧)
ਅਜ੍ਝਤ੍ਤਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਬਹਿਦ੍ਧਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੧)
ਬਹਿਦ੍ਧਾਰਮ੍ਮਣੋ ਧਮ੍ਮੋ ਅਜ੍ਝਤ੍ਤਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)
੨. ਪਚ੍ਚਯਪਚ੍ਚਨੀਯਂ
੨. ਸਙ੍ਖ੍ਯਾਵਾਰੋ
੨੬. ਨਹੇਤੁਯਾ ਚਤ੍ਤਾਰਿ, ਨਆਰਮ੍ਮਣੇ ਚਤ੍ਤਾਰਿ, ਨਅਧਿਪਤਿਯਾ ਚਤ੍ਤਾਰਿ, ਨਅਨਨ੍ਤਰੇ ਚਤ੍ਤਾਰਿ (ਸਂਖਿਤ੍ਤਂ, ਸਬ੍ਬਤ੍ਥ ਚਤ੍ਤਾਰਿ), ਨਪੁਰੇਜਾਤੇ ਨਪਚ੍ਛਾਜਾਤੇ ਨਆਸੇਵਨੇ…ਪੇ… ਨਵਿਪ੍ਪਯੁਤ੍ਤੇ ਚਤ੍ਤਾਰਿ…ਪੇ… ਨੋਅਵਿਗਤੇ ਚਤ੍ਤਾਰਿ (ਏਵਂ ਗਣੇਤਬ੍ਬਂ).
ਪਚ੍ਚਨੀਯਂ.
੩. ਪਚ੍ਚਯਾਨੁਲੋਮਪਚ੍ਚਨੀਯਂ
੨੭. ਹੇਤੁਪਚ੍ਚਯਾ ਨਆਰਮ੍ਮਣੇ ਦ੍ਵੇ, ਨਅਧਿਪਤਿਯਾ ਦ੍ਵੇ, ਨਅਨਨ੍ਤਰੇ ਨਸਮਨਨ੍ਤਰੇ ਨਉਪਨਿਸ੍ਸਯੇ ਨਆਸੇਵਨੇ ਨਕਮ੍ਮੇ…ਪੇ… ਨੋਨਤ੍ਥਿਯਾ ਨੋਵਿਗਤੇ ਦ੍ਵੇ (ਸਬ੍ਬਤ੍ਥ ਦ੍ਵੇ. ਏਵਂ ਗਣੇਤਬ੍ਬਂ).
ਅਨੁਲੋਮਪਚ੍ਚਨੀਯਂ.
੪. ਪਚ੍ਚਯਪਚ੍ਚਨੀਯਾਨੁਲੋਮਂ
੨੮. ਨਹੇਤੁਪਚ੍ਚਯਾ ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਚਤ੍ਤਾਰਿ, ਸਮਨਨ੍ਤਰੇ ਚਤ੍ਤਾਰਿ, ਸਹਜਾਤੇ ਅਞ੍ਞਮਞ੍ਞੇ ਨਿਸ੍ਸਯੇ ਦ੍ਵੇ, ਉਪਨਿਸ੍ਸਯੇ ਚਤ੍ਤਾਰਿ, ਆਸੇਵਨੇ ਤੀਣਿ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਦ੍ਵੇ…ਪੇ… ਸਮ੍ਪਯੁਤ੍ਤੇ ਦ੍ਵੇ, ਅਤ੍ਥਿਯਾ ਦ੍ਵੇ, ਨਤ੍ਥਿਯਾ ਚਤ੍ਤਾਰਿ, ਵਿਗਤੇ ਚਤ੍ਤਾਰਿ, ਅਵਿਗਤੇ ਦ੍ਵੇ (ਏਵਂ ਗਣੇਤਬ੍ਬਂ).
ਪਚ੍ਚਨੀਯਾਨੁਲੋਮਂ.
ਪਞ੍ਹਾਵਾਰੋ.
ਅਜ੍ਝਤ੍ਤਾਰਮ੍ਮਣਤ੍ਤਿਕਂ ਨਿਟ੍ਠਿਤਂ.