੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧਾ. (੧)

ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਮਿਚ੍ਛਤ੍ਤਨਿਯਤੋ ਚ ਅਨਿਯਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੨. ਸਮ੍ਮਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਸਮ੍ਮਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

੩. ਅਨਿਯਤਂ ਧਮ੍ਮਂ ਪਟਿਚ੍ਚ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਅਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਦ੍ਵੇ ਮਹਾਭੂਤਾ,. ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

੪. ਮਿਚ੍ਛਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਟਿਚ੍ਚ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਸਮ੍ਮਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਟਿਚ੍ਚ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਮ੍ਮਤ੍ਤਨਿਯਤੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਆਰਮ੍ਮਣਪਚ੍ਚਯੋ

੫. ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਮਿਚ੍ਛਤ੍ਤਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਸਮ੍ਮਤ੍ਤਨਿਯਤਂ ਧਮ੍ਮਂ ਪਟਿਚ੍ਚ ਸਮ੍ਮਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਸਮ੍ਮਤ੍ਤਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਅਨਿਯਤਂ ਧਮ੍ਮਂ ਪਟਿਚ੍ਚ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਅਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਅਨਿਯਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਵਤ੍ਥੁਂ ਪਟਿਚ੍ਚ ਖਨ੍ਧਾ (ਸਬ੍ਬੇ ਪਚ੍ਚਯਾ ਇਮਿਨਾ ਕਾਰਣੇਨ ਵਿਤ੍ਥਾਰੇਤਬ੍ਬਾ. ਸਂਖਿਤ੍ਤਂ).