੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੪. ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਸਮ੍ਮਤ੍ਤਨਿਯਤਂ ਧਮ੍ਮਂ ਪਚ੍ਚਯਾ ਸਮ੍ਮਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

੧੫. ਅਨਿਯਤਂ ਧਮ੍ਮਂ ਪਚ੍ਚਯਾ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਨਿਯਤਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਖਨ੍ਧਾ; ਏਕਂ ਮਹਾਭੂਤਂ ਪਚ੍ਚਯਾ…ਪੇ… ਵਤ੍ਥੁਂ ਪਚ੍ਚਯਾ ਅਨਿਯਤਾ ਖਨ੍ਧਾ. (੧)

ਅਨਿਯਤਂ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਮਿਚ੍ਛਤ੍ਤਨਿਯਤਾ ਖਨ੍ਧਾ. (੨)

ਅਨਿਯਤਂ ਧਮ੍ਮਂ ਪਚ੍ਚਯਾ ਸਮ੍ਮਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਸਮ੍ਮਤ੍ਤਨਿਯਤਾ ਖਨ੍ਧਾ. (੩)

ਅਨਿਯਤਂ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਚ ਅਨਿਯਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਮਿਚ੍ਛਤ੍ਤਨਿਯਤਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੪)

ਅਨਿਯਤਂ ਧਮ੍ਮਂ ਪਚ੍ਚਯਾ ਸਮ੍ਮਤ੍ਤਨਿਯਤੋ ਚ ਅਨਿਯਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਸਮ੍ਮਤ੍ਤਨਿਯਤਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੫)

੧੬. ਮਿਚ੍ਛਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਮਿਚ੍ਛਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਚ੍ਚਯਾ ਅਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਮਿਚ੍ਛਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਚ ਅਨਿਯਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਮਿਚ੍ਛਤ੍ਤਨਿਯਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਮਿਚ੍ਛਤ੍ਤਨਿਯਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੩)

ਸਮ੍ਮਤ੍ਤਨਿਯਤਞ੍ਚ ਅਨਿਯਤਞ੍ਚ ਧਮ੍ਮਂ ਪਚ੍ਚਯਾ ਸਮ੍ਮਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਤੀਣਿ ਪਞ੍ਹਾ, ਮਿਚ੍ਛਤ੍ਤਸਦਿਸਂ).

ਆਰਮ੍ਮਣਪਚ੍ਚਯਾਦਿ

੧੭. ਮਿਚ੍ਛਤ੍ਤਨਿਯਤਂ ਧਮ੍ਮਂ ਪਚ੍ਚਯਾ ਮਿਚ੍ਛਤ੍ਤਨਿਯਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ… (ਸਂਖਿਤ੍ਤਂ, ਕੁਸਲਤ੍ਤਿਕੇ ਪਚ੍ਚਯਵਾਰਸਦਿਸਂ ਵਿਭਜਿਤਬ੍ਬਂ)… ਅਵਿਗਤਪਚ੍ਚਯਾ.