੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੨੩੪. ਕੁਸਲਂ ਧਮ੍ਮਂ ਸਹਜਾਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ. ਕੁਸਲਂ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕੁਸਲੇ ਖਨ੍ਧੇ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਕੁਸਲਂ ਧਮ੍ਮਂ ਸਹਜਾਤੋ ਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

੨੩੫. ਅਕੁਸਲਂ ਧਮ੍ਮਂ ਸਹਜਾਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ. ਅਕੁਸਲਂ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਕੁਸਲੇ ਖਨ੍ਧੇ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਅਕੁਸਲਂ ਧਮ੍ਮਂ ਸਹਜਾਤੋ ਅਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

੨੩੬. ਅਬ੍ਯਾਕਤਂ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ ਵਿਪਾਕਾਬ੍ਯਾਕਤਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਕਟਤ੍ਤਾ ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ; ਖਨ੍ਧੇ ਸਹਜਾਤਂ ਵਤ੍ਥੁ, ਵਤ੍ਥੁਂ ਸਹਜਾਤਾ ਖਨ੍ਧਾ; ਏਕਂ ਮਹਾਭੂਤਂ ਸਹਜਾਤਾ ਤਯੋ ਮਹਾਭੂਤਾ, ਤਯੋ ਮਹਾਭੂਤੇ ਸਹਜਾਤਂ ਏਕਂ ਮਹਾਭੂਤਂ, ਦ੍ਵੇ ਮਹਾਭੂਤੇ ਸਹਜਾਤਾ ਦ੍ਵੇ ਮਹਾਭੂਤਾ, ਮਹਾਭੂਤੇ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

੨੩੭. ਕੁਸਲਞ੍ਚ ਅਬ੍ਯਾਕਤਞ੍ਚ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕੁਸਲੇ ਖਨ੍ਧੇ ਚ ਮਹਾਭੂਤੇ ਚ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਅਕੁਸਲਞ੍ਚ ਅਬ੍ਯਾਕਤਞ੍ਚ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਕੁਸਲੇ ਖਨ੍ਧੇ ਚ ਮਹਾਭੂਤੇ ਚ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

(ਯਥਾ ਪਟਿਚ੍ਚਵਾਰੇ ਏਵਂ ਵਿਤ੍ਥਾਰੇਤਬ੍ਬਂ.)