੧. ਪਚ੍ਚਯਾਨੁਲੋਮਂ

੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੩੩੮. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ. (੧)

ਅਕੁਸਲਂ ਧਮ੍ਮਂ ਸਂਸਟ੍ਠੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਕੁਸਲਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ. (੧)

ਅਬ੍ਯਾਕਤਂ ਧਮ੍ਮਂ ਸਂਸਟ੍ਠੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਵਿਪਾਕਾਬ੍ਯਾਕਤਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ. (੧)

ਆਰਮ੍ਮਣਾਦਿਪਚ੍ਚਯਾ

੩੩੯. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ… ਅਧਿਪਤਿਪਚ੍ਚਯਾ… (ਅਧਿਪਤਿ ਪਟਿਸਨ੍ਧਿਕ੍ਖਣੇ ਨਤ੍ਥਿ.) ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ… ਅਞ੍ਞਮਞ੍ਞਪਚ੍ਚਯਾ… ਨਿਸ੍ਸਯਪਚ੍ਚਯਾ… ਉਪਨਿਸ੍ਸਯਪਚ੍ਚਯਾ. (ਸਬ੍ਬਾਨਿ ਪਦਾਨਿ ਹੇਤੁਮੂਲਕਸਦਿਸਾਨਿ).

ਪੁਰੇਜਾਤਪਚ੍ਚਯੋ

੩੪੦. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਪੁਰੇਜਾਤਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ, ਵਤ੍ਥੁਂ ਪੁਰੇਜਾਤਪਚ੍ਚਯਾ. (੧)

ਅਕੁਸਲਂ ਧਮ੍ਮਂ ਸਂਸਟ੍ਠੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਪੁਰੇਜਾਤਪਚ੍ਚਯਾ – ਅਕੁਸਲਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ; ਵਤ੍ਥੁਂ ਪੁਰੇਜਾਤਪਚ੍ਚਯਾ. (੧)

ਅਬ੍ਯਾਕਤਂ ਧਮ੍ਮਂ ਸਂਸਟ੍ਠੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਪੁਰੇਜਾਤਪਚ੍ਚਯਾ – ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਂਸਟ੍ਠੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ; ਵਤ੍ਥੁਂ ਪੁਰੇਜਾਤਪਚ੍ਚਯਾ. (੧)

ਆਸੇਵਨਪਚ੍ਚਯੋ

੩੪੧. ਕੁਸਲਂ ਧਮ੍ਮਂ ਸਂਸਟ੍ਠੋ…ਪੇ… ਅਕੁਸਲਂ ਧਮ੍ਮਂ…ਪੇ… ਅਬ੍ਯਾਕਤਂ ਧਮ੍ਮਂ ਸਂਸਟ੍ਠੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਆਸੇਵਨਪਚ੍ਚਯਾ – ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਸਂਸਟ੍ਠਾ…ਪੇ….

ਕਮ੍ਮਪਚ੍ਚਯੋ

੩੪੨. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਕਮ੍ਮਪਚ੍ਚਯਾ…ਪੇ… ਅਕੁਸਲਂ ਧਮ੍ਮਂ ਸਂਸਟ੍ਠੋ…ਪੇ… ਅਬ੍ਯਾਕਤਂ ਧਮ੍ਮਂ ਸਂਸਟ੍ਠੋ…ਪੇ….

ਵਿਪਾਕਪਚ੍ਚਯੋ

੩੪੩. ਅਬ੍ਯਾਕਤਂ ਧਮ੍ਮਂ ਸਂਸਟ੍ਠੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਵਿਪਾਕਪਚ੍ਚਯਾ – ਵਿਪਾਕਾਬ੍ਯਾਕਤਂ…ਪੇ….

ਆਹਾਰਾਦਿਪਚ੍ਚਯਾ

੩੪੪. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਹਾਰਪਚ੍ਚਯਾ… ਇਨ੍ਦ੍ਰਿਯਪਚ੍ਚਯਾ … ਝਾਨਪਚ੍ਚਯਾ… ਮਗ੍ਗਪਚ੍ਚਯਾ… ਸਮ੍ਪਯੁਤ੍ਤਪਚ੍ਚਯਾ. (ਇਮਾਨਿ ਪਦਾਨਿ ਹੇਤੁਪਚ੍ਚਯਸਦਿਸਾਨਿ.)

ਵਿਪ੍ਪਯੁਤ੍ਤਪਚ੍ਚਯੋ

੩੪੫. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਵਿਪ੍ਪਯੁਤ੍ਤਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ; ਵਤ੍ਥੁਂ ਵਿਪ੍ਪਯੁਤ੍ਤਪਚ੍ਚਯਾ.

ਅਕੁਸਲਂ ਧਮ੍ਮਂ…ਪੇ… ਵਤ੍ਥੁਂ ਵਿਪ੍ਪਯੁਤ੍ਤਪਚ੍ਚਯਾ.

ਅਬ੍ਯਾਕਤਂ ਧਮ੍ਮਂ…ਪੇ… ਵਤ੍ਥੁਂ ਵਿਪ੍ਪਯੁਤ੍ਤਪਚ੍ਚਯਾ.

ਅਤ੍ਥਿਆਦਿਪਚ੍ਚਯਾ

੩੪੬. ਕੁਸਲਂ ਧਮ੍ਮਂ ਸਂਸਟ੍ਠੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਅਤ੍ਥਿਪਚ੍ਚਯਾ… ਨਤ੍ਥਿਪਚ੍ਚਯਾ… ਵਿਗਤਪਚ੍ਚਯਾ… ਅਵਿਗਤਪਚ੍ਚਯਾ (ਹੇਤੁਪਚ੍ਚਯਸਦਿਸਂ).