੨. ਪਚ੍ਚਯਪਚ੍ਚਨੀਯਂ

੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੨੭੭. ਅਕੁਸਲਂ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਵਿਪਾਕਾਬ੍ਯਾਕਤਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਚ੍ਚਯਾ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ; ਖਨ੍ਧੇ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਖਨ੍ਧਾ; ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ; ਬਾਹਿਰਂ … ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ … ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਚ੍ਚਯਾ ਕਟਤ੍ਤਾਰੂਪਂ ਉਪਾਦਾਰੂਪਂ. ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ; ਵਤ੍ਥੁਂ ਪਚ੍ਚਯਾ ਅਹੇਤੁਕਾ ਵਿਪਾਕਾਬ੍ਯਾਕਤਾ ਕਿਰਿਯਾਬ੍ਯਾਕਤਾ ਖਨ੍ਧਾ. (੧)

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਅਕੁਸਲਞ੍ਚ ਅਬ੍ਯਾਕਤਞ੍ਚ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨਆਰਮ੍ਮਣਪਚ੍ਚਯੋ

੨੭੮. ਕੁਸਲਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਕੁਸਲੇ ਖਨ੍ਧੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ.

(ਯਥਾ ਪਟਿਚ੍ਚਵਾਰੇ ਨਆਰਮ੍ਮਣਪਚ੍ਚਯਾ, ਏਵਂ ਵਿਤ੍ਥਾਰੇਤਬ੍ਬਂ.)

ਨਅਧਿਪਤਿਪਚ੍ਚਯੋ

੨੭੯. ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਪਚ੍ਚਯਾ… ਤੀਣਿ.

ਅਕੁਸਲਂ ਧਮ੍ਮਂ ਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਅਬ੍ਯਾਕਤਂ ਪਰਿਪੁਣ੍ਣਂ ਕਾਤਬ੍ਬਂ). ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ ਪਚ੍ਚਯਾ…ਪੇ… ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ, ਵਤ੍ਥੁਂ ਪਚ੍ਚਯਾ ਵਿਪਾਕਾਬ੍ਯਾਕਤਾ ਕਿਰਿਯਾਬ੍ਯਾਕਤਾ ਖਨ੍ਧਾ.

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ, ਵਤ੍ਥੁਂ ਪਚ੍ਚਯਾ ਕੁਸਲਾ ਖਨ੍ਧਾ…ਪੇ….

(ਯਥਾ ਅਨੁਲੋਮੇ ਸਹਜਾਤਪਚ੍ਚਯਂ, ਏਵਂ ਗਣੇਤਬ੍ਬਂ.)

ਨਅਨਨ੍ਤਰਾਦਿਪਚ੍ਚਯਾ

੨੮੦. ਕੁਸਲਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਅਨਨ੍ਤਰਪਚ੍ਚਯਾ… ਨਸਮਨਨ੍ਤਰਪਚ੍ਚਯਾ… ਨਅਞ੍ਞਮਞ੍ਞਪਚ੍ਚਯਾ… ਨਉਪਨਿਸ੍ਸਯਪਚ੍ਚਯਾ… ਨਪੁਰੇਜਾਤਪਚ੍ਚਯਾ.

(ਯਥਾ ਪਟਿਚ੍ਚਵਾਰੇ, ਏਵਂ ਵਿਤ੍ਥਾਰੇਤਬ੍ਬਂ.)

ਨਪਚ੍ਛਾਜਾਤਾਦਿਪਚ੍ਚਯਾ

੨੮੧. ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਪਚ੍ਛਾਜਾਤਪਚ੍ਚਯਾ… ਨਆਸੇਵਨਪਚ੍ਚਯਾ…ਪੇ… ਚਕ੍ਖਾਯਤਨਂ ਪਚ੍ਚਯਾ…ਪੇ… (ਨਪਚ੍ਛਾਜਾਤਪਚ੍ਚਯਮ੍ਪਿ ਨਆਸੇਵਨਪਚ੍ਚਯਮ੍ਪਿ ਪਰਿਪੁਣ੍ਣਂ, ਸਤ੍ਤਰਸ.)

(ਯਥਾ ਅਨੁਲੋਮੇ ਸਹਜਾਤਪਚ੍ਚਯਂ, ਏਵਂ ਵਿਤ੍ਥਾਰੇਤਬ੍ਬਂ.)

ਨਕਮ੍ਮਪਚ੍ਚਯੋ

੨੮੨. ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਕੁਸਲੇ ਖਨ੍ਧੇ ਪਚ੍ਚਯਾ ਕੁਸਲਾ ਚੇਤਨਾ. (੧)

ਅਕੁਸਲਂ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਅਕੁਸਲੇ ਖਨ੍ਧੇ ਪਚ੍ਚਯਾ ਅਕੁਸਲਾ ਚੇਤਨਾ. (੧)

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ, ਕਿਰਿਯਾਬ੍ਯਾਕਤੇ ਖਨ੍ਧੇ ਪਚ੍ਚਯਾ ਕਿਰਿਯਾਬ੍ਯਾਕਤਾ ਚੇਤਨਾ; ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ ਏਕਂ ਮਹਾਭੂਤਂ ਪਚ੍ਚਯਾ…ਪੇ… ਉਪਾਦਾਰੂਪਂ, ਵਤ੍ਥੁਂ ਪਚ੍ਚਯਾ ਕਿਰਿਯਾਬ੍ਯਾਕਤਾ ਚੇਤਨਾ. (੧)

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਕੁਸਲਾ ਚੇਤਨਾ. (੨)

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਅਕੁਸਲਾ ਚੇਤਨਾ. (੩)

ਕੁਸਲਞ੍ਚ ਅਬ੍ਯਾਕਤਞ੍ਚ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਕੁਸਲੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਕੁਸਲਾ ਚੇਤਨਾ. (੧)

ਅਕੁਸਲਞ੍ਚ ਅਬ੍ਯਾਕਤਞ੍ਚ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ – ਅਕੁਸਲੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਅਕੁਸਲਾ ਚੇਤਨਾ. (੧)

ਨਵਿਪਾਕਪਚ੍ਚਯੋ

੨੮੩. ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ – ਕੁਸਲਂ ਏਕਂ ਖਨ੍ਧਂ ਪਚ੍ਚਯਾ… ਤੀਣਿ.

ਅਕੁਸਲਂ ਧਮ੍ਮਂ ਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ – ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ ਉਪਾਦਾਰੂਪਂ; ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਚ੍ਚਯਾ ਕਟਤ੍ਤਾਰੂਪਂ ਉਪਾਦਾਰੂਪਂ, ਵਤ੍ਥੁਂ ਪਚ੍ਚਯਾ ਕਿਰਿਯਾਬ੍ਯਾਕਤਾ ਖਨ੍ਧਾ.

ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਕੁਸਲਾ ਖਨ੍ਧਾ.

(ਵਿਪਾਕਂ ਠਪੇਤ੍ਵਾ ਸਬ੍ਬਤ੍ਥ ਵਿਤ੍ਥਾਰੇਤਬ੍ਬਂ.)

ਨਆਹਾਰਾਦਿਪਚ੍ਚਯਾ

੨੮੪. ਅਬ੍ਯਾਕਤਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਹਾਰਪਚ੍ਚਯਾ… ਨਇਨ੍ਦ੍ਰਿਯਪਚ੍ਚਯਾ… ਨਝਾਨਪਚ੍ਚਯਾ…ਪੇ… ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ. (ਨ ਝਾਨੇ ਇਦਂ ਨਾਨਾਕਰਣਂ.) ਨਮਗ੍ਗਪਚ੍ਚਯਾ… ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ. ਵਤ੍ਥੁਂ ਪਚ੍ਚਯਾ ਅਹੇਤੁਕਵਿਪਾਕਾਬ੍ਯਾਕਤਾ ਕਿਰਿਯਾਬ੍ਯਾਕਤਾ ਖਨ੍ਧਾ. (ਨਮਗ੍ਗੇ ਇਦਂ ਨਾਨਾਕਰਣਂ.)

(ਅਵਸੇਸਂ ਯਥਾ ਪਟਿਚ੍ਚਵਾਰੇ ਪਚ੍ਚਨੀਯਂ, ਏਵਂ ਵਿਤ੍ਥਾਰੇਤਬ੍ਬਂ.)

ਨਸਮ੍ਪਯੁਤ੍ਤਾਦਿਪਚ੍ਚਯਾ

੨੮੫. ਨਸਮ੍ਪਯੁਤ੍ਤਪਚ੍ਚਯਾ … ਨਵਿਪ੍ਪਯੁਤ੍ਤਪਚ੍ਚਯਾ… ਨੋਨਤ੍ਥਿਪਚ੍ਚਯਾ… ਕੁਸਲਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨੋਵਿਗਤਪਚ੍ਚਯਾ – ਕੁਸਲੇ ਖਨ੍ਧੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ.

(ਯਥਾ ਪਟਿਚ੍ਚਵਾਰੇ, ਏਵਂ ਵਿਤ੍ਥਾਰੇਤਬ੍ਬਂ.)