੨. ਪਚ੍ਚਯਪਚ੍ਚਨੀਯਂ

੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੨੩੯. ਅਕੁਸਲਂ ਧਮ੍ਮਂ ਸਹਜਾਤੋ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਸਹਜਾਤੋ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਅਬ੍ਯਾਕਤਂ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਵਿਪਾਕਾਬ੍ਯਾਕਤਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਕਟਤ੍ਤਾ ਚ ਰੂਪਂ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ, ਖਨ੍ਧੇ ਸਹਜਾਤਂ ਵਤ੍ਥੁ, ਵਤ੍ਥੁਂ ਸਹਜਾਤਾ ਖਨ੍ਧਾ; ਏਕਂ ਮਹਾਭੂਤਂ ਸਹਜਾਤਾ ਤਯੋ ਮਹਾਭੂਤਾ, ਤਯੋ ਮਹਾਭੂਤੇ ਸਹਜਾਤਂ ਏਕਂ ਮਹਾਭੂਤਂ, ਦ੍ਵੇ ਮਹਾਭੂਤੇ ਸਹਜਾਤਾ ਦ੍ਵੇ ਮਹਾਭੂਤਾ, ਮਹਾਭੂਤੇ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ; ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ ਸਹਜਾਤਾ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਸਹਜਾਤਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

(ਯਥਾ ਪਟਿਚ੍ਚਵਾਰੇ, ਏਵਂ ਵਿਤ੍ਥਾਰੇਤਬ੍ਬਂ.)