੪. ਪਚ੍ਚਯਪਚ੍ਚਨੀਯਾਨੁਲੋਮਂ

੪੯. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਹੇਤੁਪਚ੍ਚਯਾ ਆਰਮ੍ਮਣਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਹੇਤੁਪਚ੍ਚਯਾ ਅਧਿਪਤਿਪਚ੍ਚਯਾ…ਪੇ… ਨਹੇਤੁਪਚ੍ਚਯਾ ਅਵਿਗਤਪਚ੍ਚਯਾ.

੫੦. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਹੇਤੁਪਚ੍ਚਯਾ ਨਆਰਮ੍ਮਣਪਚ੍ਚਯਾ ਅਧਿਪਤਿਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.

ਨਹੇਤੁਪਚ੍ਚਯਾ ਨਆਰਮ੍ਮਣਪਚ੍ਚਯਾ ਨਅਧਿਪਤਿਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.

ਨਹੇਤੁਪਚ੍ਚਯਾ ਨਆਰਮ੍ਮਣਪਚ੍ਚਯਾ ਨਅਧਿਪਤਿਪਚ੍ਚਯਾ ਨਅਨਨ੍ਤਰਪਚ੍ਚਯਾ ਨਸਮਨਨ੍ਤਰਪਚ੍ਚਯਾ…ਪੇ… ਨੋਅਤ੍ਥਿਪਚ੍ਚਯਾ ਨੋਨਤ੍ਥਿਪਚ੍ਚਯਾ ਨੋਵਿਗਤਪਚ੍ਚਯਾ ਅਵਿਗਤਪਚ੍ਚਯਾ.

੫੧. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਆਰਮ੍ਮਣਪਚ੍ਚਯਾ ਹੇਤੁਪਚ੍ਚਯਾ.

੫੨. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਆਰਮ੍ਮਣਪਚ੍ਚਯਾ ਅਧਿਪਤਿਪਚ੍ਚਯਾ…ਪੇ… ਨਆਰਮ੍ਮਣਪਚ੍ਚਯਾ ਅਵਿਗਤਪਚ੍ਚਯਾ…ਪੇ… ਨੋਅਵਿਗਤਪਚ੍ਚਯਾ ਹੇਤੁਪਚ੍ਚਯਾ… ਨੋਅਵਿਗਤਪਚ੍ਚਯਾ ਆਰਮ੍ਮਣਪਚ੍ਚਯਾ…ਪੇ… ਨੋਅਵਿਗਤਪਚ੍ਚਯਾ ਵਿਗਤਪਚ੍ਚਯਾ.

ਨੋਅਵਿਗਤਪਚ੍ਚਯਾ ਨਹੇਤੁਪਚ੍ਚਯਾ ਆਰਮ੍ਮਣਪਚ੍ਚਯਾ…ਪੇ… ਨੋਅਵਿਗਤਪਚ੍ਚਯਾ ਨਹੇਤੁਪਚ੍ਚਯਾ ਵਿਗਤਪਚ੍ਚਯਾ.

ਨੋਅਵਿਗਤਪਚ੍ਚਯਾ ਨਹੇਤੁਪਚ੍ਚਯਾ ਨਆਰਮ੍ਮਣਪਚ੍ਚਯਾ ਨਅਧਿਪਤਿਪਚ੍ਚਯਾ…ਪੇ… ਨੋਅਤ੍ਥਿਪਚ੍ਚਯਾ ਨੋਨਤ੍ਥਿਪਚ੍ਚਯਾ ਵਿਗਤਪਚ੍ਚਯਾ.

(ਘ) ਤਿਕਞ੍ਚ ਪਟ੍ਠਾਨਵਰਂ ਦੁਕੁਤ੍ਤਮਂ,

ਦੁਕਂ ਤਿਕਞ੍ਚੇਵ ਤਿਕਂ ਦੁਕਞ੍ਚ;

ਤਿਕਂ ਤਿਕਞ੍ਚੇਵ ਦੁਕਂ ਦੁਕਞ੍ਚ,

ਛ ਪਚ੍ਚਨੀਯਾਨੁਲੋਮਮ੍ਹਿ ਨਯਾ ਸੁਗਮ੍ਭੀਰਾਤਿ.

ਪੁਚ੍ਛਾਵਾਰੋ.

ਨਿਦ੍ਦੇਸਵਾਰੇ ਤੇਵੀਸਤਿਪਚ੍ਚਯਾ.