੨. ਪਚ੍ਚਯਪਚ੍ਚਨੀਯਂ

੪੨. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਹੇਤੁਪਚ੍ਚਯਾ.

(ਯਥਾ ਅਨੁਲੋਮੇ ਹੇਤੁਪਚ੍ਚਯੋ ਵਿਤ੍ਥਾਰਿਤੋ, ਏਵਂ ਪਚ੍ਚਨੀਯੇਪਿ ਨਹੇਤੁਪਚ੍ਚਯੋ ਵਿਤ੍ਥਾਰੇਤਬ੍ਬੋ.)

੪੩. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਆਰਮ੍ਮਣਪਚ੍ਚਯਾ… ਨਅਧਿਪਤਿਪਚ੍ਚਯਾ… ਨਅਨਨ੍ਤਰਪਚ੍ਚਯਾ… ਨਸਮਨਨ੍ਤਰਪਚ੍ਚਯਾ… ਨਸਹਜਾਤਪਚ੍ਚਯਾ… ਨਅਞ੍ਞਮਞ੍ਞਪਚ੍ਚਯਾ… ਨਨਿਸ੍ਸਯਪਚ੍ਚਯਾ… ਨਉਪਨਿਸ੍ਸਯਪਚ੍ਚਯਾ… ਨਪੁਰੇਜਾਤਪਚ੍ਚਯਾ… ਨਪਚ੍ਛਾਜਾਤਪਚ੍ਚਯਾ … ਨਆਸੇਵਨਪਚ੍ਚਯਾ… ਨਕਮ੍ਮਪਚ੍ਚਯਾ… ਨਵਿਪਾਕਪਚ੍ਚਯਾ… ਨਆਹਾਰਪਚ੍ਚਯਾ… ਨਇਨ੍ਦ੍ਰਿਯਪਚ੍ਚਯਾ… ਨਝਾਨਪਚ੍ਚਯਾ… ਨਮਗ੍ਗਪਚ੍ਚਯਾ… ਨਸਮ੍ਪਯੁਤ੍ਤਪਚ੍ਚਯਾ… ਨਵਿਪ੍ਪਯੁਤ੍ਤਪਚ੍ਚਯਾ… ਨੋਅਤ੍ਥਿਪਚ੍ਚਯਾ… ਨੋਨਤ੍ਥਿਪਚ੍ਚਯਾ… ਨੋਵਿਗਤਪਚ੍ਚਯਾ… ਨੋਅਵਿਗਤਪਚ੍ਚਯਾ.

੪੪. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਨਹੇਤੁਪਚ੍ਚਯਾ ਨਆਰਮ੍ਮਣਪਚ੍ਚਯਾ….

(ਯਥਾ ਅਨੁਲੋਮੇ ਏਕੇਕਸ੍ਸ ਪਦਸ੍ਸ ਏਕਮੂਲਕਂ, ਦੁਮੂਲਕਂ, ਤਿਮੂਲਕਂ, ਚਤੁਮੂਲਕਂ, ਯਾਵ ਤੇਵੀਸਤਿਮੂਲਕਂ ਏਵਂ ਪਚ੍ਚਨੀਯੇਪਿ ਵਿਤ੍ਥਾਰੇਤਬ੍ਬਂ. )

(ਖ) ਤਿਕਞ੍ਚ ਪਟ੍ਠਾਨਵਰਂ ਦੁਕੁਤ੍ਤਮਂ,

ਦੁਕਂ ਤਿਕਞ੍ਚੇਵ ਤਿਕਂ ਦੁਕਞ੍ਚ;

ਤਿਕਂ ਤਿਕਞ੍ਚੇਵ ਦੁਕਂ ਦੁਕਞ੍ਚ,

ਛ ਪਚ੍ਚਨੀਯਮ੍ਹਿ ਨਯਾ ਸੁਗਮ੍ਭੀਰਾਤਿ.