੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਸਂਕਿਲਿਟ੍ਠਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਂਕਿਲਿਟ੍ਠਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੧)

ਸਂਕਿਲਿਟ੍ਠਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਂਕਿਲਿਟ੍ਠਸਂਕਿਲੇਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਸਂਕਿਲਿਟ੍ਠਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਸਂਕਿਲਿਟ੍ਠਸਂਕਿਲੇਸਿਕੋ ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਂਕਿਲਿਟ੍ਠਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

ਅਸਂਕਿਲਿਟ੍ਠਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਸਂਕਿਲਿਟ੍ਠਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ ਅਸਂਕਿਲਿਟ੍ਠਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ; ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

੨. ਅਸਂਕਿਲਿਟ੍ਠਅਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਅਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਸਂਕਿਲਿਟ੍ਠਅਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. (੧)

ਅਸਂਕਿਲਿਟ੍ਠਅਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਸਂਕਿਲਿਟ੍ਠਅਸਂਕਿਲੇਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਅਸਂਕਿਲਿਟ੍ਠਅਸਂਕਿਲੇਸਿਕਂ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਚ ਅਸਂਕਿਲਿਟ੍ਠਅਸਂਕਿਲੇਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਸਂਕਿਲਿਟ੍ਠਅਸਂਕਿਲੇਸਿਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

ਅਸਂਕਿਲਿਟ੍ਠਸਂਕਿਲੇਸਿਕਞ੍ਚ ਅਸਂਕਿਲਿਟ੍ਠਅਸਂਕਿਲੇਸਿਕਞ੍ਚ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਸਂਕਿਲਿਟ੍ਠਅਸਂਕਿਲੇਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਸਂਕਿਲਿਟ੍ਠਸਂਕਿਲੇਸਿਕਞ੍ਚ ਅਸਂਕਿਲਿਟ੍ਠਸਂਕਿਲੇਸਿਕਞ੍ਚ ਧਮ੍ਮਂ ਪਟਿਚ੍ਚ ਅਸਂਕਿਲਿਟ੍ਠਸਂਕਿਲੇਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਂਕਿਲਿਟ੍ਠਸਂਕਿਲੇਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ (ਸਂਖਿਤ੍ਤਂ). (੧)