(੨੧੦) ੩. ਆਨੇਞ੍ਜਕਥਾ

੮੯੬. ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਨਨੁ ਅਰਹਾ ਪਕਤਿਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਹਞ੍ਚਿ ਅਰਹਾ ਪਕਤਿਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ.

ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਅਰਹਾ ਕਿਰਿਯਮਯੇ ਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਰਹਾ ਵਿਪਾਕਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵਿਪਾਕਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ.

ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਅਰਹਾ ਕਿਰਿਯਾਬ੍ਯਾਕਤੇ ਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਰਹਾ ਵਿਪਾਕਾਬ੍ਯਾਕਤੇ ਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵਿਪਾਕਾਬ੍ਯਾਕਤੇ ਚਿਤ੍ਤੇ ਠਿਤੋ ਪਰਿਨਿਬ੍ਬਾਯਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ.

ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀਤਿ? ਆਮਨ੍ਤਾ. ਨਨੁ ਭਗਵਾ ਚਤੁਤ੍ਥਜ੍ਝਾਨਾ ਵੁਟ੍ਠਹਿਤ੍ਵਾ ਸਮਨਨ੍ਤਰਾ ਪਰਿਨਿਬ੍ਬੁਤੋਤਿ [ਦੀ. ਨਿ. ੨.੨੧੯]? ਆਮਨ੍ਤਾ. ਹਞ੍ਚਿ ਭਗਵਾ ਚਤੁਤ੍ਥਜ੍ਝਾਨਾ ਵੁਟ੍ਠਹਿਤ੍ਵਾ ਸਮਨਨ੍ਤਰਾ ਪਰਿਨਿਬ੍ਬੁਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਆਨੇਞ੍ਜੇ ਠਿਤੋ ਪਰਿਨਿਬ੍ਬਾਯਤੀ’’ਤਿ.

ਆਨੇਞ੍ਜਕਥਾ ਨਿਟ੍ਠਿਤਾ.