੨੧. ਏਕਵੀਸਤਿਮਵਗ੍ਗੋ
(੨੦੦) ੧. ਸਾਸਨਕਥਾ
੮੭੮. ਸਾਸਨਂ ਨਵਂ ਕਤਨ੍ਤਿ? ਆਮਨ੍ਤਾ. ਸਤਿਪਟ੍ਠਾਨਾ ਨਵਂ ਕਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਸਨਂ ਨਵਂ ਕਤਨ੍ਤਿ? ਆਮਨ੍ਤਾ. ਸਮ੍ਮਪ੍ਪਧਾਨਾ…ਪੇ… ਇਦ੍ਧਿਪਾਦਾ…ਪੇ… ਇਨ੍ਦ੍ਰਿਯਾ…ਪੇ… ਬਲਾ…ਪੇ… ਬੋਜ੍ਝਙ੍ਗਾ ਨਵਂ ਕਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਬ੍ਬੇ ਅਕੁਸਲਂ ਪਚ੍ਛਾ ਕੁਸਲਂ ਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਬ੍ਬੇ ਸਾਸਵਂ…ਪੇ… ਸਂਯੋਜਨਿਯਂ ਗਨ੍ਥਨਿਯਂ ਓਘਨਿਯਂ ਯੋਗਨਿਯਂ ਨੀਵਰਣਿਯਂ ਪਰਾਮਟ੍ਠਂ ਉਪਾਦਾਨਿਯਂ…ਪੇ… ਸਂਕਿਲੇਸਿਕਂ ਪਚ੍ਛਾ ਅਸਂਕਿਲੇਸਿਕਂ ਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਕੋਚਿ ਤਥਾਗਤਸ੍ਸ ਸਾਸਨਂ ਨਵਂ ਕਰੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਸਤਿਪਟ੍ਠਾਨੇ ਨਵਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕੋਚਿ ਸਮ੍ਮਪ੍ਪਧਾਨੇ…ਪੇ… ਇਦ੍ਧਿਪਾਦੇ…ਪੇ… ਇਨ੍ਦ੍ਰਿਯੇ…ਪੇ… ਬਲੇ…ਪੇ… ਬੋਜ੍ਝਙ੍ਗੇ ਨਵਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕੋਚਿ ਪੁਬ੍ਬੇ ਅਕੁਸਲਂ ਪਚ੍ਛਾ ਕੁਸਲਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕੋਚਿ ਪੁਬ੍ਬੇ ਸਾਸਵਂ…ਪੇ… ਸਂਕਿਲੇਸਿਕਂ ਪਚ੍ਛਾ ਅਸਂਕਿਲੇਸਿਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਲਬ੍ਭਾ ਤਥਾਗਤਸ੍ਸ ਸਾਸਨਂ ਪੁਨ ਨਵਂ ਕਾਤੁਨ੍ਤਿ? ਆਮਨ੍ਤਾ. ਲਬ੍ਭਾ ਸਤਿਪਟ੍ਠਾਨਾ ਪੁਨ ਨਵਂ ਕਾਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਲਬ੍ਭਾ ਸਮ੍ਮਪ੍ਪਧਾਨਾ…ਪੇ… ਇਦ੍ਧਿਪਾਦਾ…ਪੇ… ਇਨ੍ਦ੍ਰਿਯਾ…ਪੇ… ਬਲਾ…ਪੇ… ਬੋਜ੍ਝਙ੍ਗਾ ਪੁਨ ਨਵਂ ਕਾਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਲਬ੍ਭਾ ਪੁਬ੍ਬੇ ਅਕੁਸਲਂ ਪਚ੍ਛਾ ਕੁਸਲਂ ਕਾਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਲਬ੍ਭਾ ਪੁਬ੍ਬੇ ਸਾਸਵਂ…ਪੇ… ਸਂਕਿਲੇਸਿਯਂ ਪਚ੍ਛਾ ਅਸਂਕਿਲੇਸਿਯਂ ਕਾਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਾਸਨਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੧) ੨. ਅਵਿਵਿਤ੍ਤਕਥਾ
੮੭੯. ਪੁਥੁਜ੍ਜਨੋ ਤੇਧਾਤੁਕੇਹਿ ਧਮ੍ਮੇਹਿ ਅਵਿਵਿਤ੍ਤੋਤਿ? ਆਮਨ੍ਤਾ. ਪੁਥੁਜ੍ਜਨੋ ਤੇਧਾਤੁਕੇਹਿ ਫਸ੍ਸੇਹਿ…ਪੇ… ਤੇਧਾਤੁਕਾਹਿ ਵੇਦਨਾਹਿ… ਸਞ੍ਞਾਹਿ … ਚੇਤਨਾਹਿ… ਚਿਤ੍ਤੇਹਿ… ਸਦ੍ਧਾਹਿ… ਵੀਰਿਯੇਹਿ… ਸਤੀਹਿ… ਸਮਾਧੀਹਿ…ਪੇ… ਤੇਧਾਤੁਕਾਹਿ ਪਞ੍ਞਾਹਿ ਅਵਿਵਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪੁਥੁਜ੍ਜਨੋ ਤੇਧਾਤੁਕੇਹਿ ਕਮ੍ਮੇਹਿ ਅਵਿਵਿਤ੍ਤੋਤਿ? ਆਮਨ੍ਤਾ. ਯਸ੍ਮਿਂ ਖਣੇ ਪੁਥੁਜ੍ਜਨੋ ਚੀਵਰਂ ਦੇਤਿ, ਤਸ੍ਮਿਂ ਖਣੇ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ…ਪੇ… ਆਕਾਸਾਨਞ੍ਚਾਯਤਨਂ ਉਪਸਮ੍ਪਜ੍ਜ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਸ੍ਮਿਂ ਖਣੇ ਪੁਥੁਜ੍ਜਨੋ ਪਿਣ੍ਡਪਾਤਂ ਦੇਤਿ…ਪੇ… ਸੇਨਾਸਨਂ ਦੇਤਿ…ਪੇ… ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦੇਤਿ, ਤਸ੍ਮਿਂ ਖਣੇ ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ… ਨੇਵਸਞ੍ਞਾਨਾਸਞ੍ਞਾਯਤਨਂ ਉਪਸਮ੍ਪਜ੍ਜ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੮੮੦. ਨ ਵਤ੍ਤਬ੍ਬਂ – ‘‘ਪੁਥੁਜ੍ਜਨੋ ਤੇਧਾਤੁਕੇਹਿ ਕਮ੍ਮੇਹਿ ਅਵਿਵਿਤ੍ਤੋ’’ਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਰੂਪਧਾਤੁਅਰੂਪਧਾਤੂਪਗਂ ਕਮ੍ਮਂ ਪਰਿਞ੍ਞਾਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਪੁਥੁਜ੍ਜਨੋ ਤੇਧਾਤੁਕੇਹਿ ਕਮ੍ਮੇਹਿ ਅਵਿਵਿਤ੍ਤੋਤਿ…ਪੇ….
ਅਵਿਵਿਤ੍ਤਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੨) ੩. ਸਂਯੋਜਨਕਥਾ
੮੮੧. ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਆਮਨ੍ਤਾ. ਅਤ੍ਥਿ ਕਿਞ੍ਚਿ ਸਕ੍ਕਾਯਦਿਟ੍ਠਿਂ ਅਪ੍ਪਹਾਯ…ਪੇ… ਵਿਚਿਕਿਚ੍ਛਂ ਅਪ੍ਪਹਾਯ…ਪੇ… ਸੀਲਬ੍ਬਤਪਰਾਮਾਸਂ ਅਪ੍ਪਹਾਯ… ਰਾਗਂ ਅਪ੍ਪਹਾਯ… ਦੋਸਂ ਅਪ੍ਪਹਾਯ… ਮੋਹਂ ਅਪ੍ਪਹਾਯ… ਅਨੋਤ੍ਤਪ੍ਪਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ? ਆਮਨ੍ਤਾ. ਅਰਹਾ ਸਰਾਗੋ ਸਦੋਸੋ ਸਮੋਹੋ ਸਮਾਨੋ ਸਮਕ੍ਖੋ ਸਪਲ਼ਾਸੋ ਸਉਪਾਯਾਸੋ ਸਕਿਲੇਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਰਹਾ ਨਿਰਾਗੋ ਨਿਦ੍ਦੋਸੋ ਨਿਮ੍ਮੋਹੋ ਨਿਮ੍ਮਾਨੋ ਨਿਮ੍ਮਕ੍ਖੋ ਨਿਪ੍ਪਲ਼ਾਸੋ ਨਿਰੁਪਾਯਾਸੋ ਨਿਕ੍ਕਿਲੇਸੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨਿਰਾਗੋ…ਪੇ… ਨਿਕ੍ਕਿਲੇਸੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀ’’ਤਿ.
੮੮੨. ਨ ਵਤ੍ਤਬ੍ਬਂ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀ’’ਤਿ? ਆਮਨ੍ਤਾ. ਅਰਹਾ ਸਬ੍ਬਂ ਬੁਦ੍ਧਵਿਸਯਂ ਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤੀਤਿ.
ਸਂਯੋਜਨਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੩) ੪. ਇਦ੍ਧਿਕਥਾ
੮੮੩. ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਆਮਨ੍ਤਾ. ‘‘ਨਿਚ੍ਚਪਣ੍ਣਾ ਰੁਕ੍ਖਾ ਹੋਨ੍ਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਿਚ੍ਚਪੁਪ੍ਫਾ ਰੁਕ੍ਖਾ ਹੋਨ੍ਤੁ…ਪੇ… ਨਿਚ੍ਚਫਲਿਕਾ ਰੁਕ੍ਖਾ ਹੋਨ੍ਤੁ… ਨਿਚ੍ਚਂ ਜੁਣ੍ਹਂ ਹੋਤੁ… ਨਿਚ੍ਚਂ ਖੇਮਂ ਹੋਤੁ… ਨਿਚ੍ਚਂ ਸੁਭਿਕ੍ਖਂ ਹੋਤੁ… ‘‘ਨਿਚ੍ਚਂ ਸੁਵਤ੍ਥਿ [ਸੁਵੁਟ੍ਠਿਕਂ (ਸ੍ਯਾ.)] ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਆਮਨ੍ਤਾ. ‘‘ਉਪ੍ਪਨ੍ਨੋ ਫਸ੍ਸੋ ਮਾ ਨਿਰੁਜ੍ਝੀ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਉਪ੍ਪਨ੍ਨਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਚਿਤ੍ਤਂ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਮਾ ਨਿਰੁਜ੍ਝੀਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਆਮਨ੍ਤਾ. ‘‘ਰੂਪਂ ਨਿਚ੍ਚਂ ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ… ਵੇਦਨਾ…ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ‘‘ਵਿਞ੍ਞਾਣਂ ਨਿਚ੍ਚਂ ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਆਮਨ੍ਤਾ. ‘‘ਜਾਤਿਧਮ੍ਮਾ ਸਤ੍ਤਾ ਮਾ ਜਾਯਿਂਸੂ’’ਤਿ ਅਤ੍ਥਿ…ਪੇ… ‘‘ਜਰਾਧਮ੍ਮਾ ਸਤ੍ਤਾ ਮਾ ਜੀਰਿਂਸੂ’’ਤਿ…ਪੇ… ‘‘ਬ੍ਯਾਧਿਧਮ੍ਮਾ ਸਤ੍ਤਾ ਮਾ ਬ੍ਯਾਧਿਯਿਂਸੂ’’ਤਿ…ਪੇ… ‘‘ਮਰਣਧਮ੍ਮਾ ਸਤ੍ਤਾ ਮਾ ਮੀਯਿਂਸੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੮੮੪. ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾ’’ਤਿ? ਆਮਨ੍ਤਾ. ਨਨੁ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਾਸਾਦਂ ‘‘ਸੁਵਣ੍ਣ’’ਨ੍ਤ੍ਵੇਵ ਅਧਿਮੁਚ੍ਚਿ, ਸੁਵਣ੍ਣੋ ਚ ਪਨ ਆਸੀਤਿ [ਪਾਰਾ. ੬੨੧; ਮਹਾਵ. ੨੭੧]? ਆਮਨ੍ਤਾ. ਹਞ੍ਚਿ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਾਸਾਦਂ ਸੁਵਣ੍ਣਨ੍ਤ੍ਵੇਵ ਅਧਿਮੁਚ੍ਚਿ, ਸੁਵਣ੍ਣੋ ਚ ਪਨ ਆਸਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾ’’ਤਿ.
ਇਦ੍ਧਿਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੪) ੫. ਬੁਦ੍ਧਕਥਾ
੮੮੫. ਅਤ੍ਥਿ ਬੁਦ੍ਧਾਨਂ ਬੁਦ੍ਧੇਹਿ ਹੀਨਾਤਿਰੇਕਤਾਤਿ? ਆਮਨ੍ਤਾ. ਸਤਿਪਟ੍ਠਾਨਤੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਸਮ੍ਮਪ੍ਪਧਾਨਤੋ…ਪੇ… ਇਦ੍ਧਿਪਾਦਤੋ… ਇਨ੍ਦ੍ਰਿਯਤੋ… ਬਲਤੋ… ਬੋਜ੍ਝਙ੍ਗਤੋ… ਵਸਿਭਾਵਤੋ…ਪੇ… ਸਬ੍ਬਞ੍ਞੁਤਞਾਣਦਸ੍ਸਨਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੁਦ੍ਧਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੫) ੬. ਸਬ੍ਬਦਿਸਾਕਥਾ
੮੮੬. ਸਬ੍ਬਾ ਦਿਸਾ ਬੁਦ੍ਧਾ ਤਿਟ੍ਠਨ੍ਤੀਤਿ? ਆਮਨ੍ਤਾ. ਪੁਰਤ੍ਥਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਰਤ੍ਥਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਆਮਨ੍ਤਾ. ਕਿਨ੍ਨਾਮੋ ਸੋ ਭਗਵਾ, ਕਿਂਜਚ੍ਚੋ, ਕਿਂਗੋਤ੍ਤੋ, ਕਿਨ੍ਨਾਮਾ ਤਸ੍ਸ ਭਗਵਤੋ ਮਾਤਾਪਿਤਰੋ, ਕਿਨ੍ਨਾਮਂ ਤਸ੍ਸ ਭਗਵਤੋ ਸਾਵਕਯੁਗਂ, ਕੋਨਾਮੋ ਤਸ੍ਸ ਭਗਵਤੋ ਉਪਟ੍ਠਾਕੋ, ਕੀਦਿਸਂ ਚੀਵਰਂ ਧਾਰੇਤਿ, ਕੀਦਿਸਂ ਪਤ੍ਤਂ ਧਾਰੇਤਿ, ਕਤਰਸ੍ਮਿਂ ਗਾਮੇ ਵਾ ਨਿਗਮੇ ਵਾ ਨਗਰੇ ਵਾ ਰਟ੍ਠੇ ਵਾ ਜਨਪਦੇ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਦਕ੍ਖਿਣਾਯ ਦਿਸਾਯ…ਪੇ… ਪਚ੍ਛਿਮਾਯ ਦਿਸਾਯ…ਪੇ… ਉਤ੍ਤਰਾਯ ਦਿਸਾਯ…ਪੇ… ਹੇਟ੍ਠਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਹੇਟ੍ਠਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਆਮਨ੍ਤਾ. ਕਿਨ੍ਨਾਮੋ ਸੋ ਭਗਵਾ…ਪੇ… ਜਨਪਦੇ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਉਪਰਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਉਪਰਿਮਾਯ ਦਿਸਾਯ ਬੁਦ੍ਧੋ ਤਿਟ੍ਠਤੀਤਿ? ਆਮਨ੍ਤਾ. ਚਾਤੁਮਹਾਰਾਜਿਕੇ ਤਿਟ੍ਠਤਿ…ਪੇ… ਤਾਵਤਿਂਸੇ ਤਿਟ੍ਠਤਿ…ਪੇ… ਯਾਮੇ ਤਿਟ੍ਠਤਿ…ਪੇ… ਤੁਸਿਤੇ ਤਿਟ੍ਠਤਿ…ਪੇ… ਨਿਮ੍ਮਾਨਰਤਿਯਾ ਤਿਟ੍ਠਤਿ…ਪੇ… ਪਰਨਿਮ੍ਮਿਤਵਸਵਤ੍ਤਿਯਾ ਤਿਟ੍ਠਤਿ…ਪੇ… ਬ੍ਰਹ੍ਮਲੋਕੇ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਬ੍ਬਦਿਸਾਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੬) ੭. ਧਮ੍ਮਕਥਾ
੮੮੭. ਸਬ੍ਬੇ ਧਮ੍ਮਾ ਨਿਯਤਾਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਅਨਿਯਤੋ ਰਾਸੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਤ੍ਥਿ ਅਨਿਯਤੋ ਰਾਸੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਅਨਿਯਤੋ ਰਾਸਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਧਮ੍ਮਾ ਨਿਯਤਾ’’ਤਿ.
ਸਬ੍ਬੇ ਧਮ੍ਮਾ ਨਿਯਤਾਤਿ? ਆਮਨ੍ਤਾ. ਨਨੁ ਤਯੋ ਰਾਸੀ ਵੁਤ੍ਤਾ ਭਗਵਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸੀਤਿ [ਧ. ਸ. ਤਿਕਮਾਤਿਕਾ ੧੫]? ਆਮਨ੍ਤਾ. ਹਞ੍ਚਿ ਤਯੋ ਰਾਸੀ ਵੁਤ੍ਤਾ ਭਗਵਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਧਮ੍ਮਾ ਨਿਯਤਾ’’ਤਿ.
ਰੂਪਂ ਰੂਪਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾ…ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਵਿਞ੍ਞਾਣਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੮੮੮. ਨ ਵਤ੍ਤਬ੍ਬਂ – ਰੂਪਂ ਰੂਪਟ੍ਠੇਨ ਨਿਯਤਂ…ਪੇ… ਵੇਦਨਾ…ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਵਿਞ੍ਞਾਣਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਰੂਪਂ ਵੇਦਨਾ ਹੋਤਿ…ਪੇ… ਸਞ੍ਞਾ ਹੋਤਿ… ਸਙ੍ਖਾਰਾ ਹੋਨ੍ਤਿ… ਵਿਞ੍ਞਾਣਂ ਹੋਤਿ… ਵੇਦਨਾ…ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਰੂਪਂ ਹੋਤਿ…ਪੇ… ਵੇਦਨਾ ਹੋਤਿ… ਸਞ੍ਞਾ ਹੋਤਿ… ਸਙ੍ਖਾਰਾ ਹੋਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਰੂਪਂ ਰੂਪਟ੍ਠੇਨ ਨਿਯਤਂ, ਵੇਦਨਾ…ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਵਿਞ੍ਞਾਣਟ੍ਠੇਨ ਨਿਯਤਨ੍ਤਿ.
ਧਮ੍ਮਕਥਾ ਨਿਟ੍ਠਿਤਾ.
੨੧. ਏਕਵੀਸਤਿਮਵਗ੍ਗੋ
(੨੦੭) ੮. ਕਮ੍ਮਕਥਾ
੮੮੯. ਸਬ੍ਬੇ ਕਮ੍ਮਾ ਨਿਯਤਾਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਅਨਿਯਤੋ ਰਾਸੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਤ੍ਥਿ ਅਨਿਯਤੋ ਰਾਸੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਅਨਿਯਤੋ ਰਾਸਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਕਮ੍ਮਾ ਨਿਯਤਾ’’ਤਿ.
ਸਬ੍ਬੇ ਕਮ੍ਮਾ ਨਿਯਤਾਤਿ? ਆਮਨ੍ਤਾ. ਨਨੁ ਤਯੋ ਰਾਸੀ ਵੁਤ੍ਤਾ ਭਗਵਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸੀਤਿ? ਆਮਨ੍ਤਾ. ਹਞ੍ਚਿ ਤਯੋ ਰਾਸੀ ਵੁਤ੍ਤਾ ਭਗਵਤਾ – ਮਿਚ੍ਛਤ੍ਤਨਿਯਤੋ ਰਾਸਿ, ਸਮ੍ਮਤ੍ਤਨਿਯਤੋ ਰਾਸਿ, ਅਨਿਯਤੋ ਰਾਸਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਕਮ੍ਮਾ ਨਿਯਤਾ’’ਤਿ.
੮੯੦. ਦਿਟ੍ਠਧਮ੍ਮਵੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮਵੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਉਪਪਜ੍ਜਵੇਦਨੀਯਂ ਕਮ੍ਮਂ…ਪੇ… ਅਪਰਾਪਰਿਯਵੇਦਨੀਯਂ ਕਮ੍ਮਂ ਅਪਰਾਪਰਿਯਵੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਮਿਚ੍ਛਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਤ੍ਤਨਿਯਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੮੯੧. ਨ ਵਤ੍ਤਬ੍ਬਂ – ਦਿਟ੍ਠਧਮ੍ਮਵੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮਵੇਦਨੀਯਟ੍ਠੇਨ ਨਿਯਤਂ, ਉਪਪਜ੍ਜਵੇਦਨੀਯਂ ਕਮ੍ਮਂ…ਪੇ… ਅਪਰਾਪਰਿਯਵੇਦਨੀਯਂ ਕਮ੍ਮਂ ਅਪਰਾਪਰਿਯਵੇਦਨੀਯਟ੍ਠੇਨ ਨਿਯਤਨ੍ਤਿ? ਆਮਨ੍ਤਾ. ਦਿਟ੍ਠਧਮ੍ਮਵੇਦਨੀਯਂ ਕਮ੍ਮਂ ਉਪਪਜ੍ਜਵੇਦਨੀਯਂ ਹੋਤਿ, ਅਪਰਾਪਰਿਯਵੇਦਨੀਯਂ ਹੋਤਿ…ਪੇ… ਉਪਪਜ੍ਜਵੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮਵੇਦਨੀਯਂ ਹੋਤਿ, ਅਪਰਾਪਰਿਯਵੇਦਨੀਯਂ ਹੋਤਿ…ਪੇ… ਅਪਰਾਪਰਿਯਵੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮਵੇਦਨੀਯਂ ਹੋਤਿ, ਉਪਪਜ੍ਜਵੇਦਨੀਯਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਦਿਟ੍ਠਧਮ੍ਮਵੇਦਨੀਯਂ ਕਮ੍ਮਂ ਦਿਟ੍ਠਧਮ੍ਮਵੇਦਨੀਯਟ੍ਠੇਨ ਨਿਯਤਂ, ਉਪਪਜ੍ਜਵੇਦਨੀਯਂ ਕਮ੍ਮਂ…ਪੇ… ਅਪਰਾਪਰਿਯਵੇਦਨੀਯਂ ਕਮ੍ਮਂ ਅਪਰਾਪਰਿਯਵੇਦਨੀਯਟ੍ਠੇਨ ਨਿਯਤਨ੍ਤਿ.
ਕਮ੍ਮਕਥਾ ਨਿਟ੍ਠਿਤਾ.
ਏਕਵੀਸਤਿਮਵਗ੍ਗੋ.
ਤਸ੍ਸੁਦ੍ਦਾਨਂ –
ਸਾਸਨਂ ਨਵਂ ਕਤਂ ਅਤ੍ਥਿ ਕੋਚਿ ਤਥਾਗਤਸ੍ਸ ਸਾਸਨਂ ਨਵਂ ਕਰੋਤਿ ਲਬ੍ਭਾ ਤਥਾਗਤਸ੍ਸ ਸਾਸਨਂ ਪੁਨ ਨਵਂ ਕਾਤੁਂ, ਪੁਥੁਜ੍ਜਨੋ ਤੇਧਾਤੁਕੇਹਿ ਧਮ੍ਮੇਹਿ ਅਵਿਵਿਤ੍ਤੋ, ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਅਰਹਤ੍ਤਪ੍ਪਤ੍ਤਿ, ਅਤ੍ਥਿ ਅਧਿਪ੍ਪਾਯਿਦ੍ਧਿ ਬੁਦ੍ਧਾਨਂ ਵਾ ਸਾਵਕਾਨਂ ਵਾ, ਅਤ੍ਥਿ ਬੁਦ੍ਧਾਨਂ ਬੁਦ੍ਧੇਹਿ ਹੀਨਾਤਿਰੇਕਤਾ, ਸਬ੍ਬਾ ਦਿਸਾ ਬੁਦ੍ਧਾ ਤਿਟ੍ਠਨ੍ਤਿ, ਸਬ੍ਬੇ ਧਮ੍ਮਾ ਨਿਯਤਾ, ਸਬ੍ਬੇ ਕਮ੍ਮਾ ਨਿਯਤਾਤਿ.