੧. ਪਠਮਨਯੋ
੧. ਸਙ੍ਗਹਾਸਙ੍ਗਹਪਦਨਿਦ੍ਦੇਸੋ
੧. ਖਨ੍ਧੋ
੬. ਰੂਪਕ੍ਖਨ੍ਧੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤੋ? ਰੂਪਕ੍ਖਨ੍ਧੋ ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤੋ.
੭. ਵੇਦਨਾਕ੍ਖਨ੍ਧੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤੋ? ਵੇਦਨਾਕ੍ਖਨ੍ਧੋ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤੋ.
੮. ਸਞ੍ਞਾਕ੍ਖਨ੍ਧੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤੋ? ਸਞ੍ਞਾਕ੍ਖਨ੍ਧੋ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤੋ.
੯. ਸਙ੍ਖਾਰਕ੍ਖਨ੍ਧੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤੋ? ਸਙ੍ਖਾਰਕ੍ਖਨ੍ਧੋ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤੋ.
੧੦. ਵਿਞ੍ਞਾਣਕ੍ਖਨ੍ਧੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤੋ? ਵਿਞ੍ਞਾਣਕ੍ਖਨ੍ਧੋ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤੋ.
(ਏਕਮੂਲਕਂ.)
੧੧. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਦ੍ਵੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੨. ਰੂਪਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ…ਪੇ… ਦ੍ਵੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੩. ਰੂਪਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ…ਪੇ… ਦ੍ਵੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੪. ਰੂਪਕ੍ਖਨ੍ਧੋ ਚ ਵਿਞ੍ਞਾਣਕ੍ਖਨ੍ਧੋ ਚ…ਪੇ… ਦ੍ਵੀਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ, ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਦੁਕਮੂਲਕਂ.)
੧੫. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਤੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੬. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ…ਪੇ… ਤੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੭. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਵਿਞ੍ਞਾਣਕ੍ਖਨ੍ਧੋ ਚ…ਪੇ… ਤੀਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ, ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਤਿਕਮੂਲਕਂ.)
੧੮. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੯. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਵਿਞ੍ਞਾਣਕ੍ਖਨ੍ਧੋ ਚ…ਪੇ… ਚਤੂਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ, ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਚਤੁਕ੍ਕਮੂਲਕਂ.)
੨੦. ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ ਵਿਞ੍ਞਾਣਕ੍ਖਨ੍ਧੋ ਚ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਰੂਪਕ੍ਖਨ੍ਧੋ ਚ ਵੇਦਨਾਕ੍ਖਨ੍ਧੋ ਚ ਸਞ੍ਞਾਕ੍ਖਨ੍ਧੋ ਚ ਸਙ੍ਖਾਰਕ੍ਖਨ੍ਧੋ ਚ ਵਿਞ੍ਞਾਣਕ੍ਖਨ੍ਧੋ ਚ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੨੧. ਪਞ੍ਚਕ੍ਖਨ੍ਧਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਪਞ੍ਚਕ੍ਖਨ੍ਧਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਪਞ੍ਚਕਂ.)
੨. ਆਯਤਨਂ
੨੨. ਚਕ੍ਖਾਯਤਨਂ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਂ? ਚਕ੍ਖਾਯਤਨਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੨੩. ਸੋਤਾਯਤਨਂ … ਘਾਨਾਯਤਨਂ… ਜਿਵ੍ਹਾਯਤਨਂ… ਕਾਯਾਯਤਨਂ… ਰੂਪਾਯਤਨਂ… ਸਦ੍ਦਾਯਤਨਂ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੨੪. ਮਨਾਯਤਨਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਂ.
੨੫. ਧਮ੍ਮਾਯਤਨਂ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
(ਏਕਮੂਲਕਂ.)
੨੬. ਚਕ੍ਖਾਯਤਨਞ੍ਚ ਸੋਤਾਯਤਨਞ੍ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੨੭. ਚਕ੍ਖਾਯਤਨਞ੍ਚ ਘਾਨਾਯਤਨਞ੍ਚ… ਚਕ੍ਖਾਯਤਨਞ੍ਚ ਜਿਵ੍ਹਾਯਤਨਞ੍ਚ… ਚਕ੍ਖਾਯਤਨਞ੍ਚ ਕਾਯਾਯਤਨਞ੍ਚ… ਚਕ੍ਖਾਯਤਨਞ੍ਚ ਰੂਪਾਯਤਨਞ੍ਚ… ਚਕ੍ਖਾਯਤਨਞ੍ਚ ਸਦ੍ਦਾਯਤਨਞ੍ਚ… ਚਕ੍ਖਾਯਤਨਞ੍ਚ ਗਨ੍ਧਾਯਤਨਞ੍ਚ… ਚਕ੍ਖਾਯਤਨਞ੍ਚ ਰਸਾਯਤਨਞ੍ਚ… ਚਕ੍ਖਾਯਤਨਞ੍ਚ ਫੋਟ੍ਠਬ੍ਬਾਯਤਨਞ੍ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੨੮. ਚਕ੍ਖਾਯਤਨਞ੍ਚ ਮਨਾਯਤਨਞ੍ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੨੯. ਚਕ੍ਖਾਯਤਨਞ੍ਚ ਧਮ੍ਮਾਯਤਨਞ੍ਚ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
(ਦੁਕਮੂਲਕਂ.)
੩੦. ਦ੍ਵਾਦਸਾਯਤਨਾਨਿ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਦ੍ਵਾਦਸਾਯਤਨਾਨਿ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਦ੍ਵਾਦਸਕਂ.)
੩. ਧਾਤੁ
੩੧. ਚਕ੍ਖੁਧਾਤੁ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਚਕ੍ਖੁਧਾਤੁ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੩੨. ਸੋਤਧਾਤੁ… ਘਾਨਧਾਤੁ… ਜਿਵ੍ਹਾਧਾਤੁ… ਕਾਯਧਾਤੁ… ਰੂਪਧਾਤੁ… ਸਦ੍ਦਧਾਤੁ… ਗਨ੍ਧਧਾਤੁ… ਰਸਧਾਤੁ… ਫੋਟ੍ਠਬ੍ਬਧਾਤੁ… ਚਕ੍ਖੁਵਿਞ੍ਞਾਣਧਾਤੁ… ਸੋਤਵਿਞ੍ਞਾਣਧਾਤੁ… ਘਾਨਵਿਞ੍ਞਾਣਧਾਤੁ… ਜਿਵ੍ਹਾਵਿਞ੍ਞਾਣਧਾਤੁ… ਕਾਯਵਿਞ੍ਞਾਣਧਾਤੁ… ਮਨੋਧਾਤੁ… ਮਨੋਵਿਞ੍ਞਾਣਧਾਤੁ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੩੩. ਧਮ੍ਮਧਾਤੁ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
(ਏਕਮੂਲਕਂ.)
੩੪. ਚਕ੍ਖੁਧਾਤੁ ਚ ਸੋਤਧਾਤੁ ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੩੫. ਚਕ੍ਖੁਧਾਤੁ ਚ ਘਾਨਧਾਤੁ ਚ… ਚਕ੍ਖੁਧਾਤੁ ਚ ਜਿਵ੍ਹਾਧਾਤੁ ਚ… ਚਕ੍ਖੁਧਾਤੁ ਚ ਕਾਯਧਾਤੁ ਚ… ਚਕ੍ਖੁਧਾਤੁ ਚ ਰੂਪਧਾਤੁ ਚ… ਚਕ੍ਖੁਧਾਤੁ ਚ ਸਦ੍ਦਧਾਤੁ ਚ… ਚਕ੍ਖੁਧਾਤੁ ਚ ਗਨ੍ਧਧਾਤੁ ਚ… ਚਕ੍ਖੁਧਾਤੁ ਚ ਰਸਧਾਤੁ ਚ… ਚਕ੍ਖੁਧਾਤੁ ਚ ਫੋਟ੍ਠਬ੍ਬਧਾਤੁ ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੩੬. ਚਕ੍ਖੁਧਾਤੁ ਚ ਚਕ੍ਖੁਵਿਞ੍ਞਾਣਧਾਤੁ ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੩੭. ਚਕ੍ਖੁਧਾਤੁ ਚ ਸੋਤਵਿਞ੍ਞਾਣਧਾਤੁ ਚ… ਚਕ੍ਖੁਧਾਤੁ ਚ ਘਾਨਵਿਞ੍ਞਾਣਧਾਤੁ ਚ… ਚਕ੍ਖੁਧਾਤੁ ਚ ਜਿਵ੍ਹਾਵਿਞ੍ਞਾਣਧਾਤੁ ਚ… ਚਕ੍ਖੁਧਾਤੁ ਚ ਕਾਯਵਿਞ੍ਞਾਣਧਾਤੁ ਚ… ਚਕ੍ਖੁਧਾਤੁ ਚ ਮਨੋਧਾਤੁ ਚ… ਚਕ੍ਖੁਧਾਤੁ ਚ ਮਨੋਵਿਞ੍ਞਾਣਧਾਤੁ ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੩੮. ਚਕ੍ਖੁਧਾਤੁ ਚ ਧਮ੍ਮਧਾਤੁ ਚ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
(ਦੁਕਮੂਲਕਂ.)
੩੯. ਅਟ੍ਠਾਰਸ ਧਾਤੁਯੋ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਅਟ੍ਠਾਰਸ ਧਾਤੁਯੋ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਅਟ੍ਠਾਰਸਕਂ.)
੪. ਸਚ੍ਚਂ
੪੦. ਦੁਕ੍ਖਸਚ੍ਚਂ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਂ? ਦੁਕ੍ਖਸਚ੍ਚਂ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਂ.
੪੧. ਸਮੁਦਯਸਚ੍ਚਂ … ਮਗ੍ਗਸਚ੍ਚਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੪੨. ਨਿਰੋਧਸਚ੍ਚਂ ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
(ਏਕਮੂਲਕਂ.)
੪੩. ਦੁਕ੍ਖਸਚ੍ਚਞ੍ਚ ਸਮੁਦਯਸਚ੍ਚਞ੍ਚ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੪੪. ਦੁਕ੍ਖਸਚ੍ਚਞ੍ਚ ਮਗ੍ਗਸਚ੍ਚਞ੍ਚ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੪੫. ਦੁਕ੍ਖਸਚ੍ਚਞ੍ਚ ਨਿਰੋਧਸਚ੍ਚਞ੍ਚ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਦੁਕਮੂਲਕਂ.)
੪੬. ਦੁਕ੍ਖਸਚ੍ਚਞ੍ਚ ਸਮੁਦਯਸਚ੍ਚਞ੍ਚ ਮਗ੍ਗਸਚ੍ਚਞ੍ਚ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੪੭. ਦੁਕ੍ਖਸਚ੍ਚਞ੍ਚ ਸਮੁਦਯਸਚ੍ਚਞ੍ਚ ਨਿਰੋਧਸਚ੍ਚਞ੍ਚ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
(ਤਿਕਮੂਲਕਂ.)
੪੮. ਦੁਕ੍ਖਸਚ੍ਚਞ੍ਚ ਸਮੁਦਯਸਚ੍ਚਞ੍ਚ ਮਗ੍ਗਸਚ੍ਚਞ੍ਚ ਨਿਰੋਧਸਚ੍ਚਞ੍ਚ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੪੯. ਚਤ੍ਤਾਰਿ ਸਚ੍ਚਾਨਿ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾਨਿ? ਚਤ੍ਤਾਰਿ ਸਚ੍ਚਾਨਿ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾਨਿ. ਕਤਿਹਿ ਅਸਙ੍ਗਹਿਤਾਨਿ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾਨਿ.
(ਚਤੁਕ੍ਕਂ.)
੫. ਇਨ੍ਦ੍ਰਿਯਂ
੫੦. ਚਕ੍ਖੁਨ੍ਦ੍ਰਿਯਂ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਂ? ਚਕ੍ਖੁਨ੍ਦ੍ਰਿਯਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੫੧. ਸੋਤਿਨ੍ਦ੍ਰਿਯਂ… ਘਾਨਿਨ੍ਦ੍ਰਿਯਂ… ਜਿਵ੍ਹਿਨ੍ਦ੍ਰਿਯਂ… ਕਾਯਿਨ੍ਦ੍ਰਿਯਂ… ਇਤ੍ਥਿਨ੍ਦ੍ਰਿਯਂ … ਪੁਰਿਸਿਨ੍ਦ੍ਰਿਯਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੫੨. ਮਨਿਨ੍ਦ੍ਰਿਯਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਂ.
੫੩. ਜੀਵਿਤਿਨ੍ਦ੍ਰਿਯਂ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਤੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੫੪. ਸੁਖਿਨ੍ਦ੍ਰਿਯਂ … ਦੁਕ੍ਖਿਨ੍ਦ੍ਰਿਯਂ… ਸੋਮਨਸ੍ਸਿਨ੍ਦ੍ਰਿਯਂ… ਦੋਮਨਸ੍ਸਿਨ੍ਦ੍ਰਿਯਂ… ਉਪੇਕ੍ਖਿਨ੍ਦ੍ਰਿਯਂ… ਸਦ੍ਧਿਨ੍ਦ੍ਰਿਯਂ… ਵੀਰਿਯਿਨ੍ਦ੍ਰਿਯਂ… ਸਤਿਨ੍ਦ੍ਰਿਯਂ… ਸਮਾਧਿਨ੍ਦ੍ਰਿਯਂ… ਪਞ੍ਞਿਨ੍ਦ੍ਰਿਯਂ… ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ… ਅਞ੍ਞਿਨ੍ਦ੍ਰਿਯਂ… ਅਞ੍ਞਾਤਾਵਿਨ੍ਦ੍ਰਿਯਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
(ਏਕਮੂਲਕਂ.)
੫੫. ਚਕ੍ਖੁਨ੍ਦ੍ਰਿਯਞ੍ਚ ਸੋਤਿਨ੍ਦ੍ਰਿਯਞ੍ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੫੬. ਚਕ੍ਖੁਨ੍ਦ੍ਰਿਯਞ੍ਚ ਘਾਨਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਜਿਵ੍ਹਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਕਾਯਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਇਤ੍ਥਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਪੁਰਿਸਿਨ੍ਦ੍ਰਿਯਞ੍ਚ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੫੭. ਚਕ੍ਖੁਨ੍ਦ੍ਰਿਯਞ੍ਚ ਮਨਿਨ੍ਦ੍ਰਿਯਞ੍ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੫੮. ਚਕ੍ਖੁਨ੍ਦ੍ਰਿਯਞ੍ਚ ਜੀਵਿਤਿਨ੍ਦ੍ਰਿਯਞ੍ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੫੯. ਚਕ੍ਖੁਨ੍ਦ੍ਰਿਯਞ੍ਚ ਸੁਖਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਦੁਕ੍ਖਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਸੋਮਨਸ੍ਸਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਦੋਮਨਸ੍ਸਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਉਪੇਕ੍ਖਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਸਦ੍ਧਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਵੀਰਿਯਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਸਤਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਸਮਾਧਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਪਞ੍ਞਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਅਞ੍ਞਿਨ੍ਦ੍ਰਿਯਞ੍ਚ… ਚਕ੍ਖੁਨ੍ਦ੍ਰਿਯਞ੍ਚ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
(ਦੁਕਮੂਲਕਂ.)
੬੦. ਬਾਵੀਸਤਿਨ੍ਦ੍ਰਿਯਾਨਿ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾਨਿ? ਬਾਵੀਸਤਿਨ੍ਦ੍ਰਿਯਾਨਿ ਚਤੂਹਿ ਖਨ੍ਧੇਹਿ ਸਤ੍ਤਹਾਯਤਨੇਹਿ ਤੇਰਸਹਿ ਧਾਤੂਹਿ ਸਙ੍ਗਹਿਤਾਨਿ. ਕਤਿਹਿ ਅਸਙ੍ਗਹਿਤਾਨਿ? ਏਕੇਨ ਖਨ੍ਧੇਨ ਪਞ੍ਚਹਾਯਤਨੇਹਿ ਪਞ੍ਚਹਿ ਧਾਤੂਹਿ ਅਸਙ੍ਗਹਿਤਾਨਿ.
੬. ਪਟਿਚ੍ਚਸਮੁਪ੍ਪਾਦਾਦਿ
੬੧. ਅਵਿਜ੍ਜਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੬੨. ਅਵਿਜ੍ਜਾਪਚ੍ਚਯਾ ਸਙ੍ਖਾਰਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੬੩. ਸਙ੍ਖਾਰਪਚ੍ਚਯਾ ਵਿਞ੍ਞਾਣਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਂ.
੬੪. ਵਿਞ੍ਞਾਣਪਚ੍ਚਯਾ ਨਾਮਰੂਪਂ ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਂ.
੬੫. ਨਾਮਰੂਪਪਚ੍ਚਯਾ ਸਲ਼ਾਯਤਨਂ ਦ੍ਵੀਹਿ ਖਨ੍ਧੇਹਿ ਛਹਾਯਤਨੇਹਿ ਦ੍ਵਾਦਸਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਤੀਹਿ ਖਨ੍ਧੇਹਿ ਛਹਾਯਤਨੇਹਿ ਛਹਿ ਧਾਤੂਹਿ ਅਸਙ੍ਗਹਿਤਂ.
੬੬. ਸਲ਼ਾਯਤਨਪਚ੍ਚਯਾ ਫਸ੍ਸੋ… ਫਸ੍ਸਪਚ੍ਚਯਾ ਵੇਦਨਾ… ਵੇਦਨਾਪਚ੍ਚਯਾ ਤਣ੍ਹਾ… ਤਣ੍ਹਾਪਚ੍ਚਯਾ ਉਪਾਦਾਨਂ… ਕਮ੍ਮਭਵੋ [ਉਪਾਦਾਨਪਚ੍ਚਯਾ ਕਮ੍ਮਭਵੋ (ਸੀ. ਸ੍ਯਾ.)] ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤੋ.
੬੭. ਉਪਪਤ੍ਤਿਭਵੋ … ਕਾਮਭਵੋ… ਸਞ੍ਞਾਭਵੋ… ਪਞ੍ਚਵੋਕਾਰਭਵੋ ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਅਸਙ੍ਗਹਿਤੋ.
੬੮. ਰੂਪਭਵੋ ਪਞ੍ਚਹਿ ਖਨ੍ਧੇਹਿ ਪਞ੍ਚਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਨ ਕੇਹਿਚਿ ਖਨ੍ਧੇਹਿ ਸਤ੍ਤਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤੋ.
੬੯. ਅਰੂਪਭਵੋ… ਨੇਵਸਞ੍ਞਾਨਾਸਞ੍ਞਾਭਵੋ… ਚਤੁਵੋਕਾਰਭਵੋ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤੋ.
੭੦. ਅਸਞ੍ਞਾਭਵੋ… ਏਕਵੋਕਾਰਭਵੋ ਏਕੇਨ ਖਨ੍ਧੇਨ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤੋ.
੭੧. ਜਾਤਿ ਦ੍ਵੀਹਿ ਖਨ੍ਧੇਹਿ… ਜਰਾ ਦ੍ਵੀਹਿ ਖਨ੍ਧੇਹਿ… ਮਰਣਂ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਤੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੭੨. ਸੋਕੋ… ਪਰਿਦੇਵੋ… ਦੁਕ੍ਖਂ… ਦੋਮਨਸ੍ਸਂ… ਉਪਾਯਾਸੋ… ਸਤਿਪਟ੍ਠਾਨਂ… ਸਮ੍ਮਪ੍ਪਧਾਨਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੭੩. ਇਦ੍ਧਿਪਾਦੋ ਦ੍ਵੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਤੀਹਿ ਖਨ੍ਧੇਹਿ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤੋ.
੭੪. ਝਾਨਂ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਤੀਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਂ.
੭੫. ਅਪ੍ਪਮਞ੍ਞਾ … ਪਞ੍ਚਿਨ੍ਦ੍ਰਿਯਾਨਿ… ਪਞ੍ਚ ਬਲਾਨਿ… ਸਤ੍ਤ ਬੋਜ੍ਝਙ੍ਗਾ… ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ… ਫਸ੍ਸੋ… ਵੇਦਨਾ… ਸਞ੍ਞਾ… ਚੇਤਨਾ… ਅਧਿਮੋਕ੍ਖੋ… ਮਨਸਿਕਾਰੋ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤੋ. ਕਤਿਹਿ ਅਸਙ੍ਗਹਿਤੋ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤੋ.
੭੬. ਚਿਤ੍ਤਂ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਸਙ੍ਗਹਿਤਂ. ਕਤਿਹਿ ਅਸਙ੍ਗਹਿਤਂ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਂ.
੭. ਤਿਕਂ
੭੭. ਕੁਸਲਾ ਧਮ੍ਮਾ… ਅਕੁਸਲਾ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਕੁਸਲਾ ਧਮ੍ਮਾ… ਅਕੁਸਲਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੭੮. ਅਬ੍ਯਾਕਤਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੭੯. ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ… ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ ਤੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਤੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਦਸਹਾਯਤਨੇਹਿ ਪਨ੍ਨਰਸਹਿ ਧਾਤੂਹਿ ਅਸਙ੍ਗਹਿਤਾ.
੮੦. ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ ਤੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਸਤ੍ਤਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਾ.
੮੧. ਵਿਪਾਕਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੮੨. ਵਿਪਾਕਧਮ੍ਮਧਮ੍ਮਾ… ਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੮੩. ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਤੇਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਪਞ੍ਚਹਿ ਧਾਤੂਹਿ ਅਸਙ੍ਗਹਿਤਾ.
੮੪. ਉਪਾਦਿਨ੍ਨੁਪਾਦਾਨਿਯਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਅਸਙ੍ਗਹਿਤਾ.
੮੫. ਅਨੁਪਾਦਿਨ੍ਨੁਪਾਦਾਨਿਯਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਸਤ੍ਤਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਪਞ੍ਚਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੮੬. ਅਨੁਪਾਦਿਨ੍ਨਅਨੁਪਾਦਾਨਿਯਾ ਧਮ੍ਮਾ… ਅਸਂਕਿਲਿਟ੍ਠਅਸਂਕਿਲੇਸਿਕਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੮੭. ਅਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੮੮. ਸਵਿਤਕ੍ਕਸਵਿਚਾਰਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਤੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਪਨ੍ਨਰਸਹਿ ਧਾਤੂਹਿ ਅਸਙ੍ਗਹਿਤਾ.
੮੯. ਅਵਿਤਕ੍ਕਵਿਚਾਰਮਤ੍ਤਾ ਧਮ੍ਮਾ… ਪੀਤਿਸਹਗਤਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੯੦. ਅਵਿਤਕ੍ਕਅਵਿਚਾਰਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਏਕਾਯ ਧਾਤੁਯਾ ਅਸਙ੍ਗਹਿਤਾ.
੯੧. ਸੁਖਸਹਗਤਾ ਧਮ੍ਮਾ ਤੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਤੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਦਸਹਾਯਤਨੇਹਿ ਪਨ੍ਨਰਸਹਿ ਧਾਤੂਹਿ ਅਸਙ੍ਗਹਿਤਾ.
੯੨. ਉਪੇਕ੍ਖਾਸਹਗਤਾ ਧਮ੍ਮਾ ਤੀਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਸਤ੍ਤਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਦ੍ਵੀਹਿ ਖਨ੍ਧੇਹਿ ਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਅਸਙ੍ਗਹਿਤਾ.
੯੩. ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ… ਭਾਵਨਾਯ ਪਹਾਤਬ੍ਬਾ ਧਮ੍ਮਾ… ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ… ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ… ਆਚਯਗਾਮਿਨੋ ਧਮ੍ਮਾ… ਅਪਚਯਗਾਮਿਨੋ ਧਮ੍ਮਾ… ਸੇਕ੍ਖਾ ਧਮ੍ਮਾ… ਅਸੇਕ੍ਖਾ ਧਮ੍ਮਾ… ਮਹਗ੍ਗਤਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੯੪. ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ ਧਮ੍ਮਾ… ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ… ਨੇਵਾਚਯਗਾਮਿਨਾਪਚਯਗਾਮਿਨੋ ਧਮ੍ਮਾ… ਨੇਵਸੇਕ੍ਖਨਾਸੇਕ੍ਖਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੯੫. ਪਰਿਤ੍ਤਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੯੬. ਅਪ੍ਪਮਾਣਾ ਧਮ੍ਮਾ… ਪਣੀਤਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੯੭. ਪਰਿਤ੍ਤਾਰਮ੍ਮਣਾ [ਪਰਿਤ੍ਤਾਰਮਣਾ (?)] ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੯੮. ਮਹਗ੍ਗਤਾਰਮ੍ਮਣਾ ਧਮ੍ਮਾ… ਅਪ੍ਪਮਾਣਾਰਮ੍ਮਣਾ ਧਮ੍ਮਾ… ਹੀਨਾ ਧਮ੍ਮਾ… ਮਿਚ੍ਛਤ੍ਤਨਿਯਤਾ ਧਮ੍ਮਾ… ਸਮ੍ਮਤ੍ਤਨਿਯਤਾ ਧਮ੍ਮਾ… ਮਗ੍ਗਾਰਮ੍ਮਣਾ ਧਮ੍ਮਾ… ਮਗ੍ਗਹੇਤੁਕਾ ਧਮ੍ਮਾ… ਮਗ੍ਗਾਧਿਪਤਿਨੋ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੯੯. ਮਜ੍ਝਿਮਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੦੦. ਅਨਿਯਤਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੦੧. ਉਪ੍ਪਨ੍ਨਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੦੨. ਅਨੁਪ੍ਪਨ੍ਨਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਸਤ੍ਤਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਪਞ੍ਚਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੧੦੩. ਉਪ੍ਪਾਦਿਨੋ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਅਸਙ੍ਗਹਿਤਾ.
੧੦੪. ਅਤੀਤਾ ਧਮ੍ਮਾ… ਅਨਾਗਤਾ ਧਮ੍ਮਾ… ਪਚ੍ਚੁਪ੍ਪਨ੍ਨਾ ਧਮ੍ਮਾ… ਅਜ੍ਝਤ੍ਤਾ ਧਮ੍ਮਾ… ਅਜ੍ਝਤ੍ਤਬਹਿਦ੍ਧਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੦੫. ਬਹਿਦ੍ਧਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੦੬. ਅਤੀਤਾਰਮ੍ਮਣਾ ਧਮ੍ਮਾ… ਅਨਾਗਤਾਰਮ੍ਮਣਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੧੦੭. ਪਚ੍ਚੁਪ੍ਪਨ੍ਨਾਰਮ੍ਮਣਾ ਧਮ੍ਮਾ… ਅਜ੍ਝਤ੍ਤਾਰਮ੍ਮਣਾ ਧਮ੍ਮਾ… ਬਹਿਦ੍ਧਾਰਮ੍ਮਣਾ ਧਮ੍ਮਾ… ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੧੦੮. ਸਨਿਦਸ੍ਸਨਸਪ੍ਪਟਿਘਾ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੧੦੯. ਅਨਿਦਸ੍ਸਨਸਪ੍ਪਟਿਘਾ ਧਮ੍ਮਾ ਏਕੇਨ ਖਨ੍ਧੇਨ ਨਵਹਾਯਤਨੇਹਿ ਨਵਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਤੀਹਾਯਤਨੇਹਿ ਨਵਹਿ ਧਾਤੂਹਿ ਅਸਙ੍ਗਹਿਤਾ.
੧੧੦. ਅਨਿਦਸ੍ਸਨਅਪ੍ਪਟਿਘਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ, ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੮. ਦੁਕਂ
੧੧੧. ਹੇਤੂ ਧਮ੍ਮਾ… ਹੇਤੂ ਚੇਵ ਸਹੇਤੁਕਾ ਚ ਧਮ੍ਮਾ… ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੧੧੨. ਨ ਹੇਤੂ ਧਮ੍ਮਾ… ਅਹੇਤੁਕਾ ਧਮ੍ਮਾ… ਹੇਤੁਵਿਪ੍ਪਯੁਤ੍ਤਾ ਧਮ੍ਮਾ… ਨ ਹੇਤੂ ਅਹੇਤੁਕਾ [ਨ ਹੇਤੂ ਅਹੇਤੁਕਾ (ਸ੍ਯਾ. ਕ.) ਵਿਭ. ਦੁਕਪਞ੍ਹਾਪੁਚ੍ਛਕੇਪਿ] ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੧੩. ਸਹੇਤੁਕਾ ਧਮ੍ਮਾ… ਹੇਤੁਸਮ੍ਪਯੁਤ੍ਤਾ ਧਮ੍ਮਾ… ਸਹੇਤੁਕਾ ਚੇਵ ਨ ਚ ਹੇਤੂ ਧਮ੍ਮਾ… ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂ ਧਮ੍ਮਾ… ਨ ਹੇਤੂ ਸਹੇਤੁਕਾ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੧੧੪. ਸਪ੍ਪਚ੍ਚਯਾ ਧਮ੍ਮਾ… ਸਙ੍ਖਤਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੧੫. ਅਪ੍ਪਚ੍ਚਯਾ ਧਮ੍ਮਾ… ਅਸਙ੍ਖਤਾ ਧਮ੍ਮਾ ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੧੧੬. ਸਨਿਦਸ੍ਸਨਾ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੧੧੭. ਅਨਿਦਸ੍ਸਨਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ, ਏਕੇਨਾਯਤਨੇਨ ਏਕਾਯ ਧਾਤੁਯਾ ਅਸਙ੍ਗਹਿਤਾ.
੧੧੮. ਸਪ੍ਪਟਿਘਾ ਧਮ੍ਮਾ ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਅਸਙ੍ਗਹਿਤਾ.
੧੧੯. ਅਪ੍ਪਟਿਘਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ, ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੧੨੦. ਰੂਪਿਨੋ ਧਮ੍ਮਾ ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.
੧੨੧. ਅਰੂਪਿਨੋ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.
੧੨੨. ਲੋਕਿਯਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੨੩. ਲੋਕੁਤ੍ਤਰਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.
੧੨੪. ਕੇਨਚਿ ਵਿਞ੍ਞੇਯ੍ਯਾ ਧਮ੍ਮਾ… ਕੇਨਚਿ ਨ ਵਿਞ੍ਞੇਯ੍ਯਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੨੫. ਆਸਵਾ ਧਮ੍ਮਾ… ਆਸਵਾ ਚੇਵ ਸਾਸਵਾ ਚ ਧਮ੍ਮਾ… ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਅਸਙ੍ਗਹਿਤਾ.
੧੨੬. ਨੋ ਆਸਵਾ ਧਮ੍ਮਾ… ਆਸਵਵਿਪ੍ਪਯੁਤ੍ਤਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੨੭. ਸਾਸਵਾ ਧਮ੍ਮਾ… ਸਾਸਵਾ ਚੇਵ ਨੋ ਚ ਆਸਵਾ ਧਮ੍ਮਾ… ਆਸਵਵਿਪ੍ਪਯੁਤ੍ਤਾ ਸਾਸਵਾ ਧਮ੍ਮਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.
੧੨੮. ਅਨਾਸਵਾ ਧਮ੍ਮਾ… ਆਸਵਵਿਪ੍ਪਯੁਤ੍ਤਾ ਅਨਾਸਵਾ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.