ਗਿਲਾਨਵਗ੍ਗ

ਪਠਮ ਗਿਲਾਨਸੁਤ੍ਤ

ਪੁਚ੍ਛਾ – ਗਿਲਾਨਵਗ੍ਗੇ ਪਨਾਵੁਸੋ ਪਠਮਂ ਗਿਲਾਨਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਨਵਂ ਭਿਕ੍ਖੁਂ ਗਿਲਾਨਂ ਆਬਾਧਿਤਂ ਦੁਕ੍ਖਿਤਂ ਬਾਲ਼੍ਹਗਿਲਾਨਂ ਆਰਬ੍ਭ ਭਾਸਿਤਂ. ਅਞ੍ਞਤਰੋ ਭਨ੍ਤੇ ਭਿਕ੍ਖੁ ਗਿਲਾਨੋ ਆਬਾਧਿਕੋ ਦੁਕ੍ਖਿਤੋ ਬਾਲ਼੍ਹਗਿਲਾਨੋ ਭਗਵਨ੍ਤਂ ਏਤਦਵੋਚ ‘‘ਨਖ੍ਵਾਹਂ ਭਨ੍ਤੇ ਸੀਲਵਿਸੁਦ੍ਧਤ੍ਥਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਤਂ ਭਿਕ੍ਖੁਂ ਪਟਿਪੁਚ੍ਛਿਤ੍ਵਾ ਤਸ੍ਸ ਚ ਵਚਨਂ ਸਾਧੁਕਾਰਂ ਦਤ੍ਵਾ ‘‘ਰਾਗਵਿਰਾਗਤ੍ਥੋ ਹਿ ਭਿਕ੍ਖੁ ਮਯਾ ਧਮ੍ਮੋ ਦੇਸਿਤੋ, ਤਂ ਕਿਂ ਮਞ੍ਞਸਿ ਭਿਕ੍ਖੁ, ਚਕ੍ਖੁ ਨਿਚ੍ਚਂ ਵਾ ਅਨਿਚ੍ਚਂ ਵਾਤਿ. ਅਨਿਚ੍ਚਂ ਭਨ੍ਤੇ. ਯਂ ਪਨਾਨਿਚ੍ਚਂ ਦੁਕ੍ਖਂ ਵਾ ਤਂ ਸੁਖਂ ਵਾਤਿ, ਦੁਕ੍ਖਂ ਭਨ੍ਤੇ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਨ ਮੇ ਭਨ੍ਤੇ ਖਮਨੀਯਂ.

ਸਾਧੁ ਖੋ ਤ੍ਵਂ ਭਿਕ੍ਖੁ ਰਾਗਵਿਰਾਗਤ੍ਥਂ ਮਯਾ ਧਮ੍ਮਂ ਦੇਸਿਤਂ ਆਜਾਨਾਸਿ,