ਸਾਰਿਪੁਤ੍ਤਸਂਯੁਤ੍ਤ

ਸੁਚਿਮੁਖੀਸੁਤ੍ਤ

ਪੁਚ੍ਛਾ – ਸਾਰਿਪੁਤ੍ਤਸਂਯੁਤ੍ਤੇ ਪਨਾਵੁਸੋ ਦਸਮਂ ਸੁਚਿਮੁਖੀਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸੁਚਿਮੁਖਿਂ ਪਰਿਬ੍ਬਾਜਿਕਂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ. ਸੁਚਿਮੁਖੀ ਭਨ੍ਤੇ ਪਰਿਬ੍ਬਾਜਿਕਾ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦਵੋਚ ‘‘ਕਿਂ ਨੁ ਖੋ ਸਮਣ ਅਧੋਮੁਖੋ ਭੁਞ੍ਜਸੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਨ ਖ੍ਵਾਹਂ ਭਗਿਨਿ ਅਧੋਮੁਖੋ ਭੁਞ੍ਜਾਮੀ’’ਤਿ ਏਵਮਾਦਿਨਾ ਪਟਿਕ੍ਖਿਪਿਤ੍ਵਾ ‘‘ਯੇ ਹਿ ਕੇਚਿ ਭਗਿਨਿ ਸਮਣਬ੍ਰਾਹ੍ਮਣਾ ਵਤ੍ਥੁਵਿਜ੍ਜਾ ਤਿਰਚ੍ਛਾਨਵਿਜ੍ਜਾਯ ਮਿਚ੍ਛਾਜੀਵੇਨ ਜੀਵਿਕਂ ਕਪ੍ਪੇਨ੍ਤਿ, ਇਮੇ ਵੁਚ੍ਚਨ੍ਤਿ ਭਗਿਨਿ ਸਮਣਬ੍ਰਾਹ੍ਮਣਾ ਅਧੋਮੁਖਾ ਭੁਞ੍ਜਨ੍ਤੀ’’ਤਿ ਏਵਮਾਦਿਨਾ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ.

ਕਿਂ ਨੁ ਖੋ ਸਮਣ ਅਧੋ ਮੁਖੋ ਭੁਞ੍ਜਸਿ.

ਨ ਖ੍ਵਾਹਂ ਭਗਿਨਿ ਅਧੋਮੁਖੋ ਭੁਞ੍ਜਾਮਿ.

ਤੇਨ ਹਿ ਸਮਣ ਉਬ੍ਭਮੁਖੋ ਭੁਞ੍ਜਸਿ.

ਨ ਖ੍ਵਾਹਂ ਭਗਿਨਿ ਉਬ੍ਭਮੁਖੋ ਭੁਞ੍ਜਾਮਿ.