ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਅਟ੍ਠਕਥਾ

ਸਂਗਾਯਨਸ੍ਸ ਪੁਚ੍ਛਾ-ਵਿਸ੍ਸਜ੍ਜਨਾ

ਸਦੇਵਕੋਪਿ ਚੇ ਲੋਕੋ, ਆਗਨ੍ਤ੍ਵਾ ਤਾਸਯੇਯ੍ਯ ਮਂ;

ਨ ਮੇ ਪਟਿਬਲੋ ਅਸ੍ਸ, ਜਨੇਤੁਂ ਭਯਭੇਰਵਂ.

ਸਚੇਪਿ ਤ੍ਵਂ ਮਹਿਂ ਸਬ੍ਬਂ, ਸਸਮੁਦ੍ਦਂ ਸਪਬ੍ਬਤਂ;

ਉਕ੍ਖਿਪਿਤ੍ਵਾ ਮਹਾਨਾਗ, ਖਿਪੇਯ੍ਯਾਸਿ ਮਮੂਪਰਿ;

ਨੇਵ ਮੇ ਸਕ੍ਕੁਣੇਯ੍ਯਾਸਿ, ਜਨੇਤੁਂ ਭਯਭੇਰਵਂ;

ਅਞ੍ਞਦਤ੍ਥੁ ਤਵੇਵਸ੍ਸ, ਵਿਘਾਤੋ ਉਰਗਾਧਿਪ.

ਮਾ ਦਾਨਿ ਕੋਧਂ ਜਨਯਿਤ੍ਥ, ਇਤੋ ਉਦ੍ਧਂ ਯਥਾ ਪੁਰੇ;

ਸਸ੍ਸਘਾਤਞ੍ਚ ਮਾਕਤ੍ਥ, ਸੁਖਕਾਮਾ ਹਿ ਪਾਣਿਨੋ;

ਕਰੋਥ ਮੇਤ੍ਤਂ ਸਤ੍ਤੇਸੁ, ਵਸਨ੍ਤੁ ਮਨੁਜਾ ਸੁਖਂ.

ਚਤ੍ਤਾਰੋ ਆਸੀਵਿਸਾ ਉਗ੍ਗਤੇਜਾ ਘੋਰਵਿਸਾਤਿ ਖੋ ਭਿਕ੍ਖਵੇ ਚਤੁਨ੍ਨੇਤਂ ਮਹਾਭੂਤਾਨਂ ਅਧਿਵਚਨਂ.

ਪਞ੍ਚ ਵਧਕਾ ਪਚ੍ਚਤ੍ਥਿਕਾਤਿ ਖੋ ਭਿਕ੍ਖਵੇ ਪਞ੍ਚਨ੍ਨੇਤਂ ਉਪਾਦਾਨਕ੍ਖਨ੍ਧਾਨਂ ਅਧਿਵਚਨਂ.

ਛਟ੍ਠੋ ਅਨ੍ਤਰਚਰੋ ਵਧਕੋ ਉਕ੍ਖਿਤ੍ਤਾਸਿਕੋਤਿ ਖੋ ਭਿਕ੍ਖਵੇ ਨਨ੍ਦੀਰਾਗਸ੍ਸੇਤਂ ਅਧਿਵਚਨਂ.

ਸੁਞ੍ਞੋ ਗਾਮੋਤਿ ਖੋ ਭਿਕ੍ਖਵੇ ਛਨ੍ਨੇਤਂ ਅਜ੍ਝਤ੍ਤਿਕਾਨਂ ਆਯਤਨਾਨਂ ਅਧਿਵਚਨਂ.

ਚੋਰਾ ਗਾਮਘਾਤਕਾਤਿ ਖੋ ਭਿਕ੍ਖਵੇ ਛਨ੍ਨੇਤਂ ਬਾਹਿਰਾਨਂ ਆਯਤਨਾਨਂ ਅਧਿਵਚਨਂ.

ਮਹਾਉਦਕਣ੍ਣਵੋ ਖੋ ਭਿਕ੍ਖਵੇ ਚਤੁਨ੍ਨੇਤਂ ਓਘਾਨਂ ਅਧਿਵਚਨਂ.

ਓਰਿਮਂ ਤੀਰਂ ਸਾਸਙ੍ਕਂ ਸਪ੍ਪਟਿਭਯਨ੍ਤਿ ਖੋ ਭਿਕ੍ਖਵੇ ਸਕ੍ਕਾਯਸ੍ਸੇਤਂ ਅਧਿਵਚਨਂ.

ਪਾਰਿਮਂ ਤੀਰਂ ਖੇਮਂ ਅਪ੍ਪਟਿਭਯਨ੍ਤਿ ਖੋ ਭਿਕ੍ਖਵੇ ਨਿਬ੍ਬਾਨਸ੍ਸੇਤਂ ਅਧਿਵਚਨਂ.

ਵੀਰਿਯਾਰਮ੍ਭਸ੍ਸੇਤਂ ਅਧਿਵਚਨਂ.

ਗਨ੍ਤ੍ਵਾ ਕਸ੍ਮੀਰਗਨ੍ਧਾਰਂ, ਇਸਿ ਮਜ੍ਝਨ੍ਤਿਕਾ ਤਦਾ;

ਦੁਟ੍ਠਂ ਨਾਗਂ ਪਸਾਦੇਤ੍ਵਾ, ਮੋਚੇਸਿ ਬਨ੍ਧਨਾ ਬਹੂ.

ਪੁਨਪਿ ਭਨ੍ਤੇ ਦਕ੍ਖੇਮੁ ਸਙ੍ਗਤਿ ਚੇ ਭਵਿਸ੍ਸਤਿ.

ਅਜ੍ਜਾਪਿ ਸਨ੍ਤਾਨਮਯਂ, ਮਾਲਂ ਗਨ੍ਥੇਨ੍ਤਿ ਨਨ੍ਦਨੇ;

ਦੇਵਪੁਤ੍ਤੋ ਜਵੋ ਨਾਮ, ਯੋ ਮੇ ਮਾਲਂ ਪਟਿਚ੍ਛਤਿ.

ਮੁਹੁਤ੍ਤੋਵਿਯ ਸੋ ਦਿਬ੍ਬੋ, ਇਧ ਵਸ੍ਸਾਨਿ ਸੋਲ਼ਸ;

ਰਤ੍ਤਿਨ੍ਦਿਵੋ ਚ ਸੋ ਦਿਬ੍ਬੋ, ਮਾਨੁਸਿਂ ਸਰਦੋ ਸਤਂ.

ਇਤਿ ਕਮ੍ਮਾਨਿ ਅਨ੍ਵੇਨ੍ਤਿ, ਅਸਙ੍ਖੇਯ੍ਯਾਪਿ ਜਾਤਿਯੋ;

ਕਲ੍ਯਾਣਂ ਯਦਿ ਵਾ ਪਾਪਂ, ਨ ਹਿ ਕਮ੍ਮਂ ਵਿਨਸ੍ਸਤਿ.

ਯੋ ਇਚ੍ਛੇ ਪੁਰਿਸੋ ਹੋਤੁਂ, ਜਾਤਿ ਜਾਤਿ ਪੁਨਪ੍ਪੁਨਂ;

ਪਰਦਾਰਂ ਵਿਵਜ੍ਜੇਯ੍ਯ, ਧੋਤਪਾਦੋਵ ਕਦ੍ਦਮਂ.

ਯਾ ਇਚ੍ਛੇ ਪੁਰਿਸੋ ਹੋਤੁਂ, ਜਾਤਿ ਜਾਤਿ ਪੁਨਪ੍ਪੁਨਂ;

ਸਾਮਿਕਂ ਅਪਚਾਯੇਯ੍ਯ, ਇਨ੍ਦਂਵ ਪਰਿਚਾਰਿਕਾ.

ਯੋ ਇਚ੍ਛੇ ਦਿਬ੍ਬਭੋਗਞ੍ਚ, ਦਿਬ੍ਬਮਾਯੁਂ ਯਸਂ ਸੁਖਂ;

ਪਾਪਾਨਿ ਪਰਿਵਜ੍ਜੇਤ੍ਵਾ, ਤਿਵਿਧਂ ਧਮ੍ਮਮਾਚਰੇ.

ਯਂ ਭਿਕ੍ਖਵੇ ਸਦੇਵਕਸ੍ਸ ਲੋਕਸ੍ਸ ਸਮਾਰਕਸ੍ਸ ਸਬ੍ਰਹ੍ਮਕਸ੍ਸ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇਵਮਨੁਸ੍ਸਾਯ ਦਿਟ੍ਠਂ ਸੁਤਂ ਮੁਤਂ ਵਿਞ੍ਞਾਤਂ ਪਤ੍ਤਂ ਪਰਿਯੇਸਿਤਂ ਅਨੁਵਿਚਰਿਤਂ ਮਨਸਾ, ਤਮਹਂ ਜਾਨਾਮਿ ਤਮਹਂ ਅਭਿਞ੍ਞਾਸਿਂ, ਤਂ ਤਥਾਗਤਸ੍ਸ ਵਿਦਿਤਂ, ਤਂ ਤਥਾਗਤੋ ਨ ਉਪਟ੍ਠਾਤਿ.

ਇਤਿ ਖੋ ਭਿਕ੍ਖਵੇ ਤਥਾਗਤੋ ਦਿਟ੍ਠਸੁਤਮੁਤਵਿਞ੍ਞਾਤਬ੍ਬੇਸੁ ਧਮ੍ਮੇਸੁ ਤਾਦੀਯੇਵ ਤਾਦੀ, ਤੁਮ੍ਹਾ ਚ ਪਨ ਤਾਦਿਮ੍ਹਾ ਅਞ੍ਞੋ ਤਾਦੀ ਉਤ੍ਤਰਿਤਰੋ ਵਾ ਪਣੀਤਤਰੋ ਵਾ ਨਤ੍ਥੀਤਿ ਵਦਾਮਿ.

ਸੁਵਣ੍ਣਭੂਮਿਂ ਗਨ੍ਤ੍ਵਾਨ, ਸੋਣੁਤ੍ਤਰਾ ਮਹਿਦ੍ਧਿਕਾ;

ਪਿਸਾਚੇ ਨਿਦ੍ਧਮੇਤ੍ਵਾਨ, ਬ੍ਰਹ੍ਮਜਾਲਮਦੇਸਿਸੁਂ.

ਸਮਣਾ ਮਯਂ ਮਹਾਰਾਜ, ਧਮ੍ਮਰਾਜਸ੍ਸ ਸਾਵਕਾ;

ਤਵੇਵ ਅਨੁਕਮ੍ਪਾਯ, ਜਮ੍ਬੁਦੀਪਾ ਇਧਾਗਤਾ.

ਅਹਂ ਬੁਦ੍ਧਞ੍ਚ ਧਮ੍ਮਞ੍ਚ, ਸਙ੍ਘਞ੍ਚ ਸਰਣਂ ਗਤੋ,

ਉਪਾਸਕਤ੍ਤਂ ਦੇਸੇਸਿਂ, ਸਕ੍ਯਪੁਤ੍ਤਸ੍ਸ ਸਾਸਨੇ.

ਤੇਨ ਸਮਯੇਨ ਬੁਦ੍ਧੋ ਭਗਵਾ ਵੇਰਞ੍ਜਾਯਂ ਵਿਹਰਤਿ ਨਲ਼ੇਰੁਪੁਚਿ ਮਨ੍ਦਮੂਲੇ.

ਸਗ੍ਗਾਰੋਹਣਸੋਪਾਣਂ, ਅਞ੍ਞਂ ਸੀਲਸਮਂ ਕੁਤੋ;

ਦ੍ਵਾਰਂ ਵਾ ਪਨ ਨਿਬ੍ਬਾਨ, ਨਗਰਸ੍ਸ ਪਵੇਸਨੇ.

ਅਲਮੇਵ ਕਾਤੁਂ ਕਲ੍ਯਾਣਂ, ਦਾਨਂ ਦਾਤੁਂ ਯਥਾਰਹਂ;

ਪਾਣਿਂ ਕਾਮਦਦਂ ਦਿਸ੍ਵਾ, ਕੋ ਪੁਞ੍ਞਂ ਨਕਰਿਸ੍ਸਤਿ.

ਦਸ੍ਸਾਮਨ੍ਨਞ੍ਚ ਪਾਨਞ੍ਚ, ਵਤ੍ਥਸੇਨਾਸਨਾਨਿ ਚ;

ਪਪਞ੍ਚ ਉਦਪਾਨਞ੍ਚ, ਦੁਗ੍ਗੇ ਸਙ੍ਕਮਨਾਨਿ ਚ.

ਮਹਾਅਟ੍ਠਕਥਞ੍ਚੇਵ, ਮਹਾਪਚ੍ਚਰਿਮੇਵਚ;

ਕੁਰੁਨ੍ਦਿਞ੍ਚਾਤਿ ਤਿਸ੍ਸੋਪਿ, ਸੀਹਲ਼ਟ੍ਠਕਥਾ ਇਮਾ;

ਬੁਦ੍ਧਮਿਤ੍ਤੋਤਿ ਨਾਮੇਨ, ਵਿਸੁਤਸ੍ਸ ਯਸਸ੍ਸਿਨੋ;

ਵਿਨਯਞ੍ਞੁਸ੍ਸ ਧੀਰਸ੍ਸ, ਸੁਤ੍ਵਾ ਥੇਰਸ੍ਸ ਸਨ੍ਤਿਕੇ.

ਉਪਦ੍ਦਵਾਕੁਲੇ ਲੋਕੇ, ਨਿਰੁਪਦ੍ਦਵਤੋ ਅਯਂ;

ਏਕਸਂਵਚ੍ਛਰੇਨੇਵ, ਯਥਾ ਨਿਟ੍ਠਂ ਉਪਾਗਤਾ;

ਏਵਂ ਸਬ੍ਬਸ੍ਸ ਲੋਕਸ੍ਸ, ਨਿਟ੍ਠਂ ਧਮ੍ਮੂਪਸਂਹਿਤਾ;

ਸੀਘਂ ਗਚ੍ਛਨ੍ਤੁ ਆਰਮ੍ਭਾ, ਸਬ੍ਬੇਪਿ ਨਿਰੁਪਦ੍ਦਵਾ.

ਚਿਰਟ੍ਠਿਤਤ੍ਥਂ ਧਮ੍ਮਸ੍ਸ, ਕਰੋਨ੍ਤੇਨ ਮਯਾ ਇਮਂ;

ਸਦ੍ਧਮ੍ਮਬਹੁਮਾਨੇਨ, ਯਞ੍ਚ ਪੁਞ੍ਞਂ ਸਮਾਚਿਤਂ;

ਸਬ੍ਬਸ੍ਸ ਆਨੁਭਾਵੇਨ, ਤਸ੍ਸ ਸਬ੍ਬੇਪਿ ਪਾਣਿਨੋ;

ਭਵਨ੍ਤੁ ਧਮ੍ਮਰਾਜਸ੍ਸ, ਸਦ੍ਧਮ੍ਮਰਸਸੇਵਿਨੋ.

ਚਿਰਂ ਤਿਟ੍ਠਤੁ ਸਦ੍ਧਮ੍ਮੋ, ਕਾਲੇ ਵਸ੍ਸਂ ਚਿਰਂ ਪਜਂ;

ਤਪ੍ਪੇਤੁ ਦੇਵੋ ਧਮ੍ਮੇਨ, ਰਾਜਾ ਰਕ੍ਖਤੁ ਮੇਦਿਨਿਂ.

ਤਾਵ ਤਿਟ੍ਠਤੁ ਲੋਕਸ੍ਮਿਂ, ਲੋਕਨਿਤ੍ਥਰਣੇਸਿਨਂ;

ਦਸ੍ਸੇਨ੍ਤੀ ਕੁਲਪੁਤ੍ਤਾਨਂ, ਨਯਂ ਸੀਲਵਿਸੁਦ੍ਧਿਯਾ;

ਯਾਵ ਬੁਦ੍ਧੋਤਿ ਨਾਮਮ੍ਪਿ, ਸੁਦ੍ਧਚਿਤ੍ਤਸ੍ਸ ਤਾਦਿਨੋ;

ਲੋਕਮ੍ਹਿ ਲੋਕਜੇਟ੍ਠਸ੍ਸ, ਪਵਤ੍ਤਤਿ ਮਹੇਸਿਨੋ.

ਕਰੁਣਾਸੀਤਲਹਦਯਂ, ਪਞ੍ਞਾਪਜ੍ਜੋਤਵਿਹਤਮੋਹਤਮਂ;

ਸਨਰਾਮਰਲੋਕਗਰੁਂ, ਵਨ੍ਦੇ ਸੁਗਤਂ ਗਤਿਵਿਮੁਤ੍ਤਂ.

ਬੁਦ੍ਧੋਪਿ ਬੁਦ੍ਧਭਾਵਂ, ਭਾਵੇਤ੍ਵਾ ਚੇਵ ਸਚ੍ਛਿਕਤ੍ਵਾਚ;

ਯਂ ਉਪਗਤੋ ਗਤਮਲਂ, ਵਨ੍ਦੇ ਤਮਨੁਤ੍ਤਰਂ ਧਮ੍ਮਂ.

ਸੁਗਤਸ੍ਸ ਓਰਸਾਨਂ, ਪੁਤ੍ਤਾਨਂ ਮਾਰਸੇਨਮਥਨਾਨਂ;

ਅਟ੍ਠਨ੍ਨਮ੍ਪਿ ਸਮੂਹਂ, ਸਿਰਸਾ ਵਨ੍ਦੇ ਅਰਿਯਸਙ੍ਘਂ.

ਦੀਘਸ੍ਸ ਦੀਘਸੁਤ੍ਤਙ੍ਕਿਤਸ੍ਸ, ਨਿਪੁਣਸ੍ਸ ਆਗਮਵਰਸ੍ਸ;

ਬੁਦ੍ਧਾਨੁਬੁਦ੍ਧਸਂਵਣ੍ਣਿਤਸ੍ਸ, ਸਦ੍ਧਾਵਹਗੁਣਸ੍ਸ.

ਸਮ੍ਮਾਸਮ੍ਬੁਦ੍ਧੇਨੇਵ ਹਿ ਤਿਣ੍ਣਮ੍ਪਿ ਪਿਟਕਾਨਂ ਅਤ੍ਥਵਣ੍ਣਨਾਕ੍ਕਮੋ ਭਾਸਿਤੋ, ਯਾਪਕਿਣ੍ਣਕਦੇਸਨਾਤਿ ਵੁਚ੍ਚਤਿ, ਤਤੋ ਸਂਗਾਯਨਾਦਿਵਸੇਨ ਸਾਵਕੇਹੀਤਿ ਆਚਰਿਯਾ ਵਦਨ੍ਤਿ.

ਅਤ੍ਥਪ੍ਪਕਾਸਨਤ੍ਥਂ, ਅਟ੍ਠਕਥਾ ਆਦਿਤੋ ਵਸਿਸਤੇਹਿ;

ਪਞ੍ਚਹਿ ਯਾਸਙ੍ਗੀਤਾ, ਅਨੁਸਙ੍ਗੀਤਾ ਚ ਪਚ੍ਛਾਪਿ.

ਮਜ੍ਝੇ ਵਿਸੁਦ੍ਧਿਮਗ੍ਗਾ, ਏਸ ਚਤੁਨ੍ਨਮ੍ਪਿ ਆਗਮਾਨਞ੍ਹਿ;

ਠਤ੍ਵਾ ਪਕਾਸਯਿਸ੍ਸਤਿ, ਤਤ੍ਥ ਯਥਾ ਭਾਸਿਤਮਤ੍ਥਂ;

ਇਚ੍ਚੇਵ ਕਤੋ ਤਸ੍ਮਾ, ਤਮ੍ਪਿ ਗਹੇਤ੍ਵਾਨ ਸਦ੍ਧਿਮੇਤਾਯ;

ਅਟ੍ਠਕਥਾਯ ਵਿਜਾਨਾਥ, ਦੀਘਾਗਮਨਿਸ੍ਸਿਤਂ ਅਤ੍ਥਂ.

ਅਤ੍ਥਾਨਂ ਸੂਚਨਤੋ, ਸੁਵੁਤ੍ਤਤੋ ਸਵਨਤੋਥਸੂਦਨਤੋ,

ਸੁਤ੍ਤਾਣਾ ਸੁਤ੍ਤਸਭਾਗਤੋਚ, ਸੁਤ੍ਤਨ੍ਤਿ ਅਕ੍ਖਾਤਂ.

ਸੁਦੁਦ੍ਦਸਂ ਸੁਨਿਪੁਣਂ, ਯਤ੍ਥਕਾਮਨਿਪਾਤਿਨਂ;

ਚਿਤ੍ਤਂ ਰਕ੍ਖੇਥ ਮੇਧਾਵੀ, ਚਿਤ੍ਤਂ ਗੁਤ੍ਤਂ ਸੁਖਾਵਹਂ.

ਸੋ ਏਵਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ ਵਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨਞ੍ਜਪ੍ਪਤ੍ਤੇ ਞਾਣਦਸ੍ਸਨਾਯ ਚਿਤ੍ਤਂ ਅਭਿਨੀਹਰਤਿ ਅਭਿਨਿਨ੍ਨਾਮੇਤਿ –

ਯਂਹਿਤਂ ਭਿਕ੍ਖਵੇ ਸਮ੍ਮਾਵਦਮਾਨੇ ਵਦੇਯ੍ਯ ਸਮਨ੍ਤਪਾਸੋ ਮਾਰਸ੍ਸਾਤਿ, ਮਾਤੁਗਾਮਂਯੇਵ ਸਮ੍ਮਾ ਵਦਮਾਨੋ ਵਦੇਯ੍ਯ ਸਮਨ੍ਤਪਾਸੋ ਮਾਰਸ੍ਸਾਤਿ.

ਯੋ ਭਿਕ੍ਖੁ ਦਿਵਸਂ ਚਙ੍ਕਮੇਨ ਨਿਸਜ੍ਜਾਯ ਚ ਆਵਰਣੀਯੇਹਿ ਧਮ੍ਮੇਹਿ ਚਿਤ੍ਤਂ ਪਰਿਸੋਧੇਤ੍ਵਾ.

ਇਤਿ ਚਿਤ੍ਤਕਿਰਿਯਵਾਯੋਧਾਤੁਵਿਪ੍ਫਾਰਵਸੇਨ ਅਯਂ ਕਾਯਸਮ੍ਮਤੋ ਅਟ੍ਠਿਸਙ੍ਘਾਤੋ ਅਭਿਕ੍ਕਮਤਿ.

ਕਰੁਣਾ ਵਿਯ ਸਤ੍ਤੇਸੁ, ਪਞ੍ਞਾ ਯਸ੍ਸ ਮਹੇਸਿਨੋ;

ਞੇਯ੍ਯਧਮ੍ਮੇਸੁ ਸਬ੍ਬੇਸੁ, ਪਵਤ੍ਤਿਤ੍ਥ ਯਥਾਰੁਚਿ.

ਦਸਾਯ ਤਾਯ ਸਤ੍ਤੇਸੁ, ਸਮੁਸ੍ਸਾਹਿਤਮਾਨਸੋ;

ਪਾਟਿਹੀਰਾਵਸਾਨਮ੍ਹਿ, ਵਸਨ੍ਤੋ ਤਿਦਸਾਲਯੇ;

ਪਾਰਿਚ੍ਛਤ੍ਤਕਮੂਲਮ੍ਹਿ, ਪਣ੍ਡੁਕਮ੍ਬਲਨਾਮਕੇ;

ਸਿਲਾਸਨੇ ਸਨ੍ਨਿਸਿਨ੍ਨੋ, ਆਦਿਚ੍ਚੋਵ ਯੁਗਨ੍ਧਰੇ.

ਚਕ੍ਕਵਾਲ਼ਸਹਸ੍ਸੇਹਿ, ਦਸਾਹਾਗਮ੍ਮ ਸਬ੍ਬਸੋ;

ਸਨ੍ਨਿਸਿਨ੍ਨੇਨ ਦੇਵਾਨਂ, ਗਣੇਨ ਪਰਿਵਾਰਿਤੋ;

ਮਾਤਰਂ ਪਮੁਖਂ ਕਤ੍ਵਾ, ਤਸ੍ਸਾ ਪਞ੍ਞਾਯ ਤੇਜਸਾ;

ਅਭਿਧਮ੍ਮਕਥਾਮਗ੍ਗਂ, ਦੇਵਾਨਂ ਸਮ੍ਪਵਤ੍ਤਯਿ.

ਤਸ੍ਸ ਪਾਦੇ ਨਮਸ੍ਸਿਤ੍ਵਾ, ਸਮ੍ਬੁਦ੍ਧਸ੍ਸ ਸਿਰੀਮਤੋ;

ਸਦ੍ਧਮ੍ਮਞ੍ਚਸ੍ਸ ਪੂਜੇਤ੍ਵਾ, ਕਤ੍ਵਾ ਸਙ੍ਘਸ੍ਸ ਚਞ੍ਜਲਿਂ.

ਯਂ ਦੇਵਦੇਵੋ ਦੇਵਾਨਂ, ਦੇਸੇਤ੍ਵਾ ਨਯਤੋ ਪੁਨ;

ਥੇਰਸ੍ਸ ਸਾਰਿਪੁਤ੍ਤਸ੍ਸ, ਸਮਾਚਿਕ੍ਖਿ ਵਿਨਾਯਕੋ.

ਅਨੋਤਤ੍ਤਦਹੇ ਕਤ੍ਵਾ, ਉਪਟ੍ਠਾਨਂ ਮਹੇਸਿਨੋ;

ਯਞ੍ਚ ਸੁਤ੍ਵਾਨ ਸੋ ਥੇਰੋ, ਆਹਰਿਤ੍ਵਾ ਮਹੀਤਲਂ.

ਭਿਕ੍ਖੂਨਂ ਪਰਿਰੁਦਾਹਾਸਿ, ਇਤਿ ਭਿਕ੍ਖੂਹਿ ਧਾਰਿਤੋ;

ਸਙ੍ਗੀਤਿਕਾਲੇ ਸਂਙ੍ਗੀਤੋ, ਵੇਦੇਹਮੁਨਿਨਾ ਪੁਨ.

ਯਂ ਕਰੋਮਸਿ ਬ੍ਰਹ੍ਮੁਨੋ, ਸਮਂ ਦੇਵੇਹਿ ਮਾਰਿਸ;

ਤਦਜ੍ਜ ਤੁਯ੍ਹਂ ਕਸ੍ਸਾਮ, ਹਨ੍ਦ ਸਾਮਂ ਕਰੋਮ ਤੇ.

ਅਤ੍ਥਂ ਪਕਾਸਯਿਸ੍ਸਾਮਿ, ਆਗਮਟ੍ਠਕਥਾਸੁਪਿ;

ਗਹੇਤਬ੍ਬਂ ਗਹੇਤ੍ਵਾਨ, ਤੋਸਯਨ੍ਤੋ ਵਿਚਕ੍ਖਣੇ.

ਇਤਿਮੇ ਭਾਸਮਾਨਸ੍ਸ, ਅਭਿਧਮ੍ਮਕਥਂ ਇਮਂ;

ਅਵਿਕ੍ਖਿਤ੍ਤਾ ਨਿਸਾਮੇਥ, ਦੁਲ੍ਲਭਾਹਿਅਯਂਕਥਾ.

ਏਤ੍ਥੇਤੇ ਪਾਪਕਾ ਅਕੁਸਲਾ ਧਮ੍ਮਾ ਅਪਰਿਸੇਸਾ ਨਿਰੁਜ੍ਝਨ੍ਤਿ.

ਚਕ੍ਖੁਂ ਚਾਵੁਸੋ ਪਟਿਚ੍ਚ ਰੂਪੇਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਂ, ਤਿਣ੍ਣਂ ਸਙ੍ਗਤਿ ਫਸ੍ਸੋ, ਫਸ੍ਸਪਚ੍ਚਯਾ ਵੇਦਨਾ, ਯਂ ਵੇਦੇਤਿ, ਤਂ ਸਞ੍ਜਾਨਾਤਿ. ਯਂ ਸਞ੍ਜਾਨਾਤਿ, ਤਂ ਵਿਤਕ੍ਕੇਤਿ, ਯਂ ਵਿਤਕ੍ਕੇਤਿ, ਤਂ ਪਪਞ੍ਚੇਤਿ, ਯਂ ਪਪਞ੍ਚੇਤਿ, ਤਤੋ ਨਿਦਾਨਂ ਪੁਰਿਸਂ ਪਪਞ੍ਚਸਞ੍ਞਾਸਙ੍ਖਾ ਸਮੁਦਾਚਰਨ੍ਤਿ ਅਤੀਤਾਨਾਗਤਪਚ੍ਚੁਪ੍ਪਨ੍ਨੇਸੁ ਚਕ੍ਖੁਵਿਞ੍ਞੇਯ੍ਯਸੁ ਰੂਪੇਸੁ –

ਪੁਰਿਮਾ ਭਿਕ੍ਖਵੇ ਕੋਟਿ ਨ ਪਞ੍ਞਾਯਤਿ ਅਵਿਜ੍ਜਾਯ.

ਅਤ੍ਥੇਵ ਗਮ੍ਭੀਰਗਤਂ ਸੁਦੁਬ੍ਬੁਧਂ,

ਸਯਂ ਅਭਿਞ੍ਞਾਯ ਸਹੇਤੁਸਮ੍ਭਵਂ;

ਯਥਾਨੁਪੁਬ੍ਬਂ ਨਿਖਿਲੇਨ ਦੇਸਿਤਂ,

ਮਹੇਸਿਨਾ ਰੂਪਗਤਂਵ ਪਸ੍ਸਤਿ.

ਅਭਿਕ੍ਕਮਿਸ੍ਸਾਮਿ ਪਟਿਕ੍ਕਮਿਸ੍ਸਾਮੀਤਿ ਹਿ ਚਿਤ੍ਤਂ ਉਪ੍ਪਜ੍ਜਮਾਨਂ ਰੂਪਂ ਸਮੁਟ੍ਠਾਪੇਤਿ.

ਨ ਅਨ੍ਤਲਿਕ੍ਖੇਨ ਨ ਸਮੁਦ੍ਦਮਜ੍ਝੇ,

ਨ ਪਬ੍ਬਤਾਨਂ ਵਿਵਰਂ ਪਵਿਸ੍ਸ;

ਨ ਵਿਜ੍ਜਤੇ ਸੋ ਜਗਤਿਪ੍ਪਦੇਸੋ,

ਯਤ੍ਥਟ੍ਠਿਤੋ ਮੁਚ੍ਚੇਯ੍ਯ ਪਾਪਕਮ੍ਮਾ.

ਯਂ ਪਤ੍ਤਂ ਕੁਸਲਂ ਤਸ੍ਸ, ਆਨੁਭਾਵੇਨ ਪਾਣਿਨੋ;

ਸਬ੍ਬੇ ਸਦ੍ਧਮ੍ਮਰਾਜਸ੍ਸ, ਞਤ੍ਵਾ ਧਮ੍ਮਂ ਸੁਖਾਵਹਂ;

ਪਾਪੁਣਨ੍ਤੁ ਵਿਸੁਦ੍ਧਾਯ, ਸੁਖਾਯ ਪਟਿਪਤ੍ਤਿਯਾ;

ਅਸੋਕਮਨੁਪਾਯਾਸਂ, ਨਿਬ੍ਬਾਨਸੁਖਮੁਤ੍ਤਮਂ.

ਚਿਰਂ ਤਿਟ੍ਠਤੁ ਸਦ੍ਧਮ੍ਮੋ, ਧਮ੍ਮੇ ਹੋਨ੍ਤੁ ਸਗਾਰਵਾ;

ਸਬ੍ਬੇਪਿ ਸਤ੍ਤਾ ਕਾਲੇਨ, ਸਮ੍ਮਾ ਦੇਵੋ ਪਵਸ੍ਸਤੁ;

ਯਥਾ ਰਕ੍ਖਿਂਸੁ ਪੋਰਾਣਾ, ਸੁਰਾਜਾਨੋ ਤਥੇਵਿਮਂ;

ਰਾਜਾ ਰਕ੍ਖਤੁ ਧਮ੍ਮੇਨ, ਅਤ੍ਤਨੋਵ ਪਜਂਪਜਂ.

ਤਾਵ ਤਿਟ੍ਠਤੁ ਲੋਕਸ੍ਮਿਂ, ਲੋਕਨਿਤ੍ਥਰਣੇਸਿਨਂ;

ਦਸ੍ਸੇਨ੍ਤੀ ਕੁਲਪੁਤ੍ਤਾਨਂ, ਨਯਂ ਪਞ੍ਞਾਵਿਸੁਦ੍ਧਿਯਾ;

ਯਾਵ ਬੁਦ੍ਧੋਤਿ ਨਾਮਮ੍ਪਿ, ਸੁਦ੍ਧਚਿਤ੍ਤਸ੍ਸ ਤਾਦਿਨੋ;

ਲੋਕਮ੍ਹਿ ਲੋਕਜੇਟ੍ਠਸ੍ਸ, ਪਵਤ੍ਤਤਿ ਮਹੇਸਿਨੋ.

ਦੁਤਿਯਸਨ੍ਨਿਪਾਤ

ਮਹਾਪਦਾਨਸੁਤ੍ਤ ਅਟ੍ਠਕਥਾ

ਪੁਚ੍ਛਾ – ਅਟ੍ਠਕਥਾ ਸਂਗੀਤਿਯਾ ਆਵੁਸੋ ਪਠਮੇ ਸਨ੍ਨਿਪਾਤੇ ਸਕਲਾ ਚ ਵਿਨਯਸਂਵਣ੍ਣਨਾ ਦੀਘਨਿਕਾਯੇ ਚ ਸੀਲਕ੍ਖਨ੍ਧਵਗ੍ਗਵਣ੍ਣਨਾ ਅਭਿਧਮ੍ਮੇ ਚ ਧਮ੍ਮਸਙ੍ਗਹਸਂਵਣ੍ਣਨਾ ਸਂਗੀਤਾ ਥੇਰੇਹਿ ਛਟ੍ਠਸਂਗੀਤਿਕਾਰੇਹਿ. ਇਦਾਨਿ ਪਨ ਦੁਤਿਯੇ ਸਨ੍ਨਿਪਾਤੇ ਦੀਘਨਿਕਾਯੇ ਮਹਾਵਗ੍ਗਵਣ੍ਣਨਾਤੋ ਪਟ੍ਠਾਯ ਤਦਵਸੇਸਾਨਂ ਯਥਾਵਵਤ੍ਥਿਤਸਂਵਣ੍ਣਨਾਨਂ ਸਂਗਾਯਨੋਕਾਸੋ ਅਨੁਪ੍ਪਤ੍ਤੋ. ਤਸ੍ਮਾ ਇਮਿਸ੍ਸਾ ਦੁਤਿਯਸਨ੍ਨਿਪਾਤਸਂਗੀਤਿਯਾ ਪੁਬ੍ਬਕਿਚ੍ਚਵਸੇਨ ਯਥਾਨੁਪ੍ਪਤ੍ਤਾਯ ਮਹਾਵਗ੍ਗੇ ਮਹਾਪਦਾਨਸੁਤ੍ਤਸਂਵਣ੍ਣਨਾਯ ਪੁਚ੍ਛਾਵਿਸ੍ਸਜ੍ਜਨਂ ਕਾਤੁਂ ਸਮਾਰਭਾਮ. ਮਹਾਪਦਾਨਸੁਤ੍ਤਸ੍ਸ ਆਵੁਸੋ ਨਿਦਾਨੇ ਪਰਿਯਾਪਨ੍ਨਸ੍ਸ ‘‘ਕਰੇਰਿਕੁਟਿਕਾਯ’’ਨ੍ਤਿਪਦਸ੍ਸ ਅਤ੍ਥੋ ਕਥਂ ਅਟ੍ਠਕਥਾਚਰਿਯੇਨ ਕਥਿਤੋ.

ਵਿਸ੍ਸਜ੍ਜਨਾ – ਮਹਾਪਦਾਨਸੁਤ੍ਤਸ੍ਸ ਭਨ੍ਤੇ ਨਿਦਾਨੇ ਪਰਿਯਾਪਨ੍ਨਸ੍ਸ ਕਰੇਰਿਕੁਟਿਕਾਯਨ੍ਤਿਪਦਸ੍ਸ ਅਤ੍ਥੋ ‘‘ਕਰੇਰਿਕੁਟਿਕਾਯ’’ਨ੍ਤਿ ਕਰੇਰੀਤਿ ਵਰੁਣਰੁਕ੍ਖਸ੍ਸ ਨਾਮਂ. ਕਰੇਰਿਮਣ੍ਡਪੋ ਤਸ੍ਸਾ ਕੁਟਿਕਾਯ ਦ੍ਵਾਰੇ ਠਿਤੋ, ਤਸ੍ਮਾ ਕਰੇਰਿਕੁਟਿਕਾਤਿ ਵੁਚ੍ਚਤਿ. ਯਥਾ ਕੋਸਮ੍ਬਰੁਕ੍ਖਸ੍ਸ ਦ੍ਵਾਰੇਠਿਤਤ੍ਤਾ ਕੋਸਮ੍ਬਕੁਟਿਕਾਤਿ ਏਵਮਾਦਿਨਾ ਭਨ੍ਤੇ ਅਟ੍ਠਕਥਾਚਰਿਯੇਨ ਕਥਿਤੋ.

ਕਰੇਰਿਕੁਟਿਕਾਯਨ੍ਤਿ ਕਰੇਰੀਤਿ ਵਰੁਣਰੁਕ੍ਖਸ੍ਸ ਨਾਮਂ.

ਕਰੇਰਿਮਣ੍ਡਪੋ ਤਸ੍ਸਾ ਕੁਟਿਕਾਯ ਦ੍ਵਾਰੇ ਠਿਤੋ, ਤਸ੍ਮਾ ਕਰੇਰਿਕੁਟਿਕਾਤਿ ਵੁਚ੍ਚਤਿ. ਯਥਾ ਕੋਸਮ੍ਬਰੁਕ੍ਖਸ੍ਸ ਦ੍ਵਾਰੇ ਠਿਤਤ੍ਤਾ ਏਕਾਸਮ੍ਬਕੁਟਿਕਾਤਿ.

ਅਨ੍ਤੋਜੇਤਵਨੇ ਕਿਰ ਕਰੇਰਿਕੁਟਿ ਕੋਸਮ੍ਬਕੁਟਿ ਗਨ੍ਧਕੁਟਿ ਸਲਲ਼ਾਗਾਰਨ੍ਤਿ ਚਤ੍ਤਾਰਿ ਮਹਾਗੇਹਾਨਿ –

ਏਕੇਕਂ ਸਤਸਹਸ੍ਸਪਰਿਚ੍ਚਾਗੇਨ ਨਿਪ੍ਫਨ੍ਨਂ.

ਤੇਸੁ ਸਲਲ਼ਾਗਾਰਂ ਰਞ੍ਞਾ ਪਸੇਨਦਿਨਾ ਕਾਰਿਤਂ.

ਪੁਬ੍ਬੇਨਿਵਾਸ