ਮੋਗ੍ਗਲ੍ਲਾਨ |ਓ੦.੦੦੦੧| ਵੁਤ੍ਤਿਵਿਵਰਣਪਞ੍ਚਿਕਾ.
ਵੁਤ੍ਤਿਸਮੇਤਾ.
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਸਦ੍ਧਮਿਦ੍ਧਗੁਣਂ ਸਾਧੁ ਨਮਸ੍ਸਿਤ੍ਵਾ ਤਥਾਗਤਂ,
ਸਧਮ੍ਮਸਙ੍ਘਂ ਭਾਸਿਸ੍ਸਂ ਮਾਗਧਂ ਸਦ੍ਦਲਕ੍ਖਣਂ.
ਅਕਾਰਾਦਯੋ |ਓ੦.੦੦੦੫| ਨਿਗ੍ਗਹੀਤਨ੍ਤਾ ਤੇਚਤ੍ਤਾਲੀਸਕ੍ਖਰਾ ਵਣ੍ਣਾ ਨਾਮ ਹੋਨ੍ਤਿ, ਅ ਆ ਇ ਈ ਉ ਊ ਏ ऐ ਓ औ ਕ ਖ ਗ ਘ ਙ ਚ ਛ ਜ ਝ ਞ ਟ ਠ ਡ ਢ ਣ ਤ ਥ ਦ ਧ ਨ ਪ ਫ ਬ ਭ ਮ ਯ ਰ ਲ ਵ ਸ ਹ ਲ਼ ਅਂ; ਤੇਨ ਕ੍ਵਤ੍ਥੋ ‘‘ਞੋਨਮ ਵਣ੍ਣੇ‘‘. ਤਿਤਾਲੀਸਾਤਿ ਵਚਨਂ ਕਤ੍ਥਵਿ ਵਣ੍ਣਲੋਪਂ ਞਾਪੇਤਿ; ਤੇਨ-ਪਟਿਸਙ੍ਖਾਯੋਨਿ ਸੋਤਿ-ਆਦਿ ਸਿਦ੍ਧਂ.
ਦਸਾਦੋ |ਓ੦.੦੦੦੭| ਸਰਾ-.
ਤਤ੍ਥਾਦਿਮ੍ਹਿ ਦਸ ਵਣ੍ਣਾ ਸਰਾ ਨਾਮ ਹੋਨ੍ਤਿ; ਤੇਨ ਕ੍ਵਤ੍ਥੋ ‘‘ਸਰੋ ਲੋਪੋ ਸਰੇ‘‘. ਚ੍ਚਾਦਿ.
ਦ੍ਵੇਦ੍ਵੇ ਸਵਣ੍ਣਾ-.
ਤੇਸੁ ਦ੍ਵੇਦ੍ਵੇ ਸਰਾ ਸਵਣ੍ਣਾ ਨਾਮ ਹੋਨ੍ਤਿ; ਤੇਨ ਕ੍ਵਤ੍ਥੋ ‘‘ਵਣ੍ਣਪਰੇਣ ਸਵਣ੍ਣੋਪਿ‘‘
੧. ੨.
ਪੁਬ੍ਬੋ |ਓ੦.੦੦੦੮| ਰਸ੍ਸੋ-.
ਤੇਸੁ ਦ੍ਵੀਸੁ ਯੋ ਯੋ ਪੁਬ੍ਬੋ ਸੋ ਸੋ ਰਸ੍ਸਸਞ੍ਞੋ ਹੋਤਿ; ਤੇਸੁ ਏ ਓ ਸਂਯੋਗਤੋ ਪੁਬ੍ਬਾਵ ਦਿਸ੍ਸਨ੍ਤਿ; ਤੇਨ ਕ੍ਵਤ੍ਥੋ ‘‘ਰਸ੍ਸੋ ਵੇ‘‘.ਚ੍ਚਾਦਿ.
ਪਰੋ ਦੀਘੋ-.
ਤੇਸ੍ਵੇਵ ਦ੍ਵੀਸੁ ਯੋ ਯੋ ਪਰੋ ਸੋ ਸੋ ਦੀਘਸਞ੍ਞੋ ਹੋਤਿ; ਤੇਨ ਕ੍ਵਤ੍ਥੋ’ਯੋਲੋਪਨਿਸੁ ਦੀਘੋ‘‘.ਚ੍ਚਾਦਿ.
ਕਾਦਯੋ |ਓ੦.੦੦੦੯| ਬ੍ਯਜਨਾ-.
ਕਕਾਰਾਦਯੋ ਵਣ੍ਣਾ ਨਿਗ੍ਗਹੀਤਪਰਿਯਨ੍ਤਾ ਬ੍ਯਜਨਸਞ੍ਞਾ ਹੋਨ੍ਤਿ; ਤੇਨ ਕ੍ਵਤ੍ਥੋ ‘‘ਬ੍ਯਜਨੇ ਦੀਘਰਸ੍ਸਾ‘‘.ਚ੍ਚਾਦਿ.
ਪਞ੍ਚ ਪਞ੍ਚਕਾ ਵਗ੍ਗਾ-.
ਕਾਦਯੋ ਪਞ੍ਚਕਾ ਪਞ੍ਚ ਵਗ੍ਗਾ ਨਾਮ ਹੋਨ੍ਤੀ; ਤੇਨ ਕ੍ਵਤ੍ਥੋ ‘‘ਵਗ੍ਗੇ ਵਗ੍ਗਨ੍ਤੋ‘‘. ਚ੍ਚਾਦਿ.
ਬਿਨ੍ਦੁ ਨਿਗ੍ਗਹੀਤਂ-.
ਯ੍ਵਾਯਂ ਵਣ੍ਣੇ ਬਿਨ੍ਦੁਮਤ੍ਤੋ ਸੋ ਨਿਗ੍ਗਹੀਤਸਞ੍ਞੋ ਹੋਤਿ; ਤੇਨ ਕ੍ਵਤ੍ਥੋ ‘‘ਨਿਗ੍ਗਹੀਤਮਿ‘‘. ਚ੍ਚਾਦਿ; ਗਰੁਸਞ੍ਞਾ ਕਰਣਂ ਅਨ੍ਵਤ੍ਥਸਞ੍ਞਤ੍ਥਂ.
ਇਯੁਵਣ੍ਣਾ ਜ੍ਝਲਾ ਨਾਮਸ੍ਸਨ੍ਤੇ-.
ਨਾਮਂ ਪਾਟਿਪਦਿਕਂ ਤਸ੍ਸ ਅਨ੍ਤੇ ਵਤ੍ਤਮਾਨਾ ਇਵਣ੍ਣੁਵਣ੍ਣਾ ਝਲਸਞ੍ਞਾ ਹੋਨ੍ਤਿ ਯਥਾਕ੍ਕਮਂ; ਤੇਨ ਕ੍ਵਤ੍ਥੋ‘‘ਝਲਾ ਵੇ‘‘. ਚ੍ਚਾਦਿ.
ਪਿਤ੍ਥਿਯਂ-. |ਓ੦.੦੦੧੦|
ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸਨ੍ਤੇ ਵਤ੍ਤਮਾਨਾ ਇਵਣ੍ਣੁ ਵਣ੍ਣਾ ਪਸਞ੍ਞਾ ਹੋਨ੍ਤਿ; ਤੇਨ ਕ੍ਵਤ੍ਥਾ ‘‘ਯੇ ਪਸ੍ਸਿਵਣ੍ਣਸ੍ਸ‘‘. ਇਚ੍ਚਾਦਿ.
ਘਾ-. |ਓ੦.੦੦੧੧|
ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸਨ੍ਤੇ ਵਤ੍ਤਮਾਨੋ ਆਕਾਰੋ ਘਸਞੇਞ੍ਞਾ ਹੋਤਿ; ਤੇਨ ਕ੍ਵਤ੍ਥੋ ‘‘ਘਬ੍ਰਹ੍ਮਾਦਿਤੇ‘‘.ਚ੍ਚਾਦਿ.
ਗੋਸ੍ਯਾਲਪਨੇ-.
ਆਲਪਨੇ ਸਿ ਗਸਞ੍ਞੋ ਹੋਤਿ; ਤੇਨ ਕ੍ਵਤ੍ਥੋ ‘‘ਗੇ ਵੇ‘‘.ਚ੍ਚਾਦਿ.
ਸਞ੍ਞਾਧਿਕਾਰੋ.
ਵਿਧਿਬ੍ਬਿਸੇਸਨਨ੍ਤਸ੍ਸ-.
ਯਂ ਵਿਸੇਸਨਂ ਤਦਨ੍ਤਸ੍ਸ ਵਿਧਿ ਞਾਤਬ੍ਬੋ; ‘‘ਅਤੋ ਯੋਨਂ ਟਾਟੇ‘‘. ਨਰਾ ਨਰੇ.
ਸਤ੍ਤਮਿਯਂ |ਓ੦.੦੦੧੨| ਪੁਬ੍ਬਸ੍ਸ-.
ਸਤ੍ਤਮੀਨਿਦ੍ਦੇਸੇ ਪੁਬ੍ਬਸ੍ਸੇਵ ਕਾਰਿਯਂ ਞਤਬ੍ਬਂ; ‘‘ਸਰੋ ਲੋਪੋ ਸਰੇ‘‘. ਵੇਲ਼ਗ੍ਗਂ; ਤਮਹਨ੍ਤੀਧ ਕਸ੍ਮਾ ਨ ਹੋਤਿ; ਸਰੇਤੋਪਸਿਲੇਸਿਕਾਧਾਰੋ ਤਤ੍ਥੇਤਾਵ ਵੁਚ੍ਚਤੇ ਪੁਬ੍ਬਸ੍ਸੇਵ ਹੋਤਿ ਨ ਪਰਸ੍ਸਾਤਿ.
ਪਞ੍ਚਮਿਯਂ |ਓ੦.੦੦੧੩| ਪਰਸ੍ਸ-.
ਪਞ੍ਚਮੀਨਿਦ੍ਦੇਸੇ ਪਰਸ੍ਸ ਕਾਰਿਯਂ ਞਤਬ੍ਬਂ; ‘‘ਅਤੋ ਯੋਨਂ ਟਾਟੇ‘‘. ਨਰਾ ਨਰੇ; ਇਧ ਨ ਹੋਤਿ ਜਨ੍ਤੁਯੋ ਅਨਨ੍ਤਾ; ਇਧ ਕਸ੍ਮਾ ਨ ਹੋਤਿ; ਓਸਧ੍ਯੋ ਅਨਨ੍ਤਰੇ ਕਤਤ੍ਥਤਾਯ ਨ ਵ੍ਯਵ ਹਿਤਸ੍ਸ ਕਾਰਿਯਂ.
ਆਦਿਸ੍ਸ-. |ਓ੦.੦੦੧੪|
ਪਰਸ੍ਸ ਸਿਸ੍ਸਮਾਨਂ ਕਾਰਿਯਮਾਦਿਵਣ੍ਣਸ੍ਸ ਞਾਤਬ੍ਬਂ; ‘‘ਰ ਸਙ੍ਖ੍ਯਾਤੋ ਵਾ‘‘. ਰਾਜਿਨਾ.
ਛਟ੍ਠਿਯਨ੍ਤਸ੍ਸ-.
ਛਟ੍ਠਿਨਿਦ੍ਦਿਟ੍ਠਸ੍ਸ ਯਂ ਕਾਰਿਯਂ ਤਦਨ੍ਤਸ੍ਸ ਵਣ੍ਣਸ੍ਸ ਵਿਞ੍ਞੇਯ੍ਯਂ ‘‘ਰਾਜਸ੍ਸਿ ਨਾਮ੍ਹਿ‘‘. ਰਾਜਿਨਾ.
ਙਨੁਬਨ੍ਧੋ-.
ਙਕਾਰੋ’ਨੁਬਨ੍ਧੋ ਯਸ੍ਸ ਸੋ’ਨ੍ਤਸ੍ਸ ਹੋਤਿ; ‘‘ਗੋਸ੍ਸਾਵਙਿ‘‘. ਗਵਾਸ੍ਸਂ.
ਟਨੁਬਨ੍ਧਾਨੇਕਵਣ੍ਣਾ ਸਬ੍ਬਸ੍ਸ-.
ਟਕਾਰੋ’ਨੁਬਨ੍ਧੋ ਯਸ੍ਸ ਸੋ’ਨੇਕਕ੍ਖਰੋ ਚਾਦੇਸੋ ਸਬ੍ਬਸ੍ਸ ਹੋਤਿ; ‘‘ਇਮਸ੍ਸਾਨਿਤ੍ਥਿਯਂ ਟੇ‘‘. ਏਸੁ ‘‘ਨਾਮ੍ਹਨਿਮਿ‘‘. ਅਨੇਨ.
ਞਕਾਨੁਬਨ੍ਧਾਦ੍ਯਨ੍ਤਾ-. |ਓ੦.੦੦੧੫|
ਛਟ੍ਠਿਨਿਦ੍ਦਿਟ੍ਠਸ੍ਸ ਞਾਨੁਬਨ੍ਧਕਾਨੁਬਨ੍ਧਾ ਆਦ੍ਯਨ੍ਤਾ ਹੋਨ੍ਤਿ; ‘‘ਬ੍ਰੁਤੋ ਤਿਸ੍ਸੀਞ‘‘. ਬ੍ਰਵੀਤਿ, ‘‘ਭੁਸ੍ਸ ਵੁਕ‘‘. ਬਭੁਵ.
ਮਨੁਬਨ੍ਧੋ ਸਰਾਨਮਨ੍ਤਾ ਪਰੋ-.
ਮਕਾਰੋ’ਨੁਬਨ੍ਧੋ ਯਸ੍ਸ ਸੋ ਸਰਾਨਮਨ੍ਤਾ ਸਰਾ ਪਰੋ ਹੋਤੀ; ‘‘ਮਞ੍ਚ ਰੁਧਾਦੀਨਂ‘‘. ਰੁਨ੍ਧਤਿ.
ਵਿਪ੍ਪਟਿਸੇਧੇ-. |ਓ੦.੦੦੧੬|
ਦ੍ਵਿਨ੍ਨਂ ਤਿਣ੍ਣਂ ਵਾ ਪੁਰਿਸਾਨਂ ਸਹਪ੍ਪਤ੍ਤਿਯਂ ਪਰੋ; ਸੋ ਚ ਗਚ੍ਛਤਿ ਤ੍ਵਞ੍ਚ ਗਚ੍ਛਸਿ, ਤੁਮ੍ਹੇ ਗਚ੍ਛਥ; ਸੋ ਚ ਗਚ੍ਛਤਿ ਤ੍ਵਞ੍ਚ ਗਚ੍ਛਸਿ ਅਹਞ੍ਚ ਗਚ੍ਛਾਮਿ, ਮਯਂ ਗਚ੍ਛਾਮ.
ਸਙ੍ਕੇਤੋ’ਨਵਯਵੋ’ਨੁਬਨ੍ਧੋ-. |ਓ੦.੦੦੧੭|
ਯੋ’ਨਵਯਵਭੁਤੋ ਸਙ੍ਕੇਤੋ ਸੋ’ਨੁਬਨ੍ਧੋਤਿ ਞਤਬ੍ਬੋ;ਲਤੁਪਿਤਾਦੀਨਮਾਸਿਮ੍ਹਿ. ਕਤ੍ਤਾ, ਸਙ੍ਕੇਤਗ੍ਗਹਣਂ ਕਿਂ? ਪਕਤੀਯਾਦਿਸਮੁਦਾਯਸ੍ਸਾਨੁਬਨ੍ਧਤਾ ਮਾ ਹੋਤੁਤਿ; ਅਨਵਯਵੋ ਹਿ ਸਮੁਦਾਯੋ ਸਮੁਦਾਯਰੂਪਤ੍ਤਾਯੇਵ; ਅਨਵਯਵਗ੍ਗਹਣਂ ਕਿਂ?’ਅਤੇਨ’. ਜਨੇਨ; ਇਮਿਨਾਵ ਲੋਪਸ੍ਸਾਵਗਤਤ੍ਤਾ ਨਾਨੁਬਨ੍ਧਲੋਪਾਯ ਵਚਨਮਾਰਦ੍ਧਂ.
ਵਣ੍ਣਪਰੇਨ |ਓ੦.੦੦੧੮| ਸਵਣ੍ਣੋ’ਪਿ-.
ਵਣ੍ਣਸਦ੍ਦੋ ਪਰੋ ਯਸ੍ਮਾ ਤੇਨ ਸਵਣ੍ਣੋ’ਪਿ ਗਯ੍ਹਤਿ ਸਂਵ ਰੂਪਂ; ਯੁਵਣ੍ਣਾਨਮ੍ਞੋ ਲੁਤ੍ਤਾ‘‘. ਵਾਤੇਰਿਤਂ, ਸਮੋਨਾ.
ਨ੍ਤੁ |ਓ੦.੦੦੧੯| ਵਨ੍ਤੁਮਨਤ੍ਵਾਵਨ੍ਤੁਤਵਨ੍ਤੁਸਮ੍ਬਨ੍ਧਿ-.
ਵਨ੍ਤ੍ਵਾਦਿਸਮ੍ਬਨ੍ਧਿਯੇਵ ਨ੍ਤੁ ਗਯ੍ਹਤਿ, ‘‘ਨ੍ਤਨ੍ਤੁਨਂ ਨ੍ਤੋ ਯੋਮ੍ਹਿ ਪਠਮੇ‘‘. ਗੁਣਵਨ੍ਤੋ; ਵਨ੍ਤ੍ਵਾਦਿਸਮ੍ਬਨ੍ਧੀਤਿ ਕਿਂ; ਜਨ੍ਤੁ ਤਨ੍ਤੁ.
ਪਰਿਭਾਸਾਯੋ.
ਸਰੋ ਲੋਪੋ ਸਰੇ-.
ਸਰੇ ਸਰੋ ਲੋਪਨੀਯੋ ਹੋਤਿ; ਤਤ੍ਰਿਮੇ, ਸਦ੍ਧਿਨ੍ਦ੍ਰਿਯਂ, ਨੋ ਹੇਤਂ, ਭਿਕ੍ਖੁਨੋਵਾਦੋ, ਸਮੇਤਾਯਸ੍ਮਾ, ਅਭਿਭਾਯਤਨਂ, ਪੁਤ੍ਤਾ ਮਤ੍ਥਿ, ਅਸਨ੍ਤੇਤ੍ਥ.
ਪਰੋ |ਓ੦.੦੦੨੦| ਕ੍ਵਚਿ ਲੋਪਨੀਯੋ ਹੋਤਿ; ਸੋ’ਪਿ, ਸਾਵ, ਯਤੋਦਕਂ, ਤਤੋਵ; ਕ੍ਵਵੀਤਿ ਕਿਂ? ਸਦ੍ਧਿਨ੍ਦੁਯਂ ਅਯਮਧਿਕਾਰੋ ਆਪਰਿਚ੍ਛੇਦਾਵਸਾਨਾ ਤੇਨ ਨਾਤਿਪ੍ਪਸਙ੍ਗੋ.
ਨਦ੍ਵੇਵਾ-. |ਓ੦.੦੦੨੧|
ਪੁਬ੍ਬਪਰਸਰਾ ਦ੍ਵੇ’ਪਿ ਵਾ ਕ੍ਵਚਿ ਨ ਲੁਪ੍ਯਨ੍ਤੇ; ਲਤਾ ਇਵ ਲਤੇਵ ਲਤਾਵ.
ਯੁਵਣ੍ਣਨਮ੍ਞੋ ਲੁਤ੍ਤਾ-.
ਲੁਤ੍ਤਾ ਸਰਾ ਪਰੇਸਂ ਇਵਣ੍ਣੁਵਣ੍ਣਾਨਂ ਞੋ ਹੋਨ੍ਤਿ ਵਾ ਯਥਾਕ੍ਕਮਂ; ਤਸ੍ਸੇਦਂ, ਵਾਤੇਰਿਤਂ, ਨੋਪੇਤਿ, ਵਾਮੋਰੁ, ਅਤੇਵ’ਞ੍ਞੇ, ਵੋਦਕਂ; ਕਥਂ ਪਚ੍ਚੋਰਸ੍ਮਨ੍ਤਿ; ਯੋਗਵਿਭਗਾ, ਵਾਤ੍ਵੇਵ ਤਸ੍ਸਿਦਂ; ਲੁਤ੍ਤੇਤਿ ਕਿਂ? ਲਤਾ ਇਵ.
ਯਵਾ |ਓ੦.੦੦੨੨| ਸਰੇ-.
ਸਰੇ ਪਰੇ ਇਵਣ੍ਣੁਵਣ੍ਣਾਨਂ ਯਕਾਰਵਕਾਰਾ ਹੋਨ੍ਤਿਵ ਯਥਾਕ੍ਕਮਂ; ਵ੍ਯਾਕਤੋ, ਇਚ੍ਚਸ੍ਸ, ਅਜ੍ਝਿਣਮੁਤ੍ਤੋ, ਸ੍ਵਾਗਤਂ, ਭਵਾਪਨਲਾਨੀਲਂ; ਵਾਤ੍ਥੇਵ-ਇਤਿਸ੍ਸ; ਕ੍ਵਚੀਤ੍ਵੇਵ-ਯਾਨੀਧ, ਸੂਪਟ੍ਠਿਤਂ.
ਞੋਨਂ-.
ਞੋਨਂ ਯਵਾ ਹੋਨ੍ਤਿ ਵਾ ਸਰੇ ਯਥਾਕ੍ਕਮਂ; ਤ੍ਯਜ੍ਜ ਤੇ’ਜ੍ਜ ਸ੍ਵਾਹਂ ਸੋ’ਹਂ,ਕ੍ਵਚਿਤ੍ਵੇਵ-ਪੁਤ੍ਤਾਮਤ੍ਥਿ ਅਸਨ੍ਤੇਤ੍ਥ.
ਗੋਸ੍ਸਾਵਙਿ-.
ਸਰੇ ਗੋਸ੍ਸ ਅਵਙਿ ਹੋਤਿ; ਗਵਾਸ੍ਸਂ; ਯਥਰਿਵ ਤਥਰਿਵੇਤਿਨਿਪਾਤਾਵ; ਭੁਸਾਮਿਵੇਤਿ ਇਵਸਦ੍ਦੋ ਏਵਤ੍ਥੋ.
ਬ੍ਯਞ੍ਜਨੇ |ਓ੦.੦੦੨੩| ਦੀਘਰਸ੍ਸਾ-.
ਰਸ੍ਸਦੀਘਾਨਂ ਕ੍ਵਚਿ ਦੀਘਰਸ੍ਸਾ ਹੋਨ੍ਤਿ ਬ੍ਯਞ੍ਜਨੇ; ਤਤ੍ਰਾਯਂ, ਮੁਨੀਵਰੇ, ਸਮ੍ਮਦੇਵ, ਮਾਲਹਾਰੀ.
ਸਰਮ੍ਹਾ ਦ੍ਵੇ-
ਸਰਮ੍ਹਾ ਪਰਸ੍ਸ ਬ੍ਯਞ੍ਜਨਸ੍ਸ ਕ੍ਵਚਿ ਦ੍ਵੇ ਰੂਪਾ ਹੋਨ੍ਤਿ; ਪਗ੍ਗਹੋ; ਸਰਮ੍ਹਾਤਿ-ਕਿਂ? ਤਂਖਣਂ.
ਚਤੁਤ੍ਥਦੁਤਿਯੇਸ੍ਵੇਯਂ ਤਤਿਯਪਠਾਮਾ-.
ਚਤੁਤ੍ਥਦੁਤਿਯੇਸੁ ਪਰੇਸ੍ਵੇਸਂ ਚਤੁਤ੍ਥਦੁਤਿਯਾਨਂ ਤਬ੍ਬਗ੍ਗੇ ਤਤਿਯਪਠਮਾ ਹੋਨ੍ਤਿ ਪਚ੍ਚਾਸਤ੍ਤ੍ਯ; ਮਹਦ੍ਧਨੋ, ਯਸ ਤ੍ਥੇਰੋ, ਅਪ੍ਫੁਟਂ, ਅਬ੍ਭੁਗ੍ਗਤੋ; ਏਸ੍ਵਿਤਿ-ਕਿਂ? ਥੇਰੋ; ਏਸਨ੍ਤਿਕਿਂ?ਪਤ੍ਥੋ.
ਵਿਤਿਸ੍ਸੇਵੇ |ਓ੦.੦੦੨੪| ਵਾ-.
ਏਵਸਦ੍ਦੇ ਪਰੇ ਇਤਿਸ੍ਸ ਵੋ ਹੋਤਿ ਵਾ; ਇਤ੍ਥੇਵ ਇਚ੍ਚੇਵ; ਏਵੇਤਿ-ਕਿਂ,ਇਚ੍ਚਾਹ.
ਞੋਨਮ ਵਣ੍ਣੇ-.
ਞੋਨਂ ਵਣ੍ਣੇ ਕ੍ਵਚਿ ਅ ਹੋਤਿ ਵਾ; ਦਿਸ੍ਵਾ ਯਾਚਕਮਾਗਤੇ, ਅਕਰਮ੍ਭਸਤੇ,ਏਸਅਤ੍ਥੋ, ਏਸਧਮ੍ਮੋ, ਮਗ੍ਗੋ ਅਗ੍ਗਮਕ੍ਖਾਯਤਿ, ਸ੍ਵਾਯਤਨਂ, ਹਿਯ੍ਯਤ੍ਤਨਂ, ਕਰਸ੍ਸੁ; ਵਾਤ੍ਵੇਵ-ਯਾਚਕੇ ਆਗਤੇ, ਏਸੋ ਧਮ੍ਮੋ; ਵਣ੍ਣੇਤਿ ਕਿਂ?ਸੋ.
ਨਿਗ੍ਗਹੀਤਂ-. |ਓ੦.੦੦੨੫|
ਨਿਗ੍ਗਭੀਤਮਾਗਮੋ ਹੋਤਿ ਵਾ ਕ੍ਵਚਿ; ਚਕ੍ਖੁਂ ਉਦਪਾਦਿ ਚਕ੍ਖੁ ਉਦਪਾਦਿ, ਪੁਰਿਮਂਜਾਤਿ ਪੁਰਿਮਜਾਤਿ, ਕਤ੍ਤਬ੍ਬਂ ਕੁਸਲਂ ਬਹੁਂ. ਅਵਂ ਸਿਰੋਤਿ-ਆਦਿਸੁ ਨਿਚ੍ਚਂ ਵਵਤ੍ਥੀਤਵਿਭਾਸਤ੍ਤਾ ਵਾਧਿਕਾਰਸ੍ਸ; ਸਾਮਤ੍ਥੀ ਯੇਨਾਗਮੋਵ ਸ ਚ ਰਸ੍ਸਸਰਸ੍ਸੇਵ ਹੋਤਿ ਤਸ੍ਸ ਰਸ੍ਸਾਨੁਗਤਤ੍ਤਾ.
ਲੋਪੋ-.
ਨਿਗ੍ਗਹੀਤਸ੍ਸ ਲੋਪੋ ਹੋਤਿ ਵਾ ਕ੍ਵਚਿ; ਕ੍ਯਾਹਂ ਕੀਮਹਂ, ਸਾ ਰਤ੍ਤੋ ਸਂਰਤ੍ਤੋ; ਸਲ੍ਲੇਖੋ-ਗਤ੍ਤੁਕਾਮੋ-ਗਨ੍ਤੁਮਨੋਤਿਆਦਿਸੁ ਨਿਚ੍ਚਂ.
ਪਰਸਰਸ੍ਸ-
ਨਿਗ੍ਗਹੀਤਮ੍ਹਾ ਪਰਸ੍ਸ ਸਰਸ੍ਸ ਲੋਪੋ ਹੋਤਿ ਵਾ ਕ੍ਵਚਿ; ਤ੍ਵਂਸਿ ਤ੍ਵਮਸਿ.
ਵਗ੍ਗੇ |ਓ੦.੦੦੨੬| ਵਗ੍ਗਨ੍ਤੋ-
ਨਿਗ੍ਗਹੀਤਸ੍ਸ ਖੋ ਵਗ੍ਗੇ ਵਗ੍ਗਨ੍ਤੋ ਵਾ ਹੋਤਿ ਪਚ੍ਚਾ ਸਤ੍ਯਾ; ਤਙ੍ਕਰੋਤਿ ਤਂ ਕਰੋਤਿ, ਤਞ੍ਚਰਤਿ ਤਂ ਚਰਤਿ, ਤਣ੍ਠਾਨਂ ਤਂ ਠਾਨਂ, ਤਨ੍ਧਨਂ ਤਂ ਧਨਂ, ਤਮ੍ਪਾਤਿ ਤਂ ਪਾਤਿ; ਨਿਚ੍ਚਂ ਪਦ ਮਜ੍ਝੇ, ਗਨ੍ਤ੍ਵਾ; ਕ੍ਵਚਞ੍ਞਤ੍ਰਾਪਿ, ਸਨ੍ਤਿਟ੍ਠਤਿ.
ਯੇਵਹਿਸੁਞ੍ਞੋ-.
ਯਏਵਹਿਸਦ੍ਦੇਸੁ ਨਿਗ੍ਗਹੀਤਸ੍ਸ ਵਾ ਞੋ ਹੋਤਿ; ਯਯਞ੍ਞਦੇਵ, ਤਞ੍ਞੇਵ, ਤਞ੍ਭਿ; ਵਾਤ੍ਵੇਵ-ਯਂਯਦੇਵ.
ਯੇ ਸਂਸ੍ਸ-
ਸਂਸਦ੍ਦਸ੍ਸ ਯਂ ਨਿਗ੍ਗਹੀਤਂ ਤਸ੍ਸ ਵਾ ਞੋ ਹੋਤਿ ਯਕਾਰੇ; ਸਞ੍ਞਮੋ ਸਂਯਮੋ.
ਮਯਦਾ ਸਰੇ-.
ਨਿਗ੍ਗਹੀਤਸ੍ਸ ਮਯਦਾ ਹੋਨ੍ਤਿ ਵਾ ਸਰੇ ਕ੍ਵਚਿ; ਤਮਹਂ, ਤਯਿਦਂ, ਤਦਲਂ; ਵਾਤ੍ਵੇਵ-ਤਂ ਅਹਂ.
ਵਨਤਰਗਾ |ਓ੦.੦੦੨੭| ਚਾਗਮਾ-.
ਏਤੇ ਮਯਦਾ ਚਾਗਮਾ ਹੋਨ੍ਤਿ ਸਰੇ ਵਾ ਕ੍ਵਚਿ; ਤਿਵਙ੍ਗੀਕਂ, ਇਤੋ ਨਾਯਤਿ, ਚਿਨਿਤ੍ਵਾ, ਤਸ੍ਮਾਤਿਹ, ਨਿਰੋਜਂ, ਪੁਥਗੇਵ, ਇਧਮਾਹੁ, ਯਥਯਿਦਂ, ਅਤ੍ਤਦਤ੍ਥਂ; ਵਾਤ੍ਵੇਵ-ਅਤ੍ਤਤ੍ਥਂ; ਅਤਿਪ੍ਪਗੋ ਖੋ ਤਾਵਾਤਿ-ਪਠਮਨ੍ਤੋ ਪਗਸਦ੍ਦੋਵ.
ਛਾ ਲ਼ੋ-.
ਛਸਦ੍ਦਾ ਪਰਸ੍ਸ ਸਰਸ੍ਸ ਲ਼ਕਾਰੋ ਆਗਮੋ ਹੋਤਿ ਵਾ; ਛਲ਼ਹਂ, ਛਲ਼ਾਯਤਨਂ; ਵਾਤ੍ਵੇਵ-ਛ ਅਭਿਞ੍ਞਾ.
ਤਦਮਿਨਾਦੀਨਿ- |ਓ੦.੦੦੨੮|
ਤਦਮਿਨਾਦੀਨਿ ਸਾਧੂਨਿ ਭਵਨ੍ਤਿ? ਤਂ ਇਮਿਨਾ ਤਦਮਿਨਾ, ਸਕਿਂ ਆਗਾਮੀ ਸਕਦਾਗਾਮੀ, ਏਕਂ ਇਧ ਅਹਂ ਏਕਮਿਦਾਹਂ, ਸਂਵਿਧਾਯ ਅਵਹਾਰੋ ਸਂਵਿਦਾਵਹਾਰੋ, ਵਾਰਿਨੋ ਵਾਹਕੋ ਵਲਾਹਕੋ, ਜੀਵਨਸ੍ਸ ਮੂਤੋ ਜੀਮੂਤੋ, ਛਵਸ੍ਸ ਸਯਨਂ ਸੁਸਾਨਂ, ਉਦ੍ਧਂ ਖਮਸ੍ਸ ਉਦੁਕ੍ਖਲਂ, ਪਿਸਿ ਤਾਸੋ ਪਿਸਾਚੋ, ਮਹਿਯਂ ਰਵਤੀਤਿ ਮਯੂਰੋ; ਏਵਮਞ੍ਞੇਪਿ ਪਯੋਗ ਤੋ’ਨੁਗਨ੍ਤਬ੍ਬਾ; ਪਰੇਸਂ ਪਿਸੋਦਰਾਦਿਵੇਦਂ ਦਟ੍ਠਬ੍ਬਂ.
ਤਵਗ੍ਗਵਰਣਾਨਂ |ਓ੦.੦੦੨੯| ਯੇ ਚਵਗ੍ਗਬਯਞਾ-.
ਤਵਗ੍ਗਵਰਣਾਨਂ ਚਵਗ੍ਗਬਯਞਾ ਹੋਨ੍ਤਿ ਯਥਾਕ੍ਕਮਂ ਯਕਾਰੇ; ਅਪੂਚ੍ਚਣ੍ਡਕਾਯਂ, ਤਚ੍ਛਂ, ਯਜ੍ਜੇਵਂ, ਅਜ੍ਝਤ੍ਤਂ, ਥਞਞ੍ਞਂ, ਦਿਬ੍ਬਂ, ਪਯ੍ਯੇਸਨਾ, ਪੋਕ੍ਖਰਞ੍ਞੋ; ਕ੍ਵਚੀਤ੍ਵੇਵ-ਰਤ੍ਯਾ.
ਵਗ੍ਗਲਸੇਹਿ |ਓ੦.੦੦੩੦| ਤੇ-
ਵਗ੍ਗਲਸੇਹਿ ਪਰਸ੍ਸ ਯਕਾਰਸ੍ਸ ਕ੍ਵਚਿ ਤੇ ਵਗ੍ਗਲਸਾ ਹੋਨ੍ਤਿ; ਸਕ੍ਕਤੇ, ਪਚ੍ਚਤੇ, ਅਟ੍ਟਤੇ, ਕੁਪ੍ਪਤੇ, ਫਲ੍ਲਤੇ, ਅਸ੍ਸਤੇ, ਕ੍ਵਚੀ ਤ੍ਵੇਚ-ਕ੍ਯਾਹਂ.
ਹਸ੍ਸ ਵਿਪਲ੍ਲਾਸੋ-
ਹਸ੍ਸ ਵਿਪਲ੍ਲਾਸੋ ਹੋਤਿ ਯਕਾਰੇ; ਗੁਯ੍ਹਂ.
ਵੇ ਵਾ-.
ਹਸ੍ਸ ਵਿਪਲ੍ਲਾਸੋ ਹੋਤਿ ਵਾ ਵਕਾਰੇ; ਬਵ੍ਹਾਬਾਧੋ ਬਹ੍ਵਾ ਬਾਧੋ.
ਤਥਨਰਾਨਂ |ਓ੦.੦੦੩੧| ਟਠਣਲਾ-.
ਤਥਨਰਾਨਂ ਟਠਣਲਾ ਹੋਨ੍ਤੀ ਵਾ; ਦੁਕ੍ਕਟਂ, ਅਟ੍ਠਕਥਾ, ਗਹਣਂ, ਪਲਿਘੋ, ਪਲਾਯਤਿ, ਵਾਤ੍ਵੇਚ-ਦੁਕ੍ਕਤਂ; ਕ੍ਵਚੀਤ੍ਵੇਵ-ਸੁਗਤੋ.
ਸਂਯੋਗਾਦਿਲੋਪੋ-
ਸਂਯੋਗਸ੍ਸ ਯੋ ਆਦਿਭੁਤੋ’ਵਯਵੋ ਤਸ੍ਸ ਵਾ ਕ੍ਵਚੀ ਲੋਪੋ ਹੋਤਿ; ਪੁਪ੍ਫਂਸਾ, ਜਾਯਤੇ’ਗਿਨਿ.
ਵਿਚ੍ਛਾਭਿਕ੍ਖਞ੍ਞੇਸੁ ਦ੍ਵੇ-
ਵੀਚ੍ਛਾਯਮਾਭਿਕ੍ਖਞ੍ਞੇ ਚ ਯਂ ਵਤ੍ਤਤੇ ਤਸ੍ਸ ਦ੍ਵੇ ਰੂਪਾਨਿ ਹੋਨ੍ਤਿ, ਕ੍ਰਿਯਾਯ ਗੁਣੇਨ ਦਬ੍ਬੇਨ ਵਾ ਭਿਨ੍ਨੇ ਅਤ੍ਥੇ ਵ੍ਯਾਪਿਤੁ ਮਿਚ੍ਛਾ ਵੀਚ੍ਛਾ; ਰੁਕ੍ਖਂਰੁਕ੍ਖਂ ਸਿਞ੍ਚਤਿ, ਗਾਮੋਗਾਮੋ ਰਮਣੀਯੋ, ਗਾਮੇ ਗਾਮੇ ਪਾਨੀਯਂ, ਗੇਹੇ ਗੇਹੇ ਇਸ੍ਸਰੋ, ਰਸਂ ਰਸਂ ਭਕ੍ਖਯਤੀ, ਕਿਰਿਯਂ ਕਿਰਿਯਮਾਰਹਤੇ.
ਅਤ੍ਥਿਯੇਵਾਨੁਪੁਬ੍ਬਿਯੇ’ਪਿ |ਓ੦.੦੦੩੨| ਵੀਚ੍ਛਾ, ਮੂਲੇ ਥੂਲਾ, ਅਗ੍ਗੇ ਅਗ੍ਗੇ ਸੁਖੁਮਾ; ਯਦਿ ਹਿ ਏਤ੍ਥ ਮੂਲਗ੍ਗਭੇਦੋ ਨ ਸਿਯਾ ਆਨੁਪੁਬ੍ਬਿਯਮ੍ਪਿ ਨ ਭਵੇਯ੍ਯ, (ਜੇਟ੍ਠਂ ਜੇਟ੍ਠਮਨੁਪ੍ਪਵੇਸਯ) ਮਾਸਕਂ ਮਾਸਕਂ ਇਮਮ੍ਹਾ ਕਹਾਪਣਾ ਭਵਨ੍ਤਾਨਂ ਦ੍ਵਿਨ੍ਨਂ ਦੇਹੀਤਿ- ਮਾਸਕਂ ਮਾਸਕਮਿਚ੍ਚੇਤਸ੍ਮਾ ਵੀਚ੍ਛਾਵਗਮ੍ਯਤੇ ਸਦ੍ਦਨ੍ਤਰਤੋ ਪਨ ਇਮਮ੍ਹਾ ਕਹਾਪਣਾਤਿ ਅਵਧਾਰਣਂ; ਪੁਬ੍ਬਂ ਪੁਬ੍ਬਂ ਪੁਪ੍ਫਨ੍ਤਿ, ਪਠਮਂ ਪਠਮਂ ਪਚ੍ਚਨ੍ਤੀਤਿ ਵੀਚ੍ਛਾਵ; ਇਮੇ ਉਭੋ ਅਡ੍ਢਾ ਕਤਰਾ ਕਤਰਾ ਏਸਂ ਦ੍ਵਿਨ੍ਨਮਡ੍ਢਤਾ, ਸਬ੍ਬੇ ਇਮੇ ਅਡ੍ਢਾ ਕਤਮਾ ਕਤਮਾ ਇਮੇਸਂ ਅਡ੍ਢਤਾ, ਇਹਾਪਿ ਵੀਚ੍ਛਾਵ; ਆਭਿਕ੍ਖਞ੍ਞਂ-ਪੋਨੋਪੁਞ੍ਞਂ, ਪਚਤਿ ਪਚਤਿ ਪਪਚਤਿ ਪਪਚਤਿ, ਲੁਨਾਹਿ ਲੁਨਾਹਿਤ੍ਵੇਵਾਯਂ ਲੁਨਾਤਿ, ਭੁਤ੍ਵਾ ਭੁਤ੍ਵਾ ਗਚ੍ਛਤਿ, ਪਟਪਟਾ ਕਰੋਤਿ, ਪਟਪਟਾਯਤਿ.
ਸ੍ਯਾਦਿਲੋਪੋ |ਓ੦.੦੦੩੫| ਪੁਬ੍ਬਸ੍ਸੇਕਸ੍ਸ-.
ਵੀਚ੍ਛਾਮੇਕਸ੍ਸ ਦ੍ਵਿਤ੍ਤੇ ਪੁਬ੍ਬਸ੍ਸ ਸ੍ਯਾਦਿਲੋਪੋ ਹੋਤਿ, ਏਕੇਕਸ੍ਸ, ਕਥਂ ਮਤ੍ਥਕਮਤ੍ਥਕੇਨਾਤਿ? ਸ੍ਯਾਦਿਲੋਪੋ ਪੁਬ੍ਬਸ੍ਸਾਤਿ ਯੋਗਵਿਭਾਗਾ; ਨ ਚਾਤਿਪ੍ਪਙ੍ਗੋ ਯੋਗਵਿਭਾਗਾ ਇਟ੍ਠਪ੍ਪਸਿਦ੍ਧੀਤਿ.
ਸਬ੍ਬਾਦੀਨਂ ਵੀਤਿਹਾਰੇ-.
ਸਬ੍ਬਾਦੀਨਂ ਵੀਤਿਹਾਰੇ ਦ੍ਵੇ ਭਵਨ੍ਤਿ ਪੁਬ੍ਬਸ੍ਸ ਸ੍ਯਾਦਿਲੋਪੋ ਚ; ਅਞ੍ਞਮਞ੍ਞਸ੍ਸ ਭੋਜਕਾ, ਇਤਰੀਤਰਸ੍ਸ ਭੋਜਕਾ.
ਯਾਵ ਬੋਧਂ ਸਮ੍ਭਮੇ-.
ਤੁਰਿਤੇਨਾਪਾਯਹੇਤੁਪਦਸ੍ਸਨਂ ਸਮ੍ਭਮੋ, ਤਸ੍ਮਿਂ ਸਤਿ ਵਤ੍ਤੁ ਯਾਵਨ੍ਤੇਹ ਸਦ੍ਦੇਹਿ ਸੋ’ਤ੍ਥੋ ਵਿਞ੍ਞਾਯਤੇ ਤਾਵਨ੍ਤੋ ਸਦ੍ਦਾ ਪਯੁਜ੍ਜਨ੍ਤੇ; ਸਪ੍ਪੋ ਸਪ੍ਪੋ ਸਪ੍ਪੋ, ਬੁਜ੍ਝਸ੍ਸੁ ਬੁਜ੍ਝਸ੍ਸੁ ਬੁਜ੍ਝਸ੍ਸੁ, ਭਿਨ੍ਨੋ ਭਿਕ੍ਖੁਸਙ੍ਘੋ ਭਿਨ੍ਨੋ ਭਿਕ੍ਖੁਸਙ੍ਘੋ.
ਬਹੁਲਂ-.
ਅਯਮਧਿਕਾਰੋ ਆਸਤ੍ਥਪਰਿਸਮਤ੍ਤਿਯਾ ਤੇਨ ਨਾਤਿਪ੍ਪਸਙ੍ਗੋ ਇਟ੍ਠਸਿਦ੍ਧਿ ਚ.
ਇਤਿ ਮੋਗ੍ਗਲ੍ਲਾਨਵ੍ਯਾਕਰਣੇ ਵੁਤ੍ਤੀਯਂ ਪਠਮੋ ਕਣ੍ਡੋ.
ਦ੍ਵੇਦ੍ਵੇਕਾਨੇਕੇਸੁ |ਓ੦.੦੦੩੬| ਨਾਮਸ੍ਮਾ ਸਿਯੋਅਂਯੋਨਾਭਿਸਨਂ ਸ੍ਮਾਹਿਸਨਂਸ੍ਮਿਂਸੁ-.
ਏਤੇਸਂ ਦ੍ਵੇ ਦ੍ਵੇ ਹੋਨ੍ਤਿ ਏਕਾਨੇਕਤ੍ਥੇਸੁ ਵਤ੍ਤਮਾਨਤੋ ਨਾਮਸ੍ਮਾ; ਮੁਨਿ ਮੁਨਯੋ, ਮੁਨਿਂ ਮੁਨਯੋ, ਮੁਨਿਨਾ ਮੁਨੀਹਿ, ਮੁਨਿਸ੍ਸ ਮੁਨੀਨਂ, ਮੁਨਿਸ੍ਮਾ ਮੁਨੀਹਿ, ਮੁਨਿਸ੍ਸ ਮੁਨੀਨਂ, ਮੁਨਿਸ੍ਮਿਂ ਮੁਨੀਸੁ, ਏਵਂ ਕੁਮਾਰੀ ਕੁਮਾਰਿਯੋ, ਕਞ੍ਞਾ ਕਞ੍ਞਾਯੋਤਿ; ਏਤਾਨਿ ਸਤ੍ਤ ਦੁਕਾਨਿ ਸਤ੍ਤਵਿਭਤ੍ਤਿਯੋ; ਵਿਭਾਗੋ ਵਿਭਤ੍ਤੀਤਿ ਕਤ੍ਵਾ-ਏਤ੍ਥ ਸਿਅਮਿਤੀਕਾਰਾ ਕਾਰਾ ‘‘ਕਿਮਂਸਿਸੂ‘‘ਤਿ. ਸਂਕੇਤਤ੍ਥਾ.
ਕਮ੍ਮੇ |ਓ੦.੦੦੩੭| ਦੁਤਿਯਾ-.
ਕਰੀਯਤਿ ਕਤ੍ਤੁਕ੍ਰਿਯਾਯਾਭੀਸਮ੍ਬਨ੍ਧੀਯਤੀਤਿ ਕਮ੍ਮਂ, ਤਸ੍ਮਿਂ ਦੁਤਿਯਾ ਵਿਭਤ੍ਤਿ ਹੋਤਿ; ਕਟਂ ਕਰੋਤਿ, ਓਦਨਂ ਪਵਤਿ, ਆਦਿਚ੍ਚਂ ਪਸ੍ਸਤਿ, ਓਦਨੋ ਪਚ੍ਚਤੀਤਿ-ਓਦਨਸਦ੍ਦਤੋ ਕਮ੍ਮਤਾ ਨਪ੍ਪਤੀਯਤੇ, ਕਿਂ ਚਰਹਿ? ਆਖ੍ਯਾਤਤੋ; ਕਟਂ ਕਰੋਤਿ ਵਿਪੁਲਂ ਦਸ੍ਸਨੀਯਨ੍ਤਿ- ਅਤ੍ਥੇਵ ਗੁਣ ਯੁਤ੍ਤਸ੍ਸ ਕਮ੍ਮਤਾ; ਇਚ੍ਛਿਤੇ’ਪਿ ਕਮ੍ਮਤ੍ਤਾਵ ਦੁਤਿਯਾ ਸਿਦ੍ਧ; ਗਾਵੁਂ ਪਯੋ ਦੋਹਤਿ, ਗੋਮਨ੍ਤਂ ਗਾਵਂ ਯਾਵਤਿ, ਗਵਮਵਰੁਨ੍ਧਤਿ ਵਜਂ, ਮਾਣਵਕਂ ਮਗ੍ਗਂ ਪੁਚ੍ਛਤਿ, ਗੋਮਨ੍ਤਂ ਗਾਵਂ ਭਿਕ੍ਖਤੇ, ਰੁਕ੍ਖਮਵ ਚਿਨਾਤਿ ਫਲਾਨਿ, ਸਿਸ੍ਸਂ ਧਮ੍ਮਂ ਬ੍ਰੂਤੇ, ਸਿਸ੍ਸਂ ਧਮ੍ਮਮਨੁਸਾਸਤਿ.
ਏਵਮਨਿਚਛਿਤੇ’ਪਿ; |ਓ੦.੦੦੩੮| ਅਹਿਂ ਲਙ੍ਘਯਤਿ, ਵੀਸਂ ਭਕ੍ਖੇਤਿ; ਯਨ੍ਨੇ ਵਿਚ੍ਛਿਤਂ ਨਾਪਿ ਅਨਿਚ੍ਛਿਤਂ ਤਤ੍ਥਾਪਿ ਦੁਤੀਯਾ ਸਿਦ੍ਧਾ; ਗਾਮਂ ਗਚ੍ਛਨ੍ਤੋ ਰੁਕ੍ਖਮੂਲਮੁਪਸਪ੍ਪਤਿ, ਪਥਵਿਂ ਅਧਿਸੇਸ੍ਸਤਿ, ਗਾਮਮਧਿਤਿਟ੍ਠਤਿ, ਰੁਕ੍ਖ ਮਜ੍ਝਾਸਤੇਤਿ-ਅਧਿਸੀਠਾਸਾਨਂ ਪਯੋਗੇ’ਧਿਕਰਣੇ ਕਮ੍ਮਵਚਨਿਚ੍ਛਾ.
ਵਤ੍ਤਿਚ੍ਛਾਤੋ |ਓ੦.੦੦੩੯| ਹਿ ਕਾਰਕਾਨਿ ਹੋਨ੍ਤਿ; ਤਂ ਯਥਾ- ਵਲਾਹਕਾ ਵਿਜ੍ਜੋਤਤੇ, ਵਲਾਹਕਸ੍ਸ ਵਿਜ੍ਜੋਤਤੇ, ਵਲਾਹਕੋ ਵਿਜ੍ਜੋਤਤੇ, ਵਲਾਹਕੇ ਵਿਜ੍ਜੋਤਤੇ, ਵਲਾਹਕੇਨ ਵਿਜ੍ਜੋਤਤੇਤਿ.
ਏਵਮਭਿਨਵਿਸਸ੍ਸ ਵਾ, ਧਮ੍ਮਮਭਿਨਿਵਿਸਤੇ ਧਮ੍ਮੇ ਵਾ, ਤਥਾ ਉਪਨ੍ਵਜ੍ਝਾਵਸਸ੍ਸਾਭੋਜਨਨਵੁਤ੍ਤਿਚਨਸ੍ਸ; ਗਾਮਮੁਪਵਸਤਿ, ਗਾਮ ਮਨੁਵਸਤਿ, ਪਬ੍ਬਤਮਧਿਵਸਤਿ, ਘਰਮਾਵਸਤਿ; ਅਭੋਜਨਨਿਵੁਤ੍ਤਿਵਚ ਨਸ੍ਸਾਤਿ-ਕਿਂ? ਗਾਮੇ ਉਪਵਸਤਿ-ਭੋਜਨਨਿਵੁਤ੍ਤਿਂ ਕਰੋਤੀਤਿ ਅਤ੍ਥੋ. ਤਪ੍ਪਾਨਾਚਾਰੇ’ਪਿ |ਓ੦.੦੦੪੦| ਕਮ੍ਮਤ੍ਤਾਵ ਦੁਤਿਯਾ ਸਿਦ੍ਧਾ, ਨਦਿਮ੍ਪਿਵਤਿ, ਗਾਮਂ ਚਰਤਿ; ਏਵਂ ਸਚੇ ਮਂ ਨਾਲਪਿਸ੍ਸਤੀਤਿ-ਆਦਿਸੁਪਿ.
ਵਿਹਿਤਾਵ ਪਟਿਯੋਗੇ ਦੁਤਿਯਾ, ਪਟਿਭਨ੍ਤੁ ਤਂ ਚੁਨ੍ਦ ਬੋਜ੍ਝਙ੍ਗਾਤਿ-ਤਂ ਪਟਿ ਬੋਜ੍ਝਙ੍ਗਾ ਭਾਸਨ੍ਤੂਤਿ ਅਤ੍ਥੋ; ਯਦਾ ਤੁ ਧਾਤੁਨਾ ਯੁਤ੍ਤੋ ਪਤਿ ਤਦਾ ਤੇਨਾਯੋਗਾ ਸਮ੍ਬਨ੍ਧੇ ਛਟ੍ਠੀ ਚ ਤਸ੍ਸ ਨਪ੍ਪਟਿ ਭਾਤੀਤਿ? ਅਕ੍ਖੇ ਦਿਬ੍ਬਤਿ, ਅਕ੍ਖੇਹਿ ਦਿਬ੍ਬਤਿ, ਅਕ੍ਖੇਸੁ ਦਿਬ੍ਬਤੀਤਿਕਮ੍ਮਕਰਣਾਧਿਕਰਣਵਚਨਿਚ੍ਛਾ.
ਕਾਲਦ੍ਧਾਨਮਚ੍ਚਨ੍ਤਸਂਯੋਗੇ-. |ਓ੦.੦੦੪੧|
ਕ੍ਰਿਯਾਗੁਣਦਬ੍ਬੇਹਿ ਸਾਕਲ੍ਲੇਨ ਕਾਲਦ੍ਧਾਨਂ ਸਮ੍ਬਨ੍ਧੋ ਅਚ੍ਚਨ੍ਤਸਂਯੋਗੇ, ਤਸ੍ਮਿਂ ਵਿਞ੍ਞਾਯਮਾਨੇ ਕਾਲਸਦ੍ਦੇਹਿ ਅਦ੍ਧ ਸਦ੍ਦੇਹਿ |ਓ੦.੦੦੪੨| ਚ ਦੁਤਿਯਾ ਹੋਤਿ; ਮਾਸਮਧੀਤੇ, ਮਾਸਂ ਕਲ੍ਯਾਣਿ. ਮਾਸਂ ਗੁਲ਼ਧਾਨਾ, ਕੋਸਮਧੀਤੇ, ਕੋਸਂ ਕੁਟਿਲਾ ਨਦੀ, ਕੋਸਂ ਪਬ੍ਬਤੋ; ਅਚ੍ਚਨ੍ਤਸਂਯੇਗੇਤਿ ਕਿਂ? ਮਾਸਸ੍ਸ ਦ੍ਵੀਹਮਧੀਤੇ; ਕੋਸਸ੍ਸੇਕ ਦੇਸੇ ਪਬ੍ਬਤੋ; ਪੁਬ੍ਬਨ੍ਹਸਮਯਂ ਨਿਵਾਸੇਤ੍ਵਾ, ਏਕਂ ਸਮਯਂ ਭਗਵਾ, ਇਮਂ ਰਤ੍ਤਿਂ ਚਤ੍ਤਾਰੋ ਮਹਾਰਾਜਾਤਿ; ਏਵਮਾਦਿਸੁ ਕਾਲਵਾਚੀਹਿ ਅਚ੍ਚਨ੍ਤਸਂਯੇਗਤ੍ਤਾਵ ਦੁਤਿਯਾ ਸਿਦ੍ਧਾ, ਵਿਭਤ੍ਤਿਵਿਪਲ੍ਲਾਸੇਨ ਵਾ ਬਹੁਲਂ ਵਿਧਾਨਾ-
ਫਲਪ੍ਪਤ੍ਤਿਯਂ ਕ੍ਰਿਯਾਪਰਿਸਮਤ੍ਤ੍ਯਪਵਗ੍ਗੋ ਤਸ੍ਮਿਂ ਵਿਞ੍ਞਾਯ ਮਾਨੇ ਕਾਲਦ੍ਧਾਨਂ ਕ੍ਰਿਯਾਯਾਚ੍ਚਨ੍ਤਸਂਯੋਗੇ ਤਤਿਯਾਭਿਮਤਾ ਸਾਪਿ ਕਰਣਤ੍ਤਾਵ ਸਿਦ੍ਧਾ; ਮਾਸੇਨਾਨੁਵਾਕੋ’ਧੀਤੋ, ਕੋਸੇਨਾਨੁਵਾ ਕੋ’ਧੀਤੋਤਿ; ਅਨਪਵਗ੍ਗੇਤੁ ਅਸਾਧਕਤਮਤ੍ਤਾ ਕਰਣਤ੍ਤਾਭਵੇ ਦੁਤਿਯਾਵ ਮਾਸਮਧੀਤੋ’ਨੁਵਾਕੋ, ਨ ਚਾਨੇਨ ਗਹਿਤੋਤਿ.
ਕਾਰਕਮਜ੍ਝੇ ਯੇ ਕਾਲਦ੍ਧਾਨਵਾਚਿਨੋ ਤਤੋ ਸਤ੍ਤਮੀਪਪਞ੍ਚਮਿਯੋ ਅਭਿਮਤਾ; ਅਜ੍ਜ ਭੁਤ੍ਵਾ ਦੇਵਦਤ੍ਤੋ ਦ੍ਵੀਹੇ ਭੁਞ੍ਜਿਸ੍ਸਤਿ ਦ੍ਵੀਹਾ ਭੁਞ੍ਜਿਸ੍ਸਤਿ, ਅਤ੍ਰਟ੍ਠੋ’ਯਮਿਸ੍ਸਾਸੋ ਕੋਸੇ ਲਕ੍ਖਂ ਵਿਜ੍ਝਤਿ, ਕੋਸਾ ਲਕ੍ਖਂ ਵਿਜ੍ਝਤੀਤਿ-ਤਾਪੀਹ ਸਕਸਕਕਾਰਕਵਚਨਿਚ੍ਛਾਯੇਵ ਸਿਦ੍ਧਾ.
ਗਤਿਬੋਧਾਹਾਰਸਦ੍ਦਤ੍ਥਕਮ੍ਮਕਹਜ੍ਜਾਦੀਨਂ |ਓ੦.੦੦੪੩| ਪਯੋਜ੍ਜੇ-.
ਗਮਨਤ੍ਥਾਨਂ ਬੋਧਤ੍ਥਾਨਂ ਆਹਾਰਤ੍ਥਾਨਂ ਸਦ੍ਦਤ੍ਥਾਨਮਕਮ੍ਮਕਾਨਂ ਭਜ੍ਜਾਦੀਨਞ੍ਚ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਹੋਤਿ, ਸਾਮਤ੍ਥਿਯਾ ਚ ਪਯੋਜਕਵ੍ਯਾਪਾਰੇਨ ਕਮ੍ਮਤਾਵਸ੍ਸ ਹੋਤੀਤਿ ਪਤੀਯਤੇ; ਗਮ ਯਤਿ ਮਾਣਵਕਂ ਗਾਮਂ, ਯਾਪਯਤਿ ਮਾਣਵਕਂ ਗਾਮਂ, ਬੋਧਯਤਿ ਮਾਣਵਕਂ ਧਮ੍ਮਂ, ਵੇਦਯਤਿ ਮਾਣਵਕਂ ਧਮ੍ਮਂ, ਭੋਜਯਤਿ ਮਾਣਵਕਮੋਦਨਂ, ਆਸਯਤਿ ਮਾਣਵਕਮੋਦਨਂ, ਅਜ੍ਝਾਪਯਤਿ ਮਾਣਵਕਂ ਵੇਦਂ ਪਾਠਯਤਿ |ਓ੦.੦੦੪੪| ਮਾਣਵਕਂ ਵੇਦਂ, ਆਸਯਤਿ ਦੇਵਦਤ੍ਤਂ, ਸਾਯਯਤਿ ਦੇਵ ਦਤ੍ਤਂ, ਅਞ੍ਞਂ ਭਜ੍ਜਾਪੇਤਿ, ਅਞ੍ਞਂ ਕੋਟ੍ਟਾਪੇਤਿ, ਅਞਞ੍ਞਂ ਸਨ੍ਥਰਾਪੇਤਿ. ਏਤੇਸਮੇਵਾਤਿ ਕਿਂ?ਪਾਚਯਤਿ ਓਦਨਂ ਦੇਵਦਤ੍ਤੇਨ ਯਞਞ੍ਞਦਤ੍ਤੋ; ਪਯੇ ਪ੍ਪੋਤਿ ਕਿਂ?ਗਚ੍ਛਤਿ ਦੇਵਦਤ੍ਤੋ, ਯਦਾ ਚਰਹਿਗਮਯਤਿ ਦੇਵਦਤ੍ਤਂ ਯਞ੍ਞ ਦਤ੍ਤੋ, ਤਮਪਰੋ ਪਯੋਜਯਤਿ ਤਦਾ ਗਮਯਤਿ ਦੇਵਦਤ੍ਤਂ ਯਞ੍ਞਦਤ੍ਤੇਨੇਤਿ - ਭਵਿਤਬ੍ਬਂ ਗਮਯਤਿਸ੍ਸਾਗਮਨਤ੍ਥਤ੍ਤਾ.
ਹਰਾਦੀਨਂ |ਓ੦.੦੦੪੫| ਵਾ-.
ਹਰਾਦੀਨਂ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਹੋਤਿ ਵਾ; ਹਾਰੇਤਿ ਹਾਰਂ ਦੇਵਦਤ੍ਤਂ ਦੇਵਦਤ੍ਤੇਨੇਤਿ ਵਾ, ਅਜ੍ਝੋਹਾਰੇਤਿ ਸਤ੍ਤੁਂ ਦੇਵਦਤ੍ਤਂ ਦੇਵਦਤ੍ਤੇਨੇਤਿ ਵਾ, ਕਾਰੇਤਿ ਦੇਵਦਤ੍ਤਂ ਦੇਵਦਤ੍ਤੇਨੇਤਿ ਵਾ, ਦਸ੍ਸਯਤੇ ਜਨਂ ਰਾਜਾ ਜਨੇਨੇਤਿ ਵਾ, ਅਭਿਵਾਦਯਤੇ ਗੁਰੁਂ ਦੇਵਦਤ੍ਤਂ ਦੇਵਦਤ੍ਤੇਨੇਤਿ ਵਾ.
ਨ |ਓ੦.੦੦੪੬| ਖਾਦਾਦੀਨਂ-.
ਖਾਦਾਦੀਨਂ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਨ ਹੋਤਿ; ਖਾਦਯਤਿ ਦੇਵਦਤ੍ਤੇਨ, ਆਦਯਤਿ ਦੇਵਦਤ੍ਤੇਨ, ਅਵ੍ਹਾਪਯਤਿ ਦੇਵਦਤ੍ਤੇਨ, ਸਦ੍ਦਾਯਤਿ ਦੇਵਦਤ੍ਤੇਨ, ਕਨ੍ਦਯਤਿ ਦੇਵਦਤ੍ਤੇਨ, ਨਾਯਯਤਿ ਦੇਵਦਤ੍ਤੇਨ.
ਵਹਿਸ੍ਸਾਨਿਯਨ੍ਤੁਕੇ-.()
ਵਾਹਯਤਿ ਭਾਰਂ ਦੇਵਦਤ੍ਤੇਨ; ਅਨਿਯਨ੍ਤੁਕੇਤਿ-ਕਿਂ?ਵਾਹਯਤਿ ਗਾਰਂ ਬਲਿਵਦ੍ਦੇ.
ਭਕ੍ਖਿਸ੍ਸਾਹਿਂਸਾਯਂ-.()
ਭਕ੍ਖਯਤਿ ਮੋਦਕੇ ਦੇਵਦਤ੍ਤੇਨ; ਅਹਿਂਸਾਯਨ੍ਤਿ ਕਿਂ? ਭਕ੍ਖਯਤਿ ਬਲਿਵਦ੍ਦੇ ਸਸ੍ਸਂ.
ਧ੍ਯਾਦੀਹਿ |ਓ੦.੦੦੪੭| ਯੁਤ੍ਤਾ-.
ਧਿਆਦੀਹਿ ਯੁਤ੍ਤਤੋ ਦੁਤਿਯਾ ਹੋਤਿ? ਧਿਰਤ੍ਥੁਮਂ ਪੂਤਿਕਾਯਂ, ਅਨ੍ਤਰਾ ਚ ਰਾਜਗਹਂ, ਅਨ੍ਤਰਾ ਚ ਨਾਲ਼ਨ੍ਦਂ, ਸਮਾਧਾਨਮਨ੍ਤਰੇਨ, ਮੁਚਲਿਨ੍ਦਮਭਿਤੋ ਸਰਮਿਚ੍ਚਾਦਿ-ਛਟ੍ਠਿਯਾਪਵਾਦੋ ਯਂ.
ਲਕ੍ਖਣਿਤ੍ਥਮ੍ਭੁਤਵੀਚ੍ਛਾਸ੍ਵਭਿਨਾ-.
ਲਕ੍ਖਣਾਦਿਸ੍ਵਤ੍ਥੇਸ੍ਵਹਿਨਾ ਯੁਤ੍ਤਮ੍ਹਾ ਦੁਤਿਯਾ ਹੋਤਿ; ਰੁਕ੍ਖ ਮਭਿਵਿਜ੍ਜੇਤਤੇ ਵਿਜ੍ਜੁ, ਸਾਧੁ ਦੇਵਦਤ੍ਤੋ ਮਾਤਰਮਭਿ, ਰੁਕ੍ਖਂ ਰੁਕ੍ਖਮਭਿਤਿਟ੍ਠਤਿ.