੧. ਕੋਧਪੇਯ੍ਯਾਲਂ

੧੮੧. ‘‘ਦ੍ਵੇਮੇ, ਭਿਕ੍ਖਵੇ, ਧਮ੍ਮਾ. ਕਤਮੇ ਦ੍ਵੇ? ਕੋਧੋ ਚ ਉਪਨਾਹੋ ਚ…ਪੇ… ਮਕ੍ਖੋ ਚ ਪਲ਼ਾਸੋ [ਪਲਾਸੋ (ਕ.)] ਚ… ਇਸ੍ਸਾ ਚ ਮਚ੍ਛਰਿਯਞ੍ਚ… ਮਾਯਾ ਚ ਸਾਠੇਯ੍ਯਞ੍ਚ… ਅਹਿਰਿਕਞ੍ਚ ਅਨੋਤ੍ਤਪ੍ਪਞ੍ਚ. ਇਮੇ ਖੋ, ਭਿਕ੍ਖਵੇ, ਦ੍ਵੇ ਧਮ੍ਮਾ’’.

੧੮੨. ‘‘ਦ੍ਵੇਮੇ, ਭਿਕ੍ਖਵੇ, ਧਮ੍ਮਾ. ਕਤਮੇ ਦ੍ਵੇ? ਅਕ੍ਕੋਧੋ ਚ ਅਨੁਪਨਾਹੋ ਚ… ਅਮਕ੍ਖੋ ਚ ਅਪਲ਼ਾਸੋ ਚ… ਅਨਿਸ੍ਸਾ ਚ ਅਮਚ੍ਛਰਿਯਞ੍ਚ… ਅਮਾਯਾ ਚ ਅਸਾਠੇਯ੍ਯਞ੍ਚ… ਹਿਰੀ ਚ ਓਤ੍ਤਪ੍ਪਞ੍ਚ. ਇਮੇ ਖੋ, ਭਿਕ੍ਖਵੇ, ਦ੍ਵੇ ਧਮ੍ਮਾ’’.

੧੮੩. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਦੁਕ੍ਖਂ ਵਿਹਰਤਿ. ਕਤਮੇਹਿ ਦ੍ਵੀਹਿ? ਕੋਧੇਨ ਚ ਉਪਨਾਹੇਨ ਚ… ਮਕ੍ਖੇਨ ਚ ਪਲ਼ਾਸੇਨ ਚ… ਇਸ੍ਸਾਯ ਚ ਮਚ੍ਛਰਿਯੇਨ ਚ… ਮਾਯਾਯ ਚ ਸਾਠੇਯ੍ਯੇਨ ਚ… ਅਹਿਰਿਕੇਨ ਚ ਅਨੋਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਦੁਕ੍ਖਂ ਵਿਹਰਤਿ’’.

੧੮੪. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਸੁਖਂ ਵਿਹਰਤਿ. ਕਤਮੇਹਿ ਦ੍ਵੀਹਿ? ਅਕ੍ਕੋਧੇਨ ਚ ਅਨੁਪਨਾਹੇਨ ਚ… ਅਮਕ੍ਖੇਨ ਚ ਅਪਲ਼ਾਸੇਨ ਚ… ਅਨਿਸ੍ਸਾਯ ਚ ਅਮਚ੍ਛਰਿਯੇਨ ਚ… ਅਮਾਯਾਯ ਚ ਅਸਾਠੇਯ੍ਯੇਨ ਚ … ਹਿਰਿਯਾ ਚ ਓਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਸੁਖਂ ਵਿਹਰਤਿ’’.

੧੮੫. ‘‘ਦ੍ਵੇਮੇ, ਭਿਕ੍ਖਵੇ, ਧਮ੍ਮਾ ਸੇਖਸ੍ਸ ਭਿਕ੍ਖੁਨੋ ਪਰਿਹਾਨਾਯ ਸਂਵਤ੍ਤਨ੍ਤਿ. ਕਤਮੇ ਦ੍ਵੇ? ਕੋਧੋ ਚ ਉਪਨਾਹੋ ਚ… ਮਕ੍ਖੋ ਚ ਪਲ਼ਾਸੋ ਚ… ਇਸ੍ਸਾ ਚ ਮਚ੍ਛਰਿਯਞ੍ਚ… ਮਾਯਾ ਚ ਸਾਠੇਯ੍ਯਞ੍ਚ… ਅਹਿਰਿਕਞ੍ਚ ਅਨੋਤ੍ਤਪ੍ਪਞ੍ਚ. ਇਮੇ ਖੋ, ਭਿਕ੍ਖਵੇ, ਦ੍ਵੇ ਧਮ੍ਮਾ ਸੇਖਸ੍ਸ ਭਿਕ੍ਖੁਨੋ ਪਰਿਹਾਨਾਯ ਸਂਵਤ੍ਤਨ੍ਤਿ’’.

੧੮੬. ‘‘ਦ੍ਵੇਮੇ, ਭਿਕ੍ਖਵੇ, ਧਮ੍ਮਾ ਸੇਖਸ੍ਸ ਭਿਕ੍ਖੁਨੋ ਅਪਰਿਹਾਨਾਯ ਸਂਵਤ੍ਤਨ੍ਤਿ. ਕਤਮੇ ਦ੍ਵੇ? ਅਕ੍ਕੋਧੋ ਚ ਅਨੁਪਨਾਹੋ ਚ… ਅਮਕ੍ਖੋ ਚ ਅਪਲ਼ਾਸੋ ਚ… ਅਨਿਸ੍ਸਾ ਚ ਅਮਚ੍ਛਰਿਯਞ੍ਚ… ਅਮਾਯਾ ਚ ਅਸਾਠੇਯ੍ਯਞ੍ਚ… ਹਿਰੀ ਚ ਓਤ੍ਤਪ੍ਪਞ੍ਚ. ਇਮੇ ਖੋ, ਭਿਕ੍ਖਵੇ, ਦ੍ਵੇ ਧਮ੍ਮਾ ਸੇਖਸ੍ਸ ਭਿਕ੍ਖੁਨੋ ਅਪਰਿਹਾਨਾਯ ਸਂਵਤ੍ਤਨ੍ਤਿ’’.

੧੮੭. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਨਿਰਯੇ. ਕਤਮੇਹਿ ਦ੍ਵੀਹਿ? ਕੋਧੇਨ ਚ ਉਪਨਾਹੇਨ ਚ… ਮਕ੍ਖੇਨ ਚ ਪਲ਼ਾਸੇਨ ਚ… ਇਸ੍ਸਾਯ ਚ ਮਚ੍ਛਰਿਯੇਨ ਚ… ਮਾਯਾਯ ਚ ਸਾਠੇਯ੍ਯੇਨ ਚ… ਅਹਿਰਿਕੇਨ ਚ ਅਨੋਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਨਿਰਯੇ’’.

੧੮੮. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਸਗ੍ਗੇ. ਕਤਮੇਹਿ ਦ੍ਵੀਹਿ? ਅਕ੍ਕੋਧੇਨ ਚ ਅਨੁਪਨਾਹੇਨ ਚ… ਅਮਕ੍ਖੇਨ ਚ ਅਪਲ਼ਾਸੇਨ ਚ… ਅਨਿਸ੍ਸਾਯ ਚ ਅਮਚ੍ਛਰਿਯੇਨ ਚ… ਅਮਾਯਾਯ ਚ ਅਸਾਠੇਯ੍ਯੇਨ ਚ… ਹਿਰਿਯਾ ਚ ਓਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਸਗ੍ਗੇ’’.

੧੮੯. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਇਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤਿ. ਕਤਮੇਹਿ ਦ੍ਵੀਹਿ? ਕੋਧੇਨ ਚ ਉਪਨਾਹੇਨ ਚ… ਮਕ੍ਖੇਨ ਚ ਪਲ਼ਾਸੇਨ ਚ… ਇਸ੍ਸਾਯ ਚ ਮਚ੍ਛਰਿਯੇਨ ਚ… ਮਾਯਾਯ ਚ ਸਾਠੇਯ੍ਯੇਨ ਚ… ਅਹਿਰਿਕੇਨ ਚ ਅਨੋਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਇਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤਿ’’.

੧੯੦. ‘‘ਦ੍ਵੀਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਇਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਤਿ. ਕਤਮੇਹਿ ਦ੍ਵੀਹਿ? ਅਕ੍ਕੋਧੇਨ ਚ ਅਨੁਪਨਾਹੇਨ ਚ… ਅਮਕ੍ਖੇਨ ਚ ਅਪਲ਼ਾਸੇਨ ਚ… ਅਨਿਸ੍ਸਾਯ ਚ ਅਮਚ੍ਛਰਿਯੇਨ ਚ… ਅਮਾਯਾਯ ਚ ਅਸਾਠੇਯ੍ਯੇਨ ਚ… ਹਿਰਿਯਾ ਚ ਓਤ੍ਤਪ੍ਪੇਨ ਚ. ਇਮੇਹਿ ਖੋ, ਭਿਕ੍ਖਵੇ, ਦ੍ਵੀਹਿ ਧਮ੍ਮੇਹਿ ਸਮਨ੍ਨਾਗਤੋ ਇਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਤਿ’’.

ਕੋਧਪੇਯ੍ਯਾਲਂ ਨਿਟ੍ਠਿਤਂ.