૨૫૮. પબ્બાજનીયકમ્મવિવાદકથા

૪૩૫. ઇધ પન, ભિક્ખવે, ભિક્ખુ કુલદૂસકો હોતિ પાપસમાચારો. તત્ર ચે ભિક્ખૂનં એવં હોતિ – ‘‘અયં ખો, આવુસો, ભિક્ખુ કુલદૂસકો પાપસમાચારો. હન્દસ્સ મયં પબ્બાજનીયકમ્મં કરોમા’’તિ. તે તસ્સ પબ્બાજનીયકમ્મં કરોન્તિ – અધમ્મેન વગ્ગા…પે… અધમ્મેન સમગ્ગા… ધમ્મેન વગ્ગા… ધમ્મપતિરૂપકેન વગ્ગા… ધમ્મપતિરૂપકેન સમગ્ગા. તત્રટ્ઠો સઙ્ઘો વિવદતિ – ‘‘અધમ્મેન વગ્ગકમ્મં, અધમ્મેન સમગ્ગકમ્મં, ધમ્મેન વગ્ગકમ્મં, ધમ્મપતિરૂપકેન વગ્ગકમ્મં, ધમ્મપતિરૂપકેન સમગ્ગકમ્મં, અકતં કમ્મં દુક્કટં કમ્મં પુન કાતબ્બં કમ્મ’’ન્તિ. તત્ર, ભિક્ખવે, યે તે ભિક્ખૂ એવમાહંસુ – ‘‘ધમ્મપતિરૂપકેન સમગ્ગકમ્મ’’ન્તિ યે ચ તે ભિક્ખૂ એવમાહંસુ – ‘‘અકતં કમ્મં દુક્કટં કમ્મં પુન કાતબ્બં કમ્મ’’ન્તિ, ઇમે તત્થ ભિક્ખૂ ધમ્મવાદિનો. ઇમે પઞ્ચ વારા સંખિત્તા.

પબ્બાજનીયકમ્મવિવાદકથા નિટ્ઠિતા.