૨૪૬. અદસ્સને ઉક્ખેપનીયકમ્મકથા

૪૧૫. ઇધ પન, ભિક્ખવે, ભિક્ખુ આપત્તિં આપજ્જિત્વા ન ઇચ્છતિ આપત્તિં પસ્સિતું. તત્ર ચે ભિક્ખૂનં એવં હોતિ – ‘‘અયં ખો, આવુસો, ભિક્ખુ આપત્તિં આપજ્જિત્વા ન ઇચ્છતિ આપત્તિં પસ્સિતું. હન્દસ્સ મયં આપત્તિયા અદસ્સને ઉક્ખેપનીયકમ્મં કરોમા’’તિ. તે તસ્સ આપત્તિયા અદસ્સને ઉક્ખેપનીયકમ્મં કરોન્તિ – અધમ્મેન વગ્ગા. સો તમ્હા આવાસા અઞ્ઞં આવાસં ગચ્છતિ. તત્થપિ ભિક્ખૂનં એવં હોતિ – ‘‘અયં ખો, આવુસો, ભિક્ખુ સઙ્ઘેન આપત્તિયા અદસ્સને ઉક્ખેપનીયકમ્મકતો અધમ્મેન વગ્ગેહિ. હન્દસ્સ મયં આપત્તિયા અદસ્સને ઉક્ખેપનીયકમ્મં કરોમા’’તિ. તે તસ્સ આપત્તિયા અદસ્સને ઉક્ખેપનીયકમ્મં કરોન્તિ – અધમ્મેન સમગ્ગા…પે… ધમ્મેન વગ્ગા… ધમ્મપતિરૂપકેન વગ્ગા… ધમ્મપતિરૂપકેન સમગ્ગા…પે….

ચક્કં કાતબ્બં.

અદસ્સને ઉક્ખેપનીયકમ્મકથા નિટ્ઠિતા.